28
Biometrikada tanıma məqsədilə əlin ölçülərindən və formasından, eləcə də əlin
üstündə barmaq sümüklərinin qatlanma yerlərindən, qan damarlarının yerləşməsin-
dən əmələ gələn naxışlardan və başqa əlamətlərdən istifadə olunur.
Ovuca görə
tanıma skanerləri bəzi hava limanlarında, banklarda, atom-elektrik stansiyalarında
quraşdırılır.
Bütün ciddi tədbirlər kimi informasiyanın mühafizəsi də kompleks şəkildə həyata
keçirilməlidir, yəni yaxşı nəticələr əldə etmək üçün bütün mühafizə üsulları birləşdi-
rilməlidir.
İnformasiyanın kompleks mühafizə sisteminə aşağıdakılar daxildir:
• təşkilati mühafizə, yəni müzakirələrdən tutmuş planların hazırlanmasına və in-
formasiyanın qorunması üzrə qurumların yaradılmasına qədər xüsusi tədbirlər;
• proqram-aparat mühafizəsi, yəni kompüter sistemləri və xüsusi proqramların
quraşdırılması;
• muhəndis-texniki mühafizə (videomüşahidə kameraları, kənar şəxslərin məxfi
otaqlara girişini məhdudlaşdıran intellektual qıfıllar və s.);
• qanunverici mühafizə.
Biometrik pasportlar barədə mövzunun əvvəlində verilmiş informasiyadan əlavə, daha
ətraflı məlumat toplayın və suallara cavab verin:
– Biometrik pasportlara keçid hansı zərurətdən yaranmışdır?
– Biometrik pasportların hansı müsbət və mənfi cəhətləri var?
– Bu pasportların saxtalaşdırılma imkanları barədə nə deyə bilərsiniz?
– Üz qabığında “PASPORT” sözündən aşağıdakı simvol nəyi bildirir?
Özünüzü yoxlayın
1.
İnformasiya nə üçün mühafizə olunmalıdır?
2.
Rəqəmli informasiya üçün hansı təhlükələr mövcuddur?
3.
İnformasiyanı qorumaq üçün hansı biometrik mühafizə üsulları vardır?
4.
İnformasiyanın kompleks mühafizəsi nə deməkdir?
5.
İnformasiyanın qanunvericiliklə mühafizəsində başlıca məqsədlər hansılardır?
ö y r ə n ə k
A R A Ş D I R A Q –
Şəxsiyyətin kimliyini müəyyənləşdirmək üçün hətta çox
kiçik və çox əski "genetik izlər" də yetərli olur. Bircə tük,
azacıq dəri parçası, poçt markasının arxa üzündə tüpürcək
izləri cinayətkarı tanımağa imkan verir. Axı genlərin
kombinasiyası təkrarsız olduğundan hər bir insanda DNT
fraqmentlərinin "naxışı" bənzərsizdir.
Bu
m
ar
aql
ıdır
İnformasiya
1
29
K
OMPÜTER VİRUSLARI
Adətən, özümüzü pis hiss etdikdə
həkimə müraciət edirik.
Bəzən kompüterlərdə də qəribə
hallar baş verir: proqramlar yavaş
işləyir, bəzi fayllar açılmır,
ekrana açmadığınız
pəncərələr
çıxır və s.
Sizcə, kompüterin məhsuldarlığının
azalması nə ilə bağlı ola bilər?
Onları necə aradan qaldırmaq olar?
İnformasiyanın qorunması üçün əsas təhlükələrdən biri kompüterə “girmiş”
ziyanverici proqramlardır. Belə ziyanverici proqramlar verilənlərin tamlığı üçün də
təhlükə yarada bilər. Kompüterdə saxlanılan verilənlərə və proqramlara zərər vuran
proqramlara
ziyanverici proqramlar deyilir.
Ziyanverici proqramların ən geniş yayılmış növü
kompüter viruslarıdır. Kom-
püter virusu proqramın, sənədin içərisinə, yaxud verilənlər daşıyıcısının müəyyən
sahələrinə daxil olan parazit proqram kodudur.
Bu kod daxil olduğu kompüterdə
özü-özünü çoxalda, müxtəlif ziyanlı işlər görə bilər.
