101
Azərbaycan-Türkiyə arasinda texniki yardim layihələri: TİKA nümunəsi
ixtisaslaşmış kadrların hazırlanması məqsədilə 2005 və 2006-cı illərdə
layihə həyata keçirilib. Türkiyədən Azərbaycana ezam olunan peşəkarlar
yerli mütəxəssislərə məsləhət xidməti verib və fəaliyyət planı hazırlanıb.
Daha sonra 27 nəfər azərbaycanlı mütəxəssis üçün kənd təsərrüfatı master
planlarının hazırlanması mövzusunda “təlimçilərin təlimi” mahiyətində 3
həftəlik kurs təşkil olunub. Təlimdə iştirak edən mütəxəssislər arasında
seçim aparılaraq, iki pilot rayonda kənd təsərrüfatı master planlarının
hazırlanması üçün işçi qruplar formalaşdırılıb. Bu işçi qrupların həyata
keçirdiyi 15 günlük sahə çalışmalarında türkiyəli mütəxəssislər də
yaxından iştirak edərək lazımi məlumat, təcrübə və məsləhət yardımı
göstəriblər.
“Ekoloji təmiz kənd təsərrüfatının inkişaf etdirilməsi” layihəsi
Ölkədə ekoloji təmiz kənd təsərrüfatının inkişafı üçün elmi
təminatın həyata keçirilməsinə məsul olan dövlət strukturu Azərbaycan
Respublikası İqtisadi İnkişaf Nazirliyinin İqtisadi İslahatlar Elmi-
Tədqiqat İnstitutudur. Bu qurumla birgə icra olunan layihə ölkədə
alternativ aqrar istehsal forması kimi ekoloji kənd təsərrüfatının
inkişaf etdirilməsi məqsədini güdür Bu sahədə Türkiyə təcrübəsinin
Azərbaycana gətirilməsi və hər iki ölkə qurumları arasında əməkdaşlığın
möhkəmləndirilməsi üçün yerli mütəxəssislərin qardaş dövlətdə təlim,
təcrübə və tədqiqat proqramlarında iştirak etməsi təmin olunub. Layihə
çərçivəsində 2011-ci il oktyabrın 31-dən noyabrın 4-dək Gəncə və
Bakı şəhərlərində Türkiyədən dəvət olunan mütəxəssislər və yerli elm
adamlarının iştirakı ilə seminarlar təşkil edilib.
Layihənin sonrakı mərhələlərində beynəlxalq konfransın təşkil olunması,
Türkiyədən mütəxəssis ezam olunması və pilot istehsal layihəsinin həyata
keçirilməsi nəzərdə tutulur.
Yuxarıdakı layihə və fəaliyyətlərdən başqa aqrar tədqiqat mərkəzlərinə
avadanlıq yardımı göstərilib, yerli fermerlərin təlimi üçün audio, video
və yazılı tədris materialları gətirilib, gübrə və toxum yardımı edilib,
azərbaycanlı mütəxəssislər üçün təlim proqramları təşkil olunub, kənd
təsərrüfatı maşınları hədiyyə verilib, Türkiyədə keçirilən konfrans, seminar,
sərgi və s. bu kimi tədbirlərdə azərbaycanlı mütəxəssislərin iştirakı təmin
edilib.
102
Azərbaycan-Türkiyə arasinda texniki yardim layihələri: TİKA nümunəsi
Ɔ
İqtisadi inkişaf
“Abşeron sənaye şəhərciyi qurulması” layihəsi
Qeyri-neft sektorunun inkişafı, sənaye potansialının yüksəldilməsi,
regionlar arasında inkişaf fərqlərinin azalması və sosial-iqtisadi inkişafın
təmin olunması, ixrac və sərmayə imkanlarının artırılması məqsədilə
Azərbaycanda qurulacaq ilk sənaye bölgəsinin pilot infrastrukturunun plan,
xəritə və layihələrini 2005-2007-ci illərdə TİKA hazırlayıb.
“Kiçik və orta sahibkarları əhatə edəcək İnternet şəbəkəsinin
qurulması” layihəsi
Azərbaycanda ixracat istiqamətli istehsalla məşğul olan kiçik və orta
sahibkarların xarici bazarlara çıxmasını və beynəlxalq əməkdaşlıq qurmasını
təmin etmək üçün “KOS-NET” adlandırılan İnternet şəbəkəsi qurulub.
Ümumdünya Ticarət Təşkilatına üzvlük prosesinə dəstək
Azərbaycanın Ümumdünya Ticarət Təşkilatına üzvlük prosesində
Türkiyənin sahib olduğu təcrübədən faydalanmaq məqsədi ilə tədris
proqramları təşkil olunub, müxtəlif məsləhət və mütəxəssis köməyi
göstərilib.
“Dağlıq Şirvan regionunun sosial-iqtisadi inkişafı” pilot layihəsi
“Azərbaycan Respublikası regionlarının sosial-iqtisadi inkişafı Dövlət
Proqramı” çərçivəsində 10 iqtisadi regiondan biri olan Dağlıq Şirvan iqtisadi
regionunun Baş İnkişaf Planının hazırlanması istiqamətindəki fəaliyyətlərə
TİKA tərəfindən köməklik göstərilib.
İqtisadi İnkişaf Nazirliyi Antiinhisar Siyasəti Departamenti ilə
əməkdaşlıq
Rəqabətin təşkili və istehlakçı hüquqları mövzularında qanunların
hazırlanması vəzifəsini həyata keçirən İqtisadi İnkişaf Nazirliyinin
Antiinhisar Dövlət Xidməti ilə Türkiyə Cümhuriyyəti Rəqabət Qurumu və