19
Ön Asiyada fəallaşdı. Urartu hökmdarı Argişti (e.ə. 781-760) e.ə. 779-774-cü
illərdə Mannaya bir neçə dəfə yürüş etmişdir.
Urartu hökmdarı II Sarduri (e.ə. 760-730) Mannaya qarşı yürüşləri davam
etdirmişdi. O, e.ə. 750-ci ildə Manna üzərində qələbə çaldığını bildirir. E.ə. 747-ci
ildə indiki Qaradağ ərazisinə soxularaq Puluadini tutur. E.ə. 745-ci ildə Mannanın
cənub torpaqlarına soxulur, e.ə. 740-cı ildə Mannanın müəyyən hissəsini Urartu
hakimiyyətinə tabe edir. Lakin bu uzun sürmədi.
E.ə. VIII əsrin ortalarından Ön Asiyada siyasi vəziyyət dəyişdi. Yenidən
güclənən Assuriya III Tiqlatpalasarın (e.ə. 744-727) dövründə Mannanın Mazamua
(Urmiya gölünün cənubu və cənub qərb hissəsi) vilayətini tutdu, Urartunu bu
ərazidən sıxışdırdı.
İranzu (e.ə. 740-719) III Tiqlatpalasarla ittifaqa girərək Urartu tərəfindən
işğal olunan əraziləri geri qaytardı. Iranzunun hakimiyyəti illərində Manna demək
olar ki, Cənubi Azərbaycan ərazisində bərqərar oldu.
Bu dövrdə Mannada Assur və Urartu meylli qüvvələr mövcud idi. Urartu
hökmdarı I Rusa (e.ə. 730-714) Urartu meylli qüvvələrdən istifadə edərək İranzuya
qarşı qiyam qaldırdı. Assur hökmdarı II Sarqonun köməkliyi ilə e.ə. 719 –cu ildə
baş vermiş qiyam yatırıldı.
Iranzudan sonra hakimiyyətə gəlmiş Aza (e.ə. 718-716) I Rusanın təhriki ilə
Urartu meylli qüvvələr tərəfindən sui-qəsd nəticəsində öldürüldü. Azadan sonra
hakimiyyətə gələn Ullusunu (e.ə. 716-680) Assuriya ilə deyil Urartu ilə ittifaqa
girdi. Assur hökmdarı II Sarqon e.ə. 716-cı ildə Mannaya hücum etdi, paytaxtı
İzirtu şəhərini tutdu. Ullusunu Assuriya ilə ittifaqa razılaşmalı olur. Lakin I Rusa
Mannaya qarşı təcavüzündən əl çəkmir. E.ə. 715-ci ildə II Sarqon I Rusa və Manna
müxalifətlərinə qarşı yürüşə çıxır və onları məğlub edir.
E.ə. 714-cü ildə II Sarqon Mannaya böyük yürüş edir. O, bu yürüşdə
Mannanı Urartu təsirindən qurtarmaq, Assuriyanın mövqeyini möhkəmləndirmək,
Mannada mərkəzdənqaçma hallarına son qoymaq, xəracın vaxtlı-vaxtında Assuriya
xəzinəsinə göndərilməsini təmin etmək məqsədini qarşıya qoymuşdu.
20
Manna e.ə. VII əsrin I rübündə Qafqazdan gəlmiş, iskit tayfaları ilə ittifaqa
girdi. Manna hökmdarı Ahşerinin (e.ə. 675-650) tam müstəqilləşməsi və
Assuriyaya qarşı çıxması yeni savaşlara səbəb oldu. E.ə. 660-659-cu ildə assurlarla
mannalılar arasında baş verən savaşda Ahşeri məğlub olur. Bu məğlubiyyətdən
sonra Mannada daxili çəkişmələr başlanmmış və Ahşeri e.ə. 650-ci ildə üsyan
nəticəsində öldürüldü. Ahşerinin oğlu Ualli (e.ə. 650-630) Assuriya ilə ittifaqı
bərpa etməyə məcbur olmuşdur. E.ə. VII əsrin sonlarında Assuriya Babilistanla
ölüm-dirim savaşına çıxanda Manna müttəfiqlik borcuna sadiq qalmışdı.
21
10.Midiya dövlətinin yaranması.
Kiaksarın Midiya dövlətini gücləndirməsi
Midiya Mannadan cənub-şərqdə, İranın mərkəzində yerləşirdi. Midiya
dövlətinin paytaxtı Ekbatana (indiki Həmədan) şəhəri idi. Mannanın Qizilbunda
vilayəti hər iki ərazinin sərhədini təşkil edirdi. Midiya haqqında ilk məlumatlar
e.ə.IX əsrə aiddir. E.ə.IX - VIII əsrdə Midiya ərazisi kiçik vilayətlərə bölünmüşdu
və ayrı-ayrı hakimlər tərəfindən idarə olunurdu. Midiya e.ə.IX əsrin II yarısından
etibarən xarici müdaxilələrə məruz qaldı. Xüsusulə Assuriya Midiya ərazisini ələ
keçirməyə çalışırdı.
