147
3 dəfə artıq olur. Araz çayının suyunun tərkibində Mincivan
qəsəbəsi yaxınlığında misin, fenolun, neft məhsullarının, mar-
qanın, dəmirin miqdarı normadan çox-çox artıq olur.
Normaya uyğun olmayan Kür və Araz çaylarının suları
üstəlik respublikamızın ərazisində güclü çirklənməyə məruz
qalır. İnzibati rayonlarımızın mərkəzlərində kanalizasiya təmiz-
ləyici qurğuların olmaması və yaxud tam işləməməsi üzündən,
məişət, istehsalat çirkab suları təmizlənmədən Kür və Araz
çaylarına, yaxud onların qollarına axıdılır.
Hər cür kimyəvi, bioloji, fızioloji, təbii və süni çirklən-
miş Kür çayı içməli su mənbəyi kimi öz keyfıyyətini itirmək-
dədir. Belə bir halda Kür su kəmərləri təmizləmə qurğuları su-
yu duzlardan kimyəvi birləşmələrin əksəriyyətindən təmizlən-
məsi bizim iradəmizdən asılı olmayaraq dövlət standartlarına
uyğun hala sala bilməz.
Aran rayonlarında modul tipli içməli su təmizləmə
qurğuları.
Bunun qeyri-mümkün olduğunu Tbilisi şəhərinin təcrü-
bəsi göstərir. Gürcüstan-Kür çayından olan su təmizləyici qur-
ğulardan imtina edərək yeraltı su təchizatına keçmişdir.
Ümumiyyətlə, dünya miqyasında böyük şəhərlərin su təc-
hizatı yeraltı sulardan nəzərdə tutulur.
Qəbələdən Bakıya çəkilən su boru kəməri
Bakı şəhərində içməli su qıtlığı, xüsusən yay aylarındakı
böhran vəziyyəti şəhər üçün əlavə su ehtiyatları axtarmaq zəru-
riyyəti meydana çıxarır. Bakı şəhərinin texniki su tələbatlarını
təmin etmək üçün ən əlverişli su ehtiyatları kimi Bakı metropo-
litenindən çıxarılan yeraltı sulardır. Hal-hazırda texniki tələbat-
lara və yaşıllıqların suvarılmasına yarayan bu sular hər gün şə-
hər kanalizasiyasına axıdılır.
Bakı metropolitenini yeraltı suları şəhər təsərrüfatlarının,
müəssisələrinin, texniki tələblərinə və yaşıllıqların suvarılmas-
ına sərf edilərsə, bu miqdar sutkada 30-35 min m
3
olan içməli
suya qənaət etməyə imkan verər.
148
Müəssisələrə və binalara verilən suyun 50%-i qazanxana-
larda işlədilir. Bunun üçün hər cürə sulardan istifadə etmək olar
(təmizlənmiş kanalizasiya suyu, göllərin suyu, yeraltı və yerüs-
tü duzlu sular, metropolitenin suyu, hətta Xəzərin suyu). De-
məli, həmin qazanxanalara gedən suyu su kəmərlərindən
ayırsaq, bu da suya olan tələbatın azaldılmasına imkan yaradar.
Bakı Kür su kəmərinin daşıyıcı borularından külli miq-
darda naməlum tələbatçılar tərəfindən su götürülür və bunun
nəticəsində şəhərə lazımi miqdarda suyun çatdırılması mümkün
deyildir. Məsələn, Atbulaq, Nəvai qəsəbələrinin ərazilərində
Kür su kəmərinin daşıyıcı borularına külli miqdarda müxtəlif
diametrli boruların calanması ilə yanaşı, diametri 300-350 mm
olan və üzərində siyirtmə olan boru kəməri də aşkar edilmişdir.
Bu boru kəməri ilə eni 2,5 m-ə, dərinliyi l,5m-yə yaxın olan bir
su vaxtaşırı qidalandırılması və onun vasitəsi ilə naməlum
şəxslərə məxsus olan bostan və bağ sahələrinin suvarılması
müəyyən edilmişdir. Quba, Qusar, Dəvəçi və Siyəzən rayon-
larının ərazisində fərdi təsərrüfatların və ictimai müəssisələrin
çirkab suları bu ərazidən keçən II Bakı su kəmərinin üstünə
axıdılır.
