4
maliyyə təminatı mənbəi olmaqla, digər tərəfdən dövlət büdcəsinin gəlirlərinin təş-
kilində böyük rol oynayır. Ona görə də müasir dövrdə digər iqtisadi kateqoriyalar
sistemində mənfəətin zəruriliyini, onun mahiyyətini, geniş təkrar istehsalda və büdcə
gəlirlərinin təşkilində rolunu elmi cəhətdən araşdırmaqla, mənfəətin artmasına təsir
edən amillərin tədqiq olunmasına böyük ehtiyac vardır. Bu baxımdan magistr
dissertasiyası kimi seçdiyim mövzu aktual məsələlərdən birinə həsr olunmuşdur.
Tədqiqatın məqsədi və vəzifəsi. Azərbaycan Respublikasının müasir inkişaf
səviyyəsinə uyğun olaraq müəssisələrin və təsərrüfat təşkilatlarının sahibkarlıq
fəaliyyətinin xüsusiyyətlərinin tədqiqi, müəssisələrin pul vəsaiti fondlarının yaranma-
sı və səmərəli istifadə edilməsi istiqamətlərinin müəyyən edilməsi, təsərrüfat sub-
yektlərinin təsərrüfat-maliyyə fəaliyyətinin nəticəsi kimi mənfəətin iqtisadi mahiyyə-
tinin və rolunun elmi araşdırılması tədqiqatın əsas məqsədidir.
Tədqiqatın vəzifəsi kommersiya müəssisələrinin təsərrüfat-maliyyə fəaliyyətini
öyrənmək, onların məqsədli pul vəsaiti fondlarının yaradılması və istifadəsi nəti-
cəsində əldə etdiyi mənfəətin formalaşması, bölüşdürülməsi və istifadə edilməsi
istiqamətlərini tədqiq etməkdən ibarətdir.
Tədqiqatın predmeti və obyekti. Müəssisələrin pul vəsaiti fondlarının, o cüm-
lədən təsərrüfat subyektlərinin təsərrüfat fəaliyyəti nəticəsində əldə olunan mən-
fəətin bölüşdürülməsi və istifadəsi prosesində maliyyə münasibətləri sistemi tədqi-
qatın predmetini təşkil edir. Dövlətin maliyyə sisteminin mühüm tərkib hissəsi və
başlıca həlqəsi kimi kommersiya müəssisələrinin maliyyəsi tədqiqatın obyektidir.
Tədqiqatın elmi yeniliyi. Kommersiya müəssisələrinin təsərrüfat-maliyyə fəa-
liyyətinin əsas istiqamətlərini və xüsusiyyətlərini araşdırmaqla mənfəətin forma-
laşması, onun planlaşdırılması. Bölüşdürülməsi və istifadə edilməsi istiqamətlərinin
müəyyən edilməsi və bu sahədə müvafiq tövsiyyə və təkliflərin verilməsi elmi yenilik
kimi qiymətləndirilə bilər.
Dissertasiya işinin təcrübi əhəmiyyəti. Tədqiqatın təcrübi əhəmiyyəti ondan
ibarətdir ki, kommersiya müəssisələrinin təsərrüfat-maliyyə fəaliyyətinin tədqiqi əsa-
sında onların maliyyə resurslarının və onun tərkib hissəsi kimi mənfəətin düzgün bö-
lüşdürülməsi, məqsədəuyğun və səmərəli istifadə edilməsi istiqamətində irəli sürülən
5
təklif və tövsiyyələr kommersiya müəssisələrinin əməli fəaliyyətində nəzərə alına
bilər.
Dissertasiya işinin strukturu. Dissertasiya işi üç fəsil, 9 paraqraf, nəticə və
ədəbiyyat hissəsindən ibarətdir.
