16
çayı,cənub və cənub şərqdə Kassi ölkəsi, qərbdə Urartunun cənubuna qədər
uzanırdı. Manna dövlətinin paytaxtı İzirtu şəhəri idi. E.ə. VIII –VII əsrlərdə
Mannada hakimiyyət irsən ötürülürdü. Iranzudan sonar taxta onun böyük oğlu Aza
(e.ə. 718-716), sonar digər oğlu Ullusunu (e.ə. 716-680) oturmuşdu. Ahşerini oğlu
Ualli əvəz etmişdi. Dövlətin ərazisi vilayətlərdən ibarət idi. Vilayətləri hökmdarın
təyin etdiyi hakimlər və canişinlər idarə edirdilər. Mannanın sərhədboyu və ucqar
vilayətlərinin hakimləri bəzən mərkəzi hakimiyyətə tabe olmaq istəmir,
separatçılıq hərəkətlərinə yol verirdilər.
E.ə. VII əsrin 70-50-ci illərində Manna hökmdarı Ahşerinin (e.ə. 675-650)
tam müstəqilləşməsi və Assuriyaya qarşı çıxması yeni savaşlara səbəb oldu. E.ə.
660-659-cu illərdə assurlarla mannalılar arasında baş verən savaşda Ahşeri məğlub
oldu. Bu məğlubiyyətdən sonar Mannada daxili çəkişmələr başlamış və Ahşeri e.ə.
650-ci ildə üsyan nəticəsində öldürülmüşdü. Hakimiyyətə oğlu Ualli (e.ə. 650-630)
gəlmişdir. E.ə. VII əsrin sonlarında Assuriya Babilistanla ölüm-dirim savaşına
çıxanda Manna müttəfiqlik borcuna sadiq qalıb, ona hərbi qüvvə ilə yardım
göstərmişdi.
Mannanın adı e.ə. 593-cü ildə Bibliyada çəkilmişdir. Burada Manna iskitlər
və Urartu ilə birlikdə Babilə qarşı mübarizəyə çağrılmışdır. E.ə. 590-cı ildə Manna
torpaqları Midiya ordusu tərəfindən işğal olunmuş və Manna dövləti süquta
uğramışdı.
Mannanın təsərrüfat həyatı.
Əlverişli təbii –coğrafi mövqeyi Mannada əkinçiliyin və maldarlığın
inkişafına şərait yaratmışdı. Burada dəmyə əkinçiliyi ilə yanaşı, süni suvarma
əkinçiliyi yayılmışdı. Mannada arpa, buğda və darı əkilirdi. əkinçilikdə dəmir
toxalardan, oraqlardan və tunc kotanlardan istifadə edilirdi. Assur yazılarında
Mannada taxıl (buğda və arpa) un ehtiyatı, yağ və çaxır anbarları haqqında çox
dolğun məlumatlar verilmişdir.
Manna dağlıq ölkə olduğundan burada maldarlığın inkişafı üçün hər cür
şərait var idi. Mixi yazılarda Manna torpaqlarında iri və xırdabuynuzlu mal
17
saxlanılması və at ilxıları bəslənilməsi haqqında maraqlı məlumatlar verilmişdir.
Manna əhalisi oturaq olduğundan burada yaylaq maldarlığı geniş yayılmışdı.
Mannada atçılığın inkişafı atdan daha çox hərbi işdə və qoşqu vasitəsi kimi istifadə
edilməsi ilə bağlı idi. Həsənlidə tapılmış qablar üzərindəki təsvirlərə görə Mannada
bir və ya iki at qoşulmuş döyüş arabaları var idi.
Manna çox zəngin faydalı qazıntılara malik idi. Mis, dəmir, qızıl və
qurğuşun yataqlarının olması Mannada dağ-mədən işinin və sənətkarlıq sahələrinin
yüksəlişi üçün əlverişli şərait yaratmışdı. Burada mis qab-qacaqlar, zərgərlik
məmulatları hazırlanırdı. Manna sənətkarları yüksək keyfiyyətli saxsı qablar
istehsal edirdilər. Mannada ayrı-ayrı sənət sahələri üzrə (dəmirçilik, misgərlik,
zərgərlik və silah istehsalı) emalatxanalar fəaliyyət göstərirdi. Həsənli, Ziviyə və
Marlıqtəpədə tapılan qızıl və gümüş qablar, zərgərlik məmulatları (qızıl kəmərlər,
sırğalar, boyunbağılar, bilərziklər və s.) bədii metalişləmənin çox yüksək
səviyyədə olduğunu göstərir. Mannada memarlıq, daşyonma və bənnalıq sənətləri
də yüksək səviyyəsi ilə seçilirdi. Toxuculuq və boyaqçılıq sənəti də inkişaf etmişdi.
Mannada bütpərəstlik və çoxallahlılıq yayılmışdı. Şəhərlərdə allahların
heykəlləri saxlanan məbədlər fəaliyyət göstərirdi. Həsənlidə tapılan qızıl camın
üzərində mannalıların ibadət və qurbanvermə mərasimi təsvir edilmiş Müharibə,
Günəş və Ay allahları təsvir edilmişdi. Mannada Dirilik həyat ağacına sitayiş də
geniş yayılmışdı.
18
9. Manna dövlətinin Assuriya və Urartu dövlətləri ilə münasibətləri
E. ə. IX əsrin ortalarında yaranmış Manna dövləti Assuriya və Urartu kimi
çox qüdrətli dövlətlərin çoxsaylı talanedici yürüşlərinə məruz qalmışdır.
Assuriyanın Manna ərazisinə basqınları hələ mərkəzləşmiş dövlətin yaranmadığı
dövrdə başlamışdı. E.ə. 880-ci ildə Assur hökmdarı II Aşşurnasirpal (e.ə. 883-859)
Zamua ərazisinə hücum etmiş, hökmdar Ameka ölkənin müdafiəsini təşkil edə
bilmir, assurlar Messi qalasından başqa demək olar ki, Zamuanı ələ keçirirlər.
Assur hökmdarı III Salmanasar (e.ə. 859-824) 856-cı ildə Mannanın Zamua
vilayətinə hücum edir. Urmiya gölünün qərbində yerləşən Gilzan vilayəti də
assurların hücumuna məruz qalır. III Salmansar e.ə. 835-ci ildə Mannanın
cənubunda Messi vilayətinə də hücum edir. E.ə. 829-cu ildə Assuriya Manna
hökmdarı Ualkinin (Udaki) hakimiyyəti altında olan torpaqlara soxulur, paytaxtı
Zirtu (sonrakı İzirtu) şəhərini ələ keçirir.
Assur hökmdarı V Şamşi-Adad (e.ə. 823-811) Manna üzərinə hücum edərək
Zamuanı, e.ə. 820-ci ildə isə Qızılbunda (Gizilbunda) ölkəsini işğal etdi. Assur
hökmdarı III Adadnirari (e.ə. 810-783) öyünür ki, Günbatan (Xəzər) dənizinə kimi
olan əraziləri işğal etmişdir.
E.ə. IX əsrin sonunda Manna dövləti Assuriyaya qarşı daha uğursuz
müqavimət göstərib, xərac verməklə asılı olmağa məcbur olub.
E.ə. IX əsrin 2-ci yarısında Assuriya və Urartu arasında Manna uğrunda
çəkişmələr başlandı. Urartu hökmdarı İşpuini (e.ə. 825-812) və oğlu Menua (e.ə.
810-781) Manna üzərinə yürüş təşkil etdilər. e.ə. 812-ci ildə Mannanın Menişta
vilayətini ələ keçirdilər. Menua e.ə. 809-cu ildə yenidən Manna ərazilərinə
soxuldu.
E.ə. VIII əsrin I yarısında Assuriyanın siyasi böhran keçirilməsi ilə Urartu