Xaçmaz şəhərində kanalizasiya sistemi olmadığından çir-
kab suları I Bakı su kəmərinin ətrafına toplanır.
Çox vacibdir ki, istismar olunan su kəmərlərindən labora-
toriyaların tam fəaliyyətini, zəruri sayılan analizlərin aparıl-
masını, əhaliyə verilən içməli suyun keyfıyyətinin standarta uy-
ğunluğu ciddi nəzarətə götürülə, su anbarı vaxtlı-vaxtında yu-
yula, xlorlanması təmin oluna və radiasiya, kimyəvi və bakteri-
oloji müşahidə postları Mülki müdafiə xidmətlər ilə qarşılıqlı
fəaliyyət göstərə.
Respublikada fövqəladə hal olmaması üçün su mənbələ-
rinin, su anbarlarının, su aparan kəmərlərin mühafızəsinə diq-
qət də artırılmalıdır.
Söylənilənlərdən göründüyü kimi, respublika əhalisinin
təxminən yarısı yaşayan Bakı-Abşeron, Sumqayıt yaşayış mən-
149
təqələrində xalqımızın ölüm-dirim məsələsinə, onun gələcək
nəsillərinin sağlam olması məsələlərinə daha ciddi yanaşmaq
zərurətdir. Bu baxımdan respublika Nazirlər Kabinetinin 305
saylı 19 iyun 1993-cü il qərarı çox təqdirə layiqdir. İndiyə qə-
dərki qərardan fərqli olaraq 305 saylı qərar bilavasitə Bakı,
Sumqayıt şəhərlərinin və Abşeron yarımadasının digər yaşayış
məntəqələrinin keyfiyyətli içməli su ilə təchizatına həsr olun-
muşdur.
Məhsuldarlığı 6 m
3
/san olan 3-cü Bakı su kəməri, bu xət-
tin suyu öz sələflərindən fərqli olaraq yeraltı mənbələrdən qida-
lanmalıdır. Şollar xətti ilə 3-cü Bakı su kəməri söylədiyimiz
yaşayış məntəqələrini içməli su ilə uzun müddətə təmin etmiş
olar. Çox təəssüflər olsun ki, xalqımızın sağlamlığı, məişəti,
gələcəyi naminə atılmış bu addım da nədənsə qərar olaraq ka-
ğız üzərində qalmışdır. Yaddan çıxarmaq lazım deyil ki, atalar
demiş, əldən qalan əlli il qalar.
Hər gün istifadə etdiyimiz su ilə bağlı nöqsanlar çoxdur,
lakin, bir məsələ indi sirr deyil ki, Bakı və Sumqayıtda bir çox
xəstəliklərin çoxalması bilavasitə söylədiklərimizlə bağlıdır.
Vaxtında təcili tədbirlər görülməzsə, həm su vasitəsi ilə yayılan
və həm də su qıtlığından yaranan antisanitariyadan əmələ gələn
xəstəliklər nəticəsində fövqəladə halların baş verməsi ehtimalı
son dərəcə yüksələr.
10.5. Sellər Fövqəladə hal mənbəyidir
Öncə deyək ki, 19-cu əsrin sonu 20-ci əsrin əvvəllərində
Şimali Azərbaycanın meşə və kolluqlarla örtülü sahəsi (Qərbi
Azərbaycanla birgə) hazırki vəziyyəti ilə müqayisədə 6-7 dəfə
azalıb. Hazırda Azərbaycanın meşə ilə örtülü sahələri aidiyyatı
dövlət təşkilatlarının verdiyi məlumata görə 11%-dir. Şimali
Azərbaycan isə Böyük və Kiçik Qafqazın ətəklərində yerləşdi-
yindən, ən böyük çaylar olan Kürlə Arazın mənbələrinin qonşu
Dostları ilə paylaş: |