Özü-özünü çoxaltma qabiliyyəti virus proqramlarının başlıca xüsusiyyətidir. Bu
proqramlar kompüter və digər daşıyıcıların sahiblərinin xəbəri olmadan öz nüsxə-
lərini yaradır. Virus proqramlarının əksəriyyəti ziyan vurmaqla məşğuldur: veri-
lənləri məhv edir və kompüterin normal işini pozur.
Biologiyadan viruslar haqqında öyrəndiklərinizi yadınıza salın. Kompüter virusları və
bioloji virusların ümumi və fərqləndirici əlamətlərini Venn diaqramının müvafiq sahə-
lərində qeyd edin:
Kompüterdə virusun “həyat yolu”
yoluxdurma və
aktivləşmə ilə başlanır. Yoluxma
təxminən bu cür baş verir: istifadəçi öz kompüterində virus daşıyıcısı olan proqramı
başladır. Bu proqram İnternetdən də “yüklənə” bilər, tanışlarınızdan köçürüb əldə
Bioloji virus
Kompüter virusu
F Ə A L İ Y Y Ə T
1.5
30
etdiyiniz proqram da ola bilər. Proqramın yüklənməsindən əvvəl, yaxud
sonra virus
aktivləşərək fəaliyyətə başlayır. Virusun fəaliyyət ssenarisi təxminən belədir:
1. Kompüterdə yoluxdurulması mümkün olan bütün faylları tapmaq.
2. Özünü faylın əvvəlinə, yaxud sonuna yazmaq.
3. Əgər “kritik” gün, başqa sözlə, virusun hücuma keçəcəyi gün yetişmişsə,
dağıdıcı işlər görmək.
4. Əgər həmin tarix yetişməmişsə, hər hansı “xırda” zərər yetirmək; məsələn,
kompüterin sərt diskində hər hansı kiçik sahəni “şifrləmək”.
Bəs kompüterin virusa yoluxmasını necə müəyyən etmək olar?
Kompüterə ziyan-
verici proqramların girməsini bildirən bir sıra əlamətlər vardır:
• ekrana nəzərdə tutulmayan məlumatların və görüntülərin çıxması;
• nəzərdə tutulmayan səs siqnallarının verilməsi;
• CD/DVD disksürəninin öz-özünə açılması və bağlanması;
• kompüterdə hər hansı proqramın “özbaşına” başladılması;
• kompüterin tez-tez sıradan çıxması və “ilişməsi”;
• proqramlar başladılarkən kompüterin yavaş işləməsi;
• fayl və qovluqların yoxa çıxması,
yaxud dəyişdirilməsi;
• sərt diskə tez-tez müraciət;
• brauzerin asılıb qalması, yaxud özünü gözlənilməz aparması (məsələn: proq-
ram pəncərəsini qapatmağın mümkün olmaması).
•
"VİRUS" kəlməsi ilk dəfə 1970-ci ildə amerikalı astro-
fizik və fantast yazıçı Qreqori Benfordun "Çapıqlı
adam" ("The Scarred Man") fantastik hekayəsində
kompüter proqramlarına aid işlədilib.
•
1973-cü ildə çəkilmiş “Westworld” fantastik filmində
"kompüter virusu" söz birləşməsi məhz bugünkü an-
lamda işlədilmişdir: “kompüter sisteminə geniş yayıl-
mış ziyanverici proqram”.
Bu
m
ar
aql
ıdır
Özünü çoxaldan mexanizmlər
nəzəriyyəsinin əsası
Con fon
Neyman tərəfindən qoyulub.
O, 1951-ci ildə bu cür
mexanizmlər yaratmaq üsu-
lunu təklif edib və belə proq-
ramlara nümunələr 1961-ci
ildən mövcuddur. İlk tanınmış
virus proqramları 1981-ci ildə
Apple II kompüterləri üçün
meydana çıxmış Virus 1, 2,
3 və Elk Cloner hesab olunur.
Tari
x
Con fon Neyman
(1903–1957)
Macarıstanda doğulmuş, 1930-cu illərdə
ABŞ-a mühacirət etmiş yəhudi əsilli
alim. Kvant fizikası,
kvant məntiqi,
funksional analiz, çoxluqlar nəzəriyyəsi,
informatika, iqtisadiyyat və başqa elm
sahələrinə mühüm töhfələr vermişdir.
Daha çox müasir
kompüterlərin
arxitekturasının (fon Neyman arxitek-
turasının) müəllifi, oyunlar nəzəriy-
yəsinin yaradıcısı kimi tanınır.