Fəsil 1-də müəssisələrin maliyyəsinin təşkili əsasları, maliyyə sistemində onun
yeri və rolu tədqiq olunmuşdur. Burada müəssisələrin maliyyəsinin mahiyyəti və əsas
xüsusiyyətləri şərh olunmuş, müəssisənin maliyyə resurslarının mənbələri göstəril-
miş, mənfəət əldə olunması ilə əlaqədar məsrəflər izah olunmuşdur.
İkinci fəsildə müəssisənin təsərrüfat-maliyyə fəaliyyətinin təşkili istiqamətləri
tədqiq olunmuş, müəssisənin təsərrüfat-maliyyə fəaliyyətinin təşkili xüsusiyyətləri
açıqlanmış. Mənfəət əldə edilməsi məqsədilə müəssisənin investisiya fəaliyyətinin
əsas istiqamətləri araşdırılmışdır.
Üçüncü fəsil mənfəətin iqtisadi məzmunu, funksiyaları və istifadə istiqamətləri
tədqiq edilmiş, mənfəətin planlaşdırılması üsulları xarakterizə olunmuş, mənfəətin
bölüşdürülməsi və istifadəsi xüsusiyyətləri göstərilmişdir.
6
FƏSİL 1. MÜƏSSİSƏLƏRİN MALİYYƏSİNİN TƏŞKİLİ ƏSASLARI,
MALİYYƏ SİSTEMİNDƏ ONUN YERİ VƏ ROLU
1.1. Müəssisələrin maliyyəsinin mahiyyəti və əsas xüsusiyyətləri
Kommersiya müəsisələrinin və təşkilatlarının maliyyəsi ölkənin maliyyə sis-
teminin əsas həlqəsi olmaqla ÜDM-in yaradılması, bölüşdürülməsi və istifadəsini
dəyər formasında ifadə edir.
Kommersiya müəssisələrinin maliyyəsi maddi istehsal sferasında fəaliyyət gös-
tərir ki, burada ümumi daxili məhsulun yaranması baş verir.
Müəssisələrin maliyyəsi təsərrüfat subyektlərinin sahibkarlıq fəaliyyəti zamanı
xüsusi kapitalın, məqsədli pul vəsaiti fondlarının yaradılması, bölüşdürülməsi və
istifadəsi prosesində əmələ gələn pul münasibətlərini ifadə edir. Müəssisələrdə
sahikbarlıq fəaliyyətinin məqsədi xüsusi kapitalı qoruyub saxlamaq, ictimai tələbatı
ödəmək və mənfəət əldə etməkdir.
Müəssisələrin sahibkarlıq fəaliyyəti zamanı onların əsas və dövriyyə kapitalının
dövranı baş verir, məhsul istehsal edilib satılmaqla onların pul vəsaiti fondları
yaradılır və istifadə edilir. Bu proses özlüyündə ümumi daxili məhsulun yaradılması,
bölüşdürülməsi və istifadəsi ilə əlaqədar olan pul münasibətləri sistemi olmaqla
müəssisələrin maliyyəsinin məzmununu, iqtisadi mahiyyətini təşkil edir.
Kommersiya müəssisələri və təşkilatlarının sahibkarlıq fəaliyyəti nəticəsində
məhsul istehsalı və satışının baş verməsi, xidmətlərin göstərilməsi və işlərin
görülməsi, onların pul vəsaiti fondlarının yaradılması və istifadəsi ilə əlaqədar olaraq
müəyyən maliyyə münasibətləri yaranır.
Müəssisələrin maliyyə münasibətlərinin maddi məzmunu pul vəsaiti fondlarının
yaradılması və istifadəsində ifadə olunur. Çünki, müəssisələrin bir-biri arasında,
müəsisələrin bölmələri (sexləri) arasındakı iqtisadi münasibətlər pul formasında baş
verir. Həmin maliyyə münasibətləri aşağıdakı istiqamətlərdə yaranır:
müəssisə təsis edilərkən (yaradılarkən) onun xüsusi kapitalı və nizamnamə
kapitalının formalaşması zamanı həmin təsislər arasındakı pul münasibətləri