38
yüksək rentabelliyi təmin edən pul vəsaitlərinin xərclənməsinin səmərəliliyi;
xərcin bu və ya başqa istehsal və ya tədavül xərc maddələrinə düzgün daxil
aid edilməsi də daxil olmaqla maliyyələşmə üzərində nəzarət
Dövriyyə vəsaitlərinin maliyyələşdirilməsi.
Dövriyyə vəsaitlərinin maliyyələşdiriləmsi mənbələri aşağıdakılardır:
Xüsusi vəsaitlər;
Borc vəsaitlər (Qısamüddətli kreditlər);
Cəlb olunmuş vəsaitlər.
Xüsusi vəsaitlər fondların dövranında mühüm rol oynayır. Kommersiya prinsip-
ləri əsasında fəaliyyət göstərən müəssisələr işin rentabelli getməsi və qəbul olunan
qərarlara cavabdehlik daşımaqdan ötrü müəyyən əmlak və operator müstəqilliyə
malik olmaladırlar. Borc vəsaitləri özündə dövriyyə vəsaitlərinin maliyyələşdirilməsi
üçün qısamüddətli kreditləri əks etdirir. Bu kreditlərin cəlb edilməsinin məqsədi möv-
sümi istehsal prosesi ilə əlaqədar olaraq mövsümi xammal-material ehtiyatlarının
yaradılması, dövriyyə vəsaitlərinin müvəqqəti çatışmamazlığının aradan qaldırılması,
hesablaşmaların həyata keçirilməsi kimi işləri həyata keçirməkdir. Hazırki dövrdə
maliyyə bazarlarının inkişafı müəssisələr üçün cəlb olunmuş vəsaitlər kimi yeni ma-
liyyələşdirmə mənbəyi açmışdır. Cəlb olunmuş vəsaitlər maliyyə alətləri vasitəsilə
həyata keçirilir. Həmin maliyyə alətlərinə səhmlər, istiqrazlar, veksellər və s. qiymətli
kağızlar daxildir.
2.2. Mənfəət əldə edilməsi məqsədilə müəssisənin investisiya
fəaliyyətinin əsas istiqamətləri
İnvestisiyalar – (latınca investio – geyinmək) sahibkarlıq və başqa fəaliyyət
obyektlərinə mənfəət və ya sosial səmərəlilik əldə etmək üçün sərf olunan bütün
əmlak növlərinin və intellektual dəyərlərin məcmusudur.
İnvestisiya fəaliyyəti – vətəndaşların, hüquqi şəxslərin və dövlətin investisi-
yaların reallaşdırılması üzrə praktiki fəaliyyətlərinin məcmusudur. İnvestisiyalar
39
başlıca olaraq mənfəət əldə etmək məqsədilə iqtisadiyyatın müxtəlif sahələrində
həyata keçirilən uzunmüddətli kapital qoyuluşlarıdır. İnvestisiyalar qarşılıqlı faydalı
proses olmaqla həm investisiya subyektlərinə, həm də investisiya obyektlərinə (hər
hansı əmlak, o cümlədən, əsas fondlar, dövriyyə vəsaiti, qiymətli kağızlar, məqsədli
pul əmanətləri, elmi-texniki məhsullar, intellektual sərvətlər, digər mülkiyyət
obyektləri, habelə əmək hüquqları) gəlir gətirməlidir.
İnvestisiya prosesi gələcək zamanda əldə olunacaq bir prosesdir. Yəni investor
tərəfindən investisiya olunan resurslar gələcəkdə (investisiya yatırılan anda yox)
mənfəət şəklində əldə olunmalıdır. Məhz bu xüssiyyəti investisiyaları riskli edir.
Adətən çertyojlardan bitmiş istehsala qədər olan müddət 3 ildən 5 ilədək davam
edir. Bunun üçün kifayət qədər uzaq perspektivdə tələbin xarakterini qabaqcadan
bitmək tələb olunur. Çünki bütün bugünki məqsədlər, planlar əldə edilməsi
gələcəkdə nəzərdə tutulan mənfəətə, vəsaitlərə əsaslanır.
