58
kənardan heç bir təsir göstərilmir, lakin qiymətləndirici tərəfindən hər iki tərəf satılan
daşınmaz əmlak obyektinin mahiyyəti və xüsusiyyətləri barədə kifayət qədər
məlumatlandırılır.
Beynəlxalq Qiymətləndirmə Standartlarına görə bazar dəyəri dedikdə, adekvat
marketinq tədqiqatı keçirildikdən sonra könüllü alıcı ilə könüllü satıcı arasında
bağlanılan kommersiya sazişi nəticəsində daşınmaz əmlakın əldən-ələ keçməsi üçün
razılaşdırıla bilən hesablama kəmiyyəti başa düşülür.
Nadir hallarda bazar dəyəri mənfi kəmiyyətlə (qalıq və ya inventar dəyərinə
nisbətdə) ifadə oluna bilər. Məsələn, köhnəlmiş obyektin, sökülməsi üçün tələb olunan
xərclərin onun yerləşdiyi torpaq sahəsinin dəyərindən yüksək olduğu halda, yaxud
ekoloji baxımdan əlverişsiz obyekt qiymətləndirilərkən belə vəziyyət yarana bilər.
Bazar iqtisadiyyatı ölkələrində əmlakla aparılan əməliyyatlar zamanı əsasən bazar
qiymətindən, yəni bazarda tələb və təklifin səviyyəsini nəzərə alan cari qiymətlərdən
istifadə edilir.
Bazar dəyəri tarixən iqtisadçılar və ümumən ictimaiyyət tərəfindən qəbul edilmiş
reallıqdır. Lakin, zaman və məkan şəraitindən, qiymətləndirmənin məqsədindən, habelə
istehsal təklifi və istehlak tələbindən, əmlakın növündən və istehlak xassəsindən asılı
olaraq, bu dəyərin dəqiq müəyyənləşdirilməsi məsələləri həmişə böyük maraq
doğurmuşdur. Şübhəsiz ki, burada ehtimallar, inandırıcı və məhdudlaşdırıcı amillər
demək olar ki, rol oynamır.
Təcrübə göstərir ki, nəinki ayrı-ayrı ərazilərdə, müxtəlif şəhər və qəsəbələrdə,
hətta eyni yaşayış massivində yerləşdiyi konkret ərazidən asılı olaraq eyni vaxtda
tikilmiş obyektlərin bazar qiymətləri fərqli olur. Belə bir şəraitdə daşınmaz əmlakın
müvafiq əmsallar əsasında yenidən qiymətləndirilməsinin bütün inzibati ərazi
vahidlərində bazar qiymətini əks etdirəcəyi imkanları heç də inandırıcı ola bilməz. Eyni
ə
mlaka müxtəlif məqsədlər üçün (girovqoyma, özəlləşdirmə, vergiyə cəlb etmə, sığorta
olunma) müxtəlif qiymətlərin müəyyən olunması aktual və həm də real problemlərdən
biridir. Bu müxtəlifliyi aradan qaldırmaq məqsədilə əmlakın hansı məqsəd üçün
qiymətləndirilməsindən asılı olmayaraq vahid bazar qiymətinin müəyyən edilməsi
59
təmin olunmalıdır. Bunu ölkədə mövcud olan mühasibat uçotunun, qiymətləndirmə və
vergitutma nəticələrinin vahid dəyər standartları sistemindən asılılığı da tələb edir.
Yəni, əmlak hər zaman və ölkənin hər yerində özünün ədalətli dəyərini taparsa, bu
nəinki iqtisadiyyatın daha sabit inkişafına hətta bütün sosial problemlərin tezliklə
həllinə kömək edər. Əgər dövlət əmlakı mövcud qaydada deyil, bazar qiyməti ilə
qiymətləndirilərək özəlləşdirilərsə, bu daha yüksək məbləğdə vəsaitlərin əldə
olunmasına gətirib çıxarar.
Bazar dəyəri anlayışı müəyyən olunmuş tarixdə aparılmış alqı-satqı zamanı
qanunamüvafiq surətdə sahiblik hüququnun satıcıdan alıcıya keçməsini ifadə edir.
Həmin proses aşağıdakı şərtlər çərçivəsində baş verir:
•
satıcı və alıcı qanun çərçivəsində hərəkət edir;
•
hər iki tərəf sövdələşmə barədə yaxşı məlumatlandırılır ki, bu da xüsusi maraqların
təmin edilməsi məqsədinə, proqnozlara inamın daha da artması mənafeinə xidmət
edir;
•
obyekt qənaətbəxş müddət ərzində açıq bazara çıxarılır.
