110
Azərbaycan-Türkiyə arasinda texniki yardim layihələri: TİKA nümunəsi
Ɔ
Nəticə
Girişdə qeyd olunduğu kimi, TİKA Baş Ofisi Azərbaycanın inkişafına
kömək göstərilməsi istiqamətində bu günə qədər 600-dən çox layihə və
fəaliyyət həyata keçirib. Bu layihə və fəaliyyətlər nəticəsində 4500-dən çox
yerli mütəxəssisə təcrübə və peşəkarlığın artırılması üçün müxtəlif sahələr
üzrə nəzəri və praktiki təlimlər verilib.
TİKA fəaliyyət göstərdiyi müddət ərzində qardaş Azərbaycanın dövlət
strukturları, təhsil və elm qurumları, ictimai təşkilatları və bütün insanları
ilə xoş münasibət qurub və sıx əməkdaşlıq edib. TİKA Baş Ofisinin Bakı
Proqram Koordinasiya Ofisi vasitəsilə Azərbaycanda həyata keçirilən
layihə və fəaliyyətlərin müsbət nəticəsini görmək bizləri daim sevindirib və
yeni layihələrə təşviq edib.
Türkiyənin sahib olduğu müasir nəzəri və praktiki təcrübəni dost və
qardaş Azərbaycanın inkişafına dəstək məqsədilə paylaşmaq üçün Türk
Əməkdaşlıq və Koordinasiya Agentliyi Baş Ofisi ilk gündə olduğu kimi
bu gün və bundan sonra da əməkdaşlıq və fəaliyyətini hərtərəfli davam
etdirəcək.
111
Azərbaycanla-Türkiyə arasında təhsil əlaqələri
Azərbaycanın təhsil sahəsində əməkdaşlıq etdiyi ölkələrdən biri də
Türkiyə Respublikasıdır.
Hazırda Azərbaycanla Türkiyə arasında çoxtərəfli və inkişaf etmiş təhsil
əlaqələri mövcuddur. Azərbaycanın Türkiyə ilə bu sahədə əməkdaşlığı həm
məzmununa, həm də miqyasına görə başqa ölkələrlə müqayisədə çox geniş
spektri əhatə edir.
Ötən 15 il ərzində iki qardaş ölkə arasında təhsil sahəsində çoxtərəfli
əməkdaşlığı həyata keçirmək üçün lazımi hüquqi baza yaradılıb. 1992-
ci ildə “Azərbaycan Respublikası Xalq Təhsili Nazirliyi ilə Türkiyə
Respublikası Milli Təhsil Nazirliyi arasında təhsil sahəsində əməkdaşlıq
haqqında” Müqavilə, 1994-cü ilin fevralında “Türkiyə Respublikası ilə
Azərbaycan Respublikası arasında elm, texnika, sosial, mədəni və iqtisadi
sahələrdə əhatəli əməkdaşlıq haqqında” Müqavilə, 1997-ci ilin martında
“Azərbaycan Respublikasının Təhsil Nazirliyi ilə Türkiyə Respublikası
Milli Təhsil Nazirliyi arasında təhsil və elm sahələrində əməkdaşlıq
haqqında” Protokol imzalanıb. Bu sənədlərdə təhsilin müxtəlif sahələri,
qarşılıqlı tələbə mübadiləsini təmin edən müddəalar mövcud olsa da,
Azərbaycan ali məktəblərində verilən ixtisasların Türkiyə tərəfindən
tanınması məsələsi həllini tapmayıb. Bu, sonrakı illərdə Azərbaycan ali
Qulu NOVRUZOV
Azərbaycan Respublikası təhsil nazirinin müavini
Azərbaycanla-Türkiyə
arasında təhsil əlaqələri
112
Azərbaycanla-Türkiyə arasında təhsil əlaqələri
məktəblərini bitirən Türkiyə vətəndaşlarının diplomlarının Türkiyənin
müvafiq qurumları tərəfindən tanınmaması kimi ciddi problemə səbəb olub.
Türkiyə Respublikasının vətəndaşları yalnız ölkələrinin Ali Təhsil Şurası
(YÖK) tərəfindən tanınan ali məktəblərin müvafiq ixtisaslarında təhsil
aldıqda belə problemlə rastlaşmırlar.
Türkiyədə daha çox ehtiyac duyulan ixtisaslar üzrə kadr hazırlayan
Azərbaycan ali məktəblərinin diplomlarının qardaş ölkədə tanınması üçün
hüquqi bazanın yaradılması son dərəcə zəruri idi. Bu məsələ Azərbaycan
Respublikasının təhsil naziri Misir Mərdanovun 1998-ci il noyabrın
2-9-da Türkiyəyə səfəri zamanı həll olunub. Səfər zamanı “Azərbaycan
Respublikası Təhsil Nazirliyi ilə Türkiyə Respublikası Milli Təhsil Nazirliyi
və Ali Təhsil Şurası rəhbərliyi arasında təhsil və elm sahələrində əməkdaşlıq
haqqında” Razılıq Protokolu imzalanıb.
Bu Protokolun təhsil sahəsində imzalanmış əvvəlki sənədlərdən əsas
fərqi məhz türkiyəli gənclərin Azərbaycan ali məktəblərində təhsil almasına
imkan verən 14-cü maddənin məzmunundadır. Protokolun bu maddəsi
aşağıdakı şəkildə ifadə olunur:
“Azərbaycan ali təhsil ocaqları tərəfindən aşağıda göstərilən ixtisaslar
üzrə hər səviyyədə verilən ali təhsil diplomları Türkiyə Respublikası Ali
Təhsil Şurası tərəfindən tanınacaqdır. Azərbaycan Respublikası Təhsil
Nazirliyi tərəfindən müəyyən edilən rəsmi dövlət universitetlərindəki dəqiq
elmlər, tarix, incəsənət tarixi, coğrafiya, sosiologiya, klassik arxeologiya,
türk dili və ədəbiyyatı, müasir türk dilləri və ədəbiyyatları, ingilis dili və
ədəbiyyatı, fransız dili və ədəbiyyatı, alman dili və ədəbiyyatı, holland dili
və ədəbiyyatı, polyak dili və ədəbiyyatı, italyan dili və ədəbiyyatı, ispan
dili və ədəbiyyatı, ərəb dili və ədəbiyyatı, rus dili və ədəbiyyatı, bolqar
dili və ədəbiyyatı, fars dili və ədəbiyyatı, urdu dili və ədəbiyyatı, yapon
dili və ədəbiyyatı, koreya dili və ədəbiyyatı, incəsənət, tətbiqi riyaziyyat,
hesablama texnikası, fizika müəllimi, riyaziyyat müəllimi, kimya müəllimi,
biologiya müəllimi, bədən tərbiyəsi və idman müəllimi, incəsənət müəllimi,
xarici dil müəllimi, Azərbaycan Dövlət Neft Akademiyasında asfaltit və neft-
qaz istehsalının fiziki mərhələləri, dənizdə neft və qaz istehsalı avadanlığı,
neft və təbii qaz geologiyası, neft-qaz quyularının və anbarlarının
layihələndirilməsi, inşası və istismarı, neft və qaz istehsal maşınları və
təchizatı, neft-qaz yataqlarının istismarı və istifadəsi, Azərbaycan Texniki
Universitetində kompyuter mühəndisliyi sahələrindəki əyani (gündüz)
təhsili ixtisasları.
Azərbaycan Respublikası Təhsil Nazirliyi hər il üçün əvvəlki ilin noyabr
Dostları ilə paylaş: |