1 azərbaycan-tüRKİYƏ ƏlaqəLƏRİ son 20 İLDƏ: UĞurlar və İmkanlar
Azərbaycanla-Türkiyə arasında təhsil əlaqələri
Yüklə 2,88 Kb. Pdf görüntüsü
|
117 Azərbaycanla-Türkiyə arasında təhsil əlaqələri konkret xarici ölkələrin ali məktəblərinə ayrılmış yerlər hesabına imtahan verməklə təhsil ala bilərlər. Türkiyə ilə əməkdaşlıq əlaqələrinin inkişafının davamı kimi qeyd etmək olar ki, Avropa Şurası və Türkiyə Milli Təhsil Nazirliyinin dəvəti ilə Azərbaycan Respublikasının təhsil naziri Misir Mərdanovun rəhbərlik etdiyi nümayəndə heyəti 2007-ci il mayın 4-5-də İstanbulda Avropa ölkələri Təhsil Nazirlərinin Daimi Konfransının 22-ci Sessiyasının işində iştirak edib. Sosial vəziyyətindən, etnik və dini mənsubiyyətindən, fiziki və əqli inkişafından asılı olmayaraq bütün uşaqlara təhsil almaq üçün bərabər imkanların verilməsi, insan haqları, mədəniyyətlərarası təhsil və milli azlıqların təhsili sahəsində tədrisin keyfiyyətinin artırılması ilə bağlı məsələlərin müzakirəsi sözügedən konfransın əsas məqsədi olub. Sessiyanın sonunda Avropa ölkələri Təhsil Nazirlərinin Yekun Bəyannaməsi qəbul edilib. 2008-ci il mayın 28-31-də Türkiyə Respublikası Yüksək Öyrətim Kurulunun 5 nəfərlik nümayəndə heyəti Azərbaycana səfər edərək ali təhsil və bilavasitə konkret ali məktəblərin fəaliyyəti ilə yaxından tanış olublar. Səfərin əsas məqsədi Azərbaycan tərəfinin ayrı-ayrı ali məktəblərin ixtisaslarının əlavə olaraq tanınması barədə müraciətini dəyərləndirmək idi. Nümayəndə heyəti Bakı Dövlət Univesriteti, Azərbaycan Tibb Universiteti, Azərbaycan Memarlıq və İnşaat Universiteti, Azərbaycan Texniki Universiteti və Azərbaycan Pedaqoji Universitetini ziyarət edib. Qonaqlar ali məktəblərin maddi-texniki bazası, kitabxanası, müxtəlif laboratoriyaları, auditoriyaları və bəzi ixtisaslar üzrə tədris proqramları ilə tanış olublar. Türkiyə ilə təhsil sahəsində əməkdaşlıq barədə danışarkən “təhsil təmsilçiliyi” məsələsinə toxunmamaq olmaz. İki ölkənin Təhsil Nazirlikləri arasında əldə edilmiş razılığa əsasən, Türkiyə Hökumətinin müvafiq qərarı ilə “Böyük Tələbə Layihəsi” çərçivəsində bu ölkənin ali məktəblərində Azərbaycan və digər türkdilli ölkələrdən gələn tələbələrin təhsil, məişət və digər məsələləri ilə məşğul olmaq məqsədilə təhsil təmsilçisi vəzifəsi təsis edilmişdi. 2008-ci ildən etibarən təhsil təmsilçisi vəzifəsi ləğv edilərək Azərbaycanın Türkiyədəki səfirliyinin nəzdində təhsil attaşesi vəzifəsi təsis edilmişdir. 2008-ci ilin sonlarında Azərbaycan və Türkiyə arasında təhsil üzrə əməkdaşlıq əlaqələrinin inkişafı qarşılıqlı səfərlərin təşkili ilə müşahidə olunub. 12-14 noyabr 2008-ci il tarixində Türkiyə Respublikasının Yüksək Öyrətim Kurulu - Ali Təhsil Şurasının sədri, professor, doktor 118 Azərbaycanla-Türkiyə arasında təhsil əlaqələri Yusuf Ziya Özcanın rəhbərlik etdiyi nümayəndə heyəti Bakıda ilk rəsmi səfərdə olub, Azərbaycanın təhsil naziri Misir Mərdanovla görüşüb. Görüş zamanı nazir qonaqlara iki ölkə arasında mövcud əlaqələrin genişləndirilməsi üçün görülən işlər haqqında ətraflı məlumat verib və qeyd edib ki, digər ölkələrlə müqayisədə Türkiyədə ali təhsil alan azərbaycanlı tələbələrin sayı ilbəil artmaqdadır. Nazir Prezident İlham Əliyev tərəfindən təsdiq olunmuş “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” haqqında da qonaqlara məlumat verib. Təhsil naziri ölkəmizdə fəaliyyət göstərən “Çağ” Öyrətim İşlətmələri Şirkətinin, Azərbaycan Türk Özəl liseylərinin və Qafqaz Universitetinin nümunəvi təhsil ocaqları kimi tanındığını və bu təhsil ocaqlarının Azərbaycanla Türkiyə arasında körpü rolunu oynadığını bildirib. Qardaş Türkiyə ilə təhsil sahəsində əməkdaşlığın ən nəzərəçarpan sahələrindən biri tələbə mübadiləsidir. Qeyd olunan müvafiq sənədlər tələbə mübadiləsi sahəsində uğurlu əməkdaşlıq üçün geniş perspektivlər açır. Qarşılıqlı şəkildə müəyyən olunmuş sayda təqaüd yerlərinin ayrılması, eyni zamanda bu təqaüddən kənar öz imkanları hesabına ödənişli olaraq qarşı tərəfin ali məktəblərində təhsillə bağlı məsələlərin tənzimlənməsi həmin sənədlərdə nəzərdə tutulub. Buna görə Azərbaycan vətəndaşlarının xaricdə ən çox təhsil aldığı ölkə Türkiyədir, həmçinin təhsil üçün Azərbaycana üz tutan xarici tələbələr içində qardaş ölkə nümayəndələri sayca birinciliyini bu gün də saxlayır. Ümumilikdə, hər iki ölkədən qarşı tərəfin ali məktəblərində təhsil alan tələbələrin sayı bir neçə mindən artıqdır. Sənədlərdə də qeyd olunduğu kimi, hər iki tərəf ölkələrində faəliyyət göstərən dövlət ali məktəblərində tərəfdaş ölkədən gələn tələbələrin təhsil almaları üçün müvafiq şəraitin yaradılmasını öz üzərinə götürmüşdür. Bunun üçün tərəflər müəyyən kontingent çərçivəsində təqaüdlər də ayırmaqdadır. Təşəkkür hissi ilə qeyd etməliyik ki, 1992-ci ildən etibarən Türkiyə Respublikası Hökumətinin həyata keçirdiyi “Böyük Tələbə Layihəsi” çərçivəsində azərbaycanlı gənclər Türkiyənin ali məktəblərində müxtəlif ixtisaslar üzrə təhsil almış və almaqda davam etməkdədirlər. Məhz bu layihənin həyata keçirilməsi nəticəsində onlarla azərbaycanlı gənc diplomdan sonrakı təhsil – tibdə uzmanlıq proqramları üzrə təhsil almaq üçün Türkiyə ali məktəblərinə göndərilmiş və onların artıq böyük bir qrupu təhsillərini uğurla bitirərək ölkəmizin müxtəlif tibb mərkəzlərində tibbin müxtəlif sahələrini əhatə edən ixtisaslar üzrə (ürək-damar cərrahiyyəsi, urologiya, ginekologiya, Yüklə 2,88 Kb. Dostları ilə paylaş:
|