Say 3 • Noyabr • 2011 |
STRATEJİ TƏHLİL
25
tezliklə baş verməyə bilər. Yaxın və uzaq ölkələrin təcrübəsi bunu göstərir.
Bu və digər məsələlər dövlətçilik elminin ümumnəzəri əsaslarının formalaş-
masını, müasir reallığı nəzərə almaqla ona yeni yanaşmaları gündəmə gətirir.
“Müasir dövlət nəzəriyyəsi Avropa tarixində dövlətin reallığı hissi itirildiyi bir
zamanda yaradılmışdı. XVIII əsrin nəzəri müddəaların məşhurluğu XX əsrin bi-
rinci yarısındakı kataklizmlərlə və Avropa Birliyinin avtoritar və totalitar rejimlər
qarşısındakı qorxu hissi ilə bağlı idi. Maarifçilik dövrünün utopik konstruksiyası
faşizmə qarşı mübarizədə və “sovet təhlükəsi” ilə qarşıdurmada Avropa üçün
hərəkətverici amil oldu. Həqiqi və rasional olan bir “siyasəti”
seçən Qərb siyasi
fəlsəfəsinin bugünkü birliyi məhz bununla bağlıdır”. [2]
Dövlət bəşər sivilizasiyasının öz dayanıqlı inkişafını təmin etmək üçün ya-
ratdığı ən dəyərli siyasi-mənəvi institutdur. İnsan varlığı da, istənilən hadisə
və ya dəyərlər sistemi də yalnız dövlətçilik kontekstində həqiqi mənasını kəsb
edir. Məsələn, din insan üçün dünyagörüş və şüurun mühüm tərkib hissəsidir,
böyük maraq mənbəyidir. Lakin o, yalnız dövlət daxilində özünə həqiqi təminat
əldə edir. Dövlət dini dəyərləri qoruyaraq, arzu edilənlə labüd olanın ahəngini
təmin edir, bir-birindən fərqləndirir. Yaxud da iqtisadi maraq mübahisəsiz
zərurət kəsb edir, lakin dövlət işində yalnız onları rəhbər tutmaq olmaz. İq-
tisadi maraqlar sistemi ilə yanaşı, mənəvi, hüquqi nizam var. Dövlətin nəzər
nöqtəsinə görə, hər bir nizamın öz yeri var, hər birinə hörmət edilir və düzgün
gediş edildikdə hər biri o biriləri ilə razılığa gələrək qalib çıxır. Başqa misal, in-
sanlara yardım etmək nə qədər gözəl duyğu olsa da, dövlət borcundan yayın-
mağa haqq qazandırmağa əsas vermir. Tarix sübut edir ki, ən yaxşı məramdan
irəli gələn əməllər belə bizim dövlətçilik kimi təəssübkeşlik duyğumuzun
süzgəcindən keçməlidir. Əks-təqdirdə o, özünə olan zidd əmələ çevrilir və bizi
arzuedilməz, mənfur nəticələrə sürükləyir.
Təəssüf ki, son dövrlərdə neoliberal siyasi fəlsəfədə dövlətin dəyərsizləşdirilməsi
(desakralizasiyası) meyilləri üstünlük təşkil etmişdir və bununla bilərəkdən və
ya bilməyərəkdən antidövlətçi, antimillətçi təsəvvürlər, mövqelər formalaşır.
Dövlət haqqında müasir elm Qərbdə özünü doğrultmayan siyasi elmin qüsur-
larını təkrarlayır. Tarixən bütün dövrlərdə siyasi yanılmaların ağır nəticələrini
öz üzərində sınaqdan keçirən dövlətçilik nəzəriyyəsi yalnız dövlətlərin taleyi
üçün deyil, bütövlükdə qlobal nizamın təminatı üçün son dərəcə zəruridir. Bu
gün dünyanın aparıcı ölkələrində müşahidə edilən dövlətçilik böhranı dövlət
nəzəriyyəsi ilə bağlı araşdırmalardakı böhranla bağlıdır. Təbii ki, burada da istisna
hesab edilən, özünütənqid ruhlu xeyli tədqiqatlar mövcuddur.
Azərbaycan dövlətçiliyinin keçdiyi yolu, müasir reallığını tədqiq etmək üçün
mövcud olan gerçək təcrübi bazanın nəzəri ifadəsi öz hərtərəfli təhlilini
gözləyir.