•
qiymət xüsusi kreditləşmənin və ya tərəflərdən birinin digərinə güzəşt etməsinin
nəticəsi deyil;
•
ödəniş pul formasında, nağd və hesablaşma yolu ilə aparılır, əlavə şərtlər
göstərilmir.
Bazar dəyəri bazarda mülkiyyət hüququnun birindən digərinə keçməsi prosesində
ə
ks olunan məbləğdir. Bu məbləğ tərəflərin vəziyyəti tam qiymətləndirdiyi, iqtisadi
cəhətdən məqsədəuyğun və xarici təsirlərə məruz qalmadığı bazarda həyata keçirilən
sövdələşmələrin əsası kimi çıxış edir.
Azərbaycan Respublikasının müvafiq qanunvericilik aktlarında göstərildiyi kimi,
bazar qiyməti malın (işin, xidmətin) tələblə təklifin qarşılıqlı tə'siri nəticəsində təşəkkül
tapan qiyməti deməkdir.
Təsadüfi deyildir ki, Azərbaycan Respublikasının Vergi Məcəlləsində bazar
qiymətinin müəyyənləşdirilməsi, onun şərtləri və qaydası ilə bağlı məsələlər ayrıca
maddədə (14-cü maddə) nəzərdə tutulmuşdur. Həmin maddənin tələblərinə görə
60
vergitutma məqsədləri üçün malların (işlərin, xidmətlərin) qiyməti kimi tərəflərin
ə
məliyyatda (əqddə) təsbit etdikləri qiymət qəbul edilir. Əks hal sübuta yetirilmirsə, bu
qiymət bazar qiyməti kimi qəbul edilir.
Aşağıdakı hallarda vergilər bazar qiyməti nəzərə alınmaqla hesablanır:
•
barter (mal mübadiləsi), idxal-ixrac əməliyyatları aparıldıqda;
•
təsərrüfat əqdləri qarşılıqlı surətdə asılı olan şəxslər arasında həyata
keçirildikdə;
•
30 gün ərzində vergi ödəyicilərinin eyni xüsusiyyətli və ya eynicinsli mallara
(işə, xidmətə) tətbiq etdikləri qiymətlərin səviyyəsi 30 faizdən çox (aşağı və
yuxarı) dəyişdikdə.
Bazar qiyməti məhsul (iş, xidmət) satılan anadək, daha doğrusu, onun satışa
təqdim edildiyi andan 30 gün keçənədək (əvvəl və ya sonra) eyni (analoji) məhsul (iş,
xidmət) üçün müvafiq əməliyyatlar zamanı təşəkkül tapan qiymətlərə əsasən
müəyyənləşdirilir.
Məhsulun (işin, xidmətin) istehsalına və tədavülünə çəkilən məsrəflər müəyyən
edilərkən nəqletmə, saxlanma, sığorta və digər analoji məsrəflər, həmçinin adətən
qarşılıqlı surətdə bağlı olmayan şəxslər arasında əməliyyatlar zamanı tələb və təklif
amilinə əsasən əlavə yığım və güzəştlər nəzərə alınır. Bu güzəştlər malın keyfiyyətinin
və ya digər istehlak xüsusiyyətlərinin itdiyi, yaxud yararlılıq müddətinin azaldığı
(bitməyə yaxınlaşdığı) və başqa bu cür hallarda da nəzərə alınır.
Malın (işin, xidmətin) bazar qiyməti müəyyənləşdirilərkən və təsbit olunarkən
malın (işin, xidmətin) bazar qiymətləri və birja kotirovkaları haqqında rəsmi məlumat
mənbələrindən, dövlət orqanlarının məlumat bazalarından, vergi ödəyicilərinin dövlət
vergi orqanlarına verdikləri məlumatdan, habelə reklam mənbələrinin məlumatından və
digər müvafiq məlumatlardan istifadə edilir.
Malın (işlərin, xidmətlərin) bazar qiymətləri vergi ödəyicilərinin real gəlirlərinin
və vergitutma bazasının düzgün hesablanması, habelə bu sahədə vergi nəzarətinin
səmərəliliyinin artırılması məqsədi ilə müəyyənləşdirilir.
Dostları ilə paylaş: |