STRATEJİ TƏHLİL | Say 3 • Noyabr • 2011
14
Yeni strateji baxışın məntiqi strukturunda təhsildə milli bütövlüyə na-
ilolmanın İlham Əliyev konsepsiyası qırmızı xətlə keçir. Bu konsepsiya-
nın əsas mahiyyətini «Milli təhsilin inkişaf strategiyası» çərçivəsində milli-
mənəvi dəyərlərin prioritetliyinin təmin edilməsi, təhsilin yeniləşməsi və
modernləşdirilməsi, onun kompleks, sistemli inkişafına nail olunması, təhsil is-
lahatlarının daha da dərinləşdirilməsi, dünya və Avropa təhsil sisteminə inteq-
rasiyanın gücləndirilməsi, təhsilin keyfiyyətinin və səmərəliliyinin yüksəldilməsi
təşkil edirdi. [5]
Məlumdur ki, Azərbaycanın təhsil sistemi kifayət qədər sürətlə Avropa təhsil
məkanına inteqrasiya olunmaqdadır. Ali təhsilimizin Boloniya prosesinə qo-
şulması, öz-özlüyündə keyfıyyətcə tamamilə fərqli məzmun kəsb edən həmin
sistemin qeyd-şərtsiz tətbiqini tələb edir. Əslində, prosesin gedişi də göstərir
ki, tədrisin təşkili, idarəedilməsi, tədris planlarının, standartların məzmunu və
tətbiqi qaydaları, tələbə biliyinin qiymətləndirilməsi və s. prinsiplərı nöqteyi-
nəzərindən Avropa təhsil məkanı ilə vahid məxrəcə gəlmək xüsusi bir çətinlik
törətmir. Lakin bununla belə qeyd etmək vacibdir ki, təhsildə milli bütövlük
probleminin həqiqi mənası təkcə deyilənlərlə məhdudlaşmır və məhdudlaşa
da bilməz. Cənab Prezidentin xüsusi olaraq vurğuladığı məsələ öz mahiyyəti
etibarilə həmin sistemli tamlığın gerçəkliyinin qəbulu və bu prizmadan təhsilin
ən başlıca sfera kimi səciyyələndirilməsidir. Təsadüfı deyildir ki, cənab İlham
Əliyevin səslənəndirdiyi «...Amma gec-tez, bu təbii (yəni, karbohidrogen ehti-
yatları – Ş.H.) sərvətlər tükənəcək və bilik, zəka, səviyyə isə ölkəmizin dayanıqlı
inkişafını uzun illər bundan sonra təmin edəcəkdir. ...Ən inkişaf etmiş ölkələrin
təcrübəsinə baxsaq görərik ki, o ölkənin inkişafında ən aparıcı rol oynayan neft-
qaz deyil, bilikdir, elmi-texniki tərəqqidir, yeni texnologiyalardır. Bizdə də belə
olmalıdır. Biz də buna hazırıq» fikri əslində təhsilə yanaşmanın yeni konsepsi-
yasının mahiyyətini və onun məntiqi əsaslarını müəyyənləşdirir.
Beləliklə, milli təhsilimizin inkişafının və modernləşməsinin İlham Əliyev
konsepsiyasının Avropa mənşəli analoji yanaşmalardan fərqli və milli spesifıkli-
yi ehtiva edən müddəalarını aşağıdakı kimi qruplaşdırmaq olar:
1. Məlumdur ki, Avropa təhsil məkanında praqmatizm təhsil sferasının
fundamental bazasıdır. Avropa ölkələri bu sahədə çox böyük nailiyyətlər əldə
etmişlər. İnkişaf etmiş ölkələrdə təhsil sistemində tətbiq edilənlərin olduğu
kimi Azərbaycana gətirilməsi və istifadəsinin əleyhinə olmaqla yanaşı, cənab
Prezidentin konseptual baxışlarında praqmatizmdən imtina edilmir. Əksinə,
praqmatik yanaşmanın yeganə düzgün seçim olduğu vurğulanır.
Söhbət, yalnız «ifrat praqmatizmdən» uzaqlaşmaqdan gedir. Şübhəsiz, bu
cür baxışın çox dərin məntiqi kökləri mövcuddur. Belə ki, Azərbaycan iqtisadi
artım səviyyəsinə görə dünyanın lider ölkəsi olmasına baxmayaraq – sistemli
inkişaf baxımından hələlik Avropa ilə müqayisə oluna bilməz.
Təbii ki, müstəqilliyimizin ilk 10 ili dövründə Azərbaycan keçid dövrünü ya-
şayan ölkələrdən biri idi. Həm iqtisadi, həm də sosial sferalarda (bazar iqtisadiy-
yatı və demokratik prinsiplər əsasında) milli sistemin formalaşması prosesi da-
vam etməkdə idi. Digər tərəfdən, kommunizm ideologiyasından uzaqlaşma və
ulu öndərimiz Heydər Əliyevin irəli sürdüyü azərbaycançılıq ideologiyasının for-
malaşması dövrünü yaşayırdıq. Avropa üçün isə son dərəcə mühüm əhəmiyyət
Say 3 • Noyabr • 2011 | STRATEJİ TƏHLİL
15
kəsb edən bu problemlər artıq çoxdan keçilmiş mərhələ idi. Avropa ölkələri in-
teqrasiya prosesinə də milli bütövlük keyfiyyətində qoşulmuşlar. Bütün bunlar
aydın şəkildə göstərir ki, Azərbaycanda gənc nəslin yetişdirilməsi, mütəxəssis
hazırlığı prosesi «ifrat praqmatizmə» söykənə bilməz. Dövlətinə, millətinə bağ-
lı, vətənpərvər mütəxəssis yetişdirmək – müasir inkişaf mərhələsində cənab
Prezidentin təhsil sferası qarşısında qoyduğu başlıca vəzifədir.
Avropa təhsil məkanına inteqrasiya probleminə yanaşmada da