Dünya praktikasında investisiyaların 3 əsas formasını fərqləndirirlər:
1. Birbaşa və ya real investisiyalar;
2. Portfel və ya maliyyə investisiyaları;
3. Sənaye və ticarət korporasiyalarına, banklara və başqa maliyyə təsisatlarına
verilən qısamüddətli və uzunmüddətli kreditlər və s. borc kapitalı formasında
olan investisiyalar.
Birbaşa investisiyalar – investor korporasiya tərəfindən ya investisiya yönəldilən
şirkətə tam sahib olmaqla, ya da onun üzərində faktiki nəzarətlə həyata keçirilir. Real
investisiyalar – özəl firma və ya dövlət tərəfindən hər hansı bir məhsulun istehsalına,
ticarətə və ya xidmət sferasına yönəldilir.
Real investisiyalar iki müxtəlif komponentdən ibarətdir. Onlardan birincisi əsas
kapitala daha dəqiq desək istehsal avadanlıqlarının, maşın və mexanizmlərin, istehsal
təyinatı binaların əldə edilməsinə yönəldilən investisiyalardır. İkinci komponent – is-
thesal prosesi üçün zəruri olan əmtəə-material ehtiyatlarına yönəldilən investi-
siyalardır.
Aparıcı investorlar əsasən dünyanın inkişaf etmiş ölkələri sayılır. Son 20 ildə
xarici birbaşa investisiyalar içərisində ABŞ-nın payı 55%-dən 44%-dək azalmış,
40
Qərbi Avropa və Yaponiyanın payı isə müvafiq olaraq 37%-dən 44%-dək 1;-dən
10;-dək yüksəlmişdir (mənbələr – www/imf.org Beynəlxalq Valyuta Fondunun
İnternet saytı və www/bea.gov ABŞ-nın İqtisadi Təhlil Bürosu).
Maraqlıdır ki, son illərdə ABŞ-a birbaşa investisiyaların idxalı onun ixracını
üstələmişdir.
Portfel və ya maliyyə investisiyaları dedikdə – maliyyə institutlarına, daha
doğrusu hər hansı firma və ya dövlətin səhmlərinə, istiqrazlarına və ya başqa
qiymətli kabızlara investisiya qoyuluşları başa düşülür. Xarici portfel investisiyaların
vasitəçiləri kimi əsas ən investisiya bankları çıxış edirlər. Bu investisiya növünün
istiqamətinə, əsasən müxtəlif qiymətli kağızlar üzrə ödənilən faiz dərəcələri böyük
təsir göstərir. Belə ki, ABŞ-da yüksək faiz dərəcələri çoxlu xarici investorları,
xüsusilə Yapon investorlarını cəlb etmişdir.
Hazırda borc kapitalları bazarını 2 yerə ayırırlar:
1. Pul bazarı – qısamüddətli kreditlər bazarı (1 ilədək). Onların köməyilə
korporasiyalar və banklar dövriyyə vəsaitlərinə olan müvəqqəti tələbatlarını
tamamlayırlar.
2. Kapital bazarı – orta ( 1 ildən 3 ilədək) və uzunmüddətli (3 ildən yuxarı)
kreditlər bazarı. Bu vəsaitlər başlıca olaraq əsas fondların alınmasına,
uzunmüddətli layihələrə investisiya olunurlar.
Elm və texnikanın yüksək inkişaf səviyyəsinə çatdığı müasir dövrdə investisi-
yaların təyinatı baxımından yeni bir investisiya növü yaranmışdır. İntellektual invest-
tisiyalar adlandırılan bu investisiyalar kadrların hazırlanmasına, təcrübənin ötürül-
məsinə, lisenziyaların və nou-xaunun əldə edilməsinə, birgə elmi tədqiqatlara yö-
nəldilən investisiyalardır.
İnvestisiyaların xarakterinə və xüsusi kapitalın təşkili formasına görə individual
(fiziki şəxs), korporativ (müəssisə və təşkilat) və institutsional (kollektiv) invest-
torları fərqləndirmək olar.
İndividual investorların əsas xüsusiyyətləri ondan ibarətdir ki, onlar özlərinin
kapitallarının birləşdirmirlər, investisiyaları bir-birindən asılı olmadan öz adından və
öz vəsaitləri hesabına həyata keçirirlər.
Dostları ilə paylaş: |