Say 3 • Noyabr • 2011 | STRATEJİ TƏHLİL
33
9. Müasir dövlətdə sırf idarəçilik və bürokratiya qruplarının maraqlarından
hakimiyyət iflasa düçar olur. İqtidarın siyasi uzunömürlülüyünü təmin edən
ən başlıca keyfiyyət meyarı cəmiyyətin rifahı və dövlətçilik maraqlarının üs-
tün tutulmasına yönəlmiş strategiyadır. Bu da dövlətin ümumsosial funksi-
yaya malik olduğunun daha bir göstəricisidir.
10. Müasir dövlətçiliyin fəlsəfəsi mahiyyətcə “təkcə, ümumi və xüsusi”nin
vəhdətindən çıxış etməyi diktə edir. Fərdi və kollektiv, ümummilli və bəşəri
maraqların ahəngini təşkil etmək müasir dövlətin missiyalarından biridir.
11. Müasir dövlət mahiyyəti tarixin əvvəlki dövrləri ilə müqayisədə daha sürətlə
dəyişən və yeniləşən bir fenomendir.
12. Müasir dövlətin inkişafı ilk növbədə modernləşmə və sosiallaşma prosesləri,
ümumi insani dəyərlərə (xalqın hakimiyyəti, ədalət, insan hüquqları və s.)
əsaslanan hüquqi və dünyəvi dövlətin yaranması ilə xarakterizə olunur. Bu
əsasda formalaşan demokratik dövlət xalqın dövləti, xalqın vasitəsilə xalq
üçün dövlət olduğunu göstərir. Bu, əhalinin böyük bir qismini təmsil edən
və onun maraqlarını azlığın maraqları ilə bərabərləşdirən dövlətdir. Belə bir
dövlətdə hakimiyyət demokratik vasitələrlə həyata keçirilir (hakimiyyətdə
partiyaların yerdəyişməsi seçkilər vasitəsilə reallaşır, prinsipial qərarlar re-
ferendumda seçicilərin səsverməsi ilə qəbul edilir, dövlət orqanlarının
fəaliyyətində ictimai rəy böyük əhəmiyyət kəsb edir).
13. Müasir dövlət sosial dövlətdir. Sosial dövlət haqqında danışarkən qeyd
edildiyi kimi, dövlətin əhaliyə sosial xidmətlər təqdim edilməsində, pulsuz
ümumi təhsil, zəruri minimum əmək haqqının və minimum yaşayışın təsbit
olunmasında, əmək münasibətlərinin və kapitalın ədalətli qanunvericilik
əsasında tənzimlənməsində onun fəal iştirakı nəzərdə tutulur.
Sosial dövlət konsepsiyası da son dövrlərdə müəyyən dəyişikliklərə
məruz qalır. Əsas qənaət belədir ki, əvvəla, dövlət insanın əsas ehtiyaclarını
təmin etməlidir, lakin insan da özü və ailəsi haqqında düşünməlidir. Hüquqi
dövlət dövlətin hüquqi normalarla yalnız simvolik deyil, həm də ümumi in-
sani dəyərlərə əsaslanan ümumi hüquqi prinsiplərlə bağlı olması deməkdir.
Bu, qarşılıqlı hüquq və vəzifələr, şəxsiyyətin, kollektivin və dövlətin qarşılıqlı
məsuliyyətidir. Dünyəvi dövlət əqidə azadlığının təmin edilməsi deməkdir.
İkincisi, müasir şəraitdə demokratikləşmə və sosiallaşma ilə eyni vaxt-
da xüsusilə də “qabaqcıl” postindustrial informasiya cəmiyyətində texnoloji
və texnokratik dövlətlər qurulur. Müasir yüksək strukturlaşmış cəmiyyətlərin
idarə olunmasında qərarlar qəbul edilərkən ekspert və mütəxəssislərdən geniş
istifadə edilir (xalq tərəfindən seçilmiş orqanlar mütəxəssislərin rəyinə güvənir,
yalnız ümumi xüsusiyyətli qərarları xalq özü verir, bir sıra ölkələrin qanunla-
rına görə, referendum da yalnız bir neçə, əsasən xüsusi məsələlərə görə ça-
ğırılır), müxtəlif variantları nəzərə almağa imkan yaradan yeni texnologiyalar
tətbiq edilir. Bununla yanaşı dövlət orqanlarının (vəzifəli şəxslərin) əhali, texniki
mütəxəssislərin qərar qəbulu orqanları (o cümlədən parlament hakimiyyəti) ilə
STRATEJİ TƏHLİL | Say 3 • Noyabr • 2011
34
bilavasitə və davamlı əlaqəsi üçün böyük əhali kütlələrinin davranışını mani-
pulyasiya edən, qərar qəbul edən orqanlara təzyiq göstərən müxtəlif texnolo-
giyalar istifadə edilir. Buna görə də müasir dövlətin əsas problemlərindən biri
demokratiya və texnokratiyanı ümumi məqsədlər naminə ahəngdar şəkildə
birləşdirmək bacarığı ilə bağlıdır.
Üçüncüsü, dövlət təsirinin mahiyyəti yeniləşir, onun formaları dəyişir,
təşkilatçı-dövlət, sosial ədaləti təmin edən dövlət yaranır. Dövlət, onun or-
qanları inzibati deyil, iqtisadi, psixoloji və digər təzyiq vasitələri tətbiq edərək
konsensus və kompromis yolu ilə münaqişələri sakitləşdirməyə çalışırlar. Lakin
dövlət (real və potensial olaraq) həmişə yalnız “ümumi işlərin” icrası orqanı
deyil, həm də qanuniləşdirilmiş və legitim təsir institutu kimi qalır.
Dördüncüsü, təcrübə dövlət idarəçiliyinin yüksələn və enən xətt üzrə (dal-
ğavari) inkişaf etdiyini sübut edir. İqtisadiyyatın tənzimlənməsində (həmçinin
sosial münasibətlərdə, müəyyən dərəcədə siyasətdə və şəxsi münasibətlərdə)
dövlətin rolunun artması ən son nöqtəyə çatır, tənzimlənmə cəmiyyətin təbii
inkişafına mane olur, bu isə iqtisadi fəaliyyətin zəifləməsinə, əhalinin həyat
səviyyəsinin aşağı düşməsinə və bəzən də on illərlə davam edən tədrici dur-
ğunluğa səbəb olur. Digər tərəfdən dövlət tərəfindən verilən hədsiz sosial
zəmanətlər İsveçdə, İspaniyada, Norveçdə cəmiyyətin kifayət qədər ehtiyatları
olmadığı üçün kapitalın ölkədən “axmasına”, inkişafın sürətinin zəifləməsinə
səbəb olurdu. Sosial imtiyazların azalması sosiumda fəallığı bərpa edir, lakin
əhalinin narazılığına səbəb olur və hakim partiyanın seçkilərdə məğlubiyyəti
ilə nəticələnirdi. Belə dövrləşmə vaxtaşırı olaraq təkrarlanır.
Beşincisi, hibrid, qarışıq, keçid formalarının yaranması meyli daha çox
təzahür edir. Əvvəlki klassik prezidentli, parlamentli, federal, avtonom dövlət
quruluşları mütləq formada qalmır. Dövlət hakimiyyətinin icrası ilə bağlı yeni
metodlar, avtoritarizmin və demokratiyanın elementlərini özündə birləşdirən
dövlət idarəçiliyi formaları yaranır. Həm beynəlxalq birlik, həm də dövlətçilik
xüsusiyyətlərini özündə daşıyan fövqəlmilli təşkilatlar yaranır (Avropa Birliyi,
Serbiya və Çernoqoriya İttifaqı və s.).
Nəhayət, altıncı, hazırda dövlətçiliyin inkişafında “yüksəlişlər” və “enişlər”,
ziddiyyətlər daha kəskin forma alır. Qədim dünyanın və orta əsrlərin öz
müstəbidləri, mütləq monarxları və uyğun demokratiyaları (azad insanlar
üçün), “polis dövlətləri” və şəhər respublikaları var idi. Eyni zamanda, XX
əsrə qədər dünyada demokratiyanın və diktaturanın bu qədər “qütbləşmiş”
ziddiyyətli münasibətləri, özlərinin əksi olan mənalar kəsb etməsi, hər ikisində
ifratçılıq təzahürlərinin baş verməsi bu dərəcədə aşkar müşahidə edilməyib.
Tədqiqatçıların “sosial totalitarizm” adlandırdıqları bu xüsusiyyət ötən yüzil-
liyin kəşfidir.
Müasir dövlətin potensialını və inkişaf səviyyəsini müəyyən etmək üçün
“dövlətçilik indeksi” adlı göstərici tətbiq edilir. Dövlətçilik indeksi dövlətin öz
müstəqil inkişafını və mövcudluğunu, daxili və xarici vəzifələrinin həllini təmin
Dostları ilə paylaş: |