Azərbaycanda dövlətşünaslıq elminin əsasları, heç şübhəsiz, qoyulmuş-
dur. Ümummilli lider Heydər Əliyevin dövlətşünaslıq elminin və milli qurucu-
luq fəaliyyətinin nəzəri və təcrübi əsaslarının təhlilinə həsr edilən əsərlər bir
STRATEJİ TƏHLİL | Say 3 • Noyabr • 2011
26
tərəfdən Azərbaycan reallığını təhlil edən azsaylı tədqiqatlar, digər tərəfdən
isə komparativ dövlətşünaslığın tərkib hissəsi kimi çıxış edir. Dövlətşünaslıq
elmimizin formalaşması öz növbəsində onun siyasi irsinin mənbəşünaslıq kimi
öyrənilməsini, “ümummilli siyasi lider, dövlətşünas alim və dövlət xadimi” kimi
bütövlük təşkil edən və bir-birini tamamlayan keyfiyyətlərin
vəhdətini, dövlətə
dair XX əsrin sonları və XXI əsrin əvvəllərinin yeni orijinal konsepsiyası qismində
təqdimini gündəmə gətirmişdir. Eyni zamanda, dünya dövlətçilik elminə milli
məkandan baxış Azərbaycan aliminin baxışı kimi irəli sürülən əsərlər də bu
sahədə əhəmiyyətli mənbə qismində mövcuddur. [1]
Azərbaycanda dövlətçilik elminin formalaşmasını şərti olaraq: sovet
dövrünə qədərki, sovet, postsovet və ən
yeni dövrlərə bölmək olar. Bütövlükdə,
dünyada olduğu kimi Azərbaycanda da XIX
əsrin sonlarından dövlətçilik məsələlərinin
nəzəri öyrənilməsi iki əsas istiqamətdə
- əvvəla, fəlsəfi, siyasi, etik və s. ümumi
hüquqi aspektdə təhlil edilmişdir. XIX-XX
əsrlərin tarixi zaman kəsiyində XIX əsrin
A.A.Bakıxanov,
M.F.Axundzadə,
Mirzə
Kazımbəy kimi mütəfəkkirləri bu yöndə
çalışırdılar. XX əsrin əvvəlində, 1918-ci
ilin mayında Azərbaycan dövlətinin yara-
dılmasında, milli özünüdərk prosesində
C.Məmmədquluzadə, M.Ə.Sabir, Y.V.Çəmənzəminli, Ə.Topçubaşov, Ə.Ağayev,
Ə.Hüseynzadə, H.Zərdabi, F.Xoyski, M.Ə.Rəsulzadə və digər klassiklər və
görkəmli maarifçilər başlıca rol oynamışlar. Onlardan bəziləri həm də müstəqil
Azərbaycan dövlətinin yaradılmasının təməlini qoymuşlar. Göstərilən dövr
azərbaycanlıların tarixində həmişə bu insanların adları ilə bağlı olacaqdır.
Daha sonra, sovet dövründə mövcud quruluşun inkişafı ilə paralel olaraq
konkret elm sahələrinin, qanun-qaydaların və hüquqi dövlət praktikasının inki-
şafı ilə bağlı yönə istiqamətlənmişdir. Əsas nəzəri-tarixi yanaşma kimi dövlətin
mahiyyətində yalnız maddi amillərin həlledici olmasını vurğulayan tarixi mate-
rializm müddəası rəhbər tutulurdu. Son mərhələdə - postsovet dövründə pa-
radoksal şəkildə dövlət quruculuğunun praktiki məsələləri nəzəri müstəvini
qabaqlamışdır. Müstəqil dövlətçiliyin qurulması kimi proseslərin bütün miqyas
və əhatədə nəzəri təhlil edilməsi mümkün olmamışdır. Bununla belə, qeyd edil-
diyi kimi, Azərbaycanda milli dövlətin əsaslarının konseptual məsələlərini təqdim
edən tədqiqatlar olmuşdur.
Bütün bunlarla yanaşı, müstəqil dövlətçilik ənənələrinin dönməzliyinin təmin
edildiyi hazırkı dövrdə Azərbaycanda qeyd edilən sahənin vahid nəzəri əsaslarının
müəyyən edilməsi və dövlətşünaslıq konsepsiyasının formalaşdırılması zəruridir.
Dövlətşünaslıq konsepsiyası tariximizin Midiyadan Səfəvilərə, Qaraqoyunlular və
Dövlətşünaslıq konsepsiyası
tariximizin Midiyadan
Səfəvilərə, Qaraqoyunlular və
Ağqoyunlulardan Azərbaycan
Demokratik Respublikasına,
sovet dövründən suveren
müstəqil dövlətçiliyə qədərki
tarix fəlsəfəsini, onun
portretini yarada bilər.