Midiya tayfalarını birləşdirərək yeni dövlətin əsasını qoyan Deyokdan (e.ə.
712-675) sonra Fraorta (e.ə.675-653) onun işini davam etdirmişdir. Fraorta həm
xarici hərbi müdaxilələrin qarşısını aldı və həmçinin Midiyanı vahid mərkəzdə
birləşdirməyə nail oldu. Mixi yazılarda o, Kaştariti adlanırdı. Lakin Fraortanın
Asuriya və Skit çarlığı ilə apardığı mübarizə uğursuz oldu. Nəticədə Fraorta
öldürüldü və Midiya Skit çarlığından asılı hala düşdü (e.ə. 653-625-ci illər).
E.ə. 625 – ci ildə hakimiyyətə gələn Midiya hökmdarı Kiaksar əvvəlcə
skitlərin Midiya ərazisindən çıxarılmasına nail oldu və hətta öz ərazilərini cənub -
şərqdə yerləşən fars torpaqlarına qədər genişləndirdi. Farsların ölkəsini də
Midiyaya tabe etdi. Mərkəzləşmiş dövlət yaratdıqdan sonra Kiaksar Assuriyaya
qarşı müharibəyə hazırlaşdı. O, Midiya ordusunu yenidən təşkil etdi. Kiaksar
ordunu silahlarına uyğun olaraq nizəçi və oxçu dəstələrə böldü, süvarilər dəstəsi
yaratdı. Yeni Midiya hökmdarı Assur ağalığına son qoymaq üçün Babilistan
hökmdarı Nabupalasar ilə ittifaqa girdi. Müttəfiqlərin Assuriya üzərinə hücumu
e.ə. 616–cı ildə baş tutdu. E.ə.615- 612- ci illərdə Assuriya üzərinə növbəti
həmlələr də uğurlu oldu. Assuriya e.ə. 604 – cü ildə süquta uğradıldı. Onun ərazisi
22
Midiya və Babilistan arasında bölüşdürüldü.
Kiaksarın Midiya ərazisini genişləndirmək cəhdləri Assuriyanın məğlub
edilməsindən sonra da davam etdi. Kiçik Asiya üzərində yerləşən Urartu
Midiyanın tərkibinə qatıldı. Mannanın aqibəti naməlum qalır. Ola bilsin ki, Manna
Midiyanın siyasi ağalığını tanımış və bununla da daxili idarəetmə müstəqilliyini
saxlaya bilmişdi. Manna müharibə meydanından kənarda yerləşirdi. Kiaksar Kiçik
Asiyaya yola düşdü və Egey dənizi sahillərinə çıxmaq məqsədi ilə Lidiya
hökmdarı Aliatta ilə müharibəyə başladı. Kiaksarın Lidiya ilə müharibəsi beş il
(590-585) davam etdi. E.ə. 585-ci ildə hər iki tərəf sülh müqaviləsi bağlamağa
məcbur oldu. Diplomatik nigah bağlanır, yəni Aliatta qızını Kiaksarın oğlu Astiağa
ərə verir. Müqaviləyə görə, Kiçik Asiyanın Halis (indiki Qızıl İrmak) çayı iki
dövlətin sərhədi kimi müəyyənləşdirilir və beləliklə Midiya Ön Asiyanın qüdrətli
dövlətinə çevrilir.
Kiaksarın vəfatından sonra hakimiyyətə onun oğlu Astiaq (e.ə. 585-550)
gəlir. Astiaqın hakimiyyətinin son illərində Midiyanın daxili və xarici vəziyyəti
mürəkkəbləşir. Harran vilayətinə görə qonşu Babilistan ilə münasibətlər
kəskinləşir. Hər iki dövlət bu vilayəti ələ keçirmək istəyirdi. Astiaq Harran
vilayətinə hücum etdikdə saray əyanlarının bir qismi Astiaqa qarşı bu fürsətdən
istifadə etdilər. Daxili siyasətdə Astiaq nəsli zadəganların hüququnu
məhdudlaşdırdığı üçün hökmdar ilə əyanlar arasında ziddiyyət yaranmışdı.
Herodota görə Midiya sarayında fars meylli qüvvələr də gizli fəaliyyət
göstərirdilər. mərkəzi hakimiyyətə müxalif qüvvələrin sayəsində II Kir ordusu ilə
birlikdə Midiya torpaqlarına soxulur. O, üç il (e.ə. 553-550-ci illər) davam edən bu
müharibədə qalib gələrək Ekbatana şəhərini tutur. Digər rəvayətə görə Kir midiya
sarayında xidmət edirmiş. Astiq onu Azərbaycan ərazisindəki kadusiləri tabe
etmək üçün hərbi səfərə göndərmişdi. Lakin Kir kadusilərlə sazişə girərək, onların
köməyi ilə Astiaqa qalib gəlmişdir. Beləliklə e.ə. 550-ci ildə Midiya dövləti süquta
uğrayır və Midiya Əhəməni dövlətinə birləşdirilir.
Dostları ilə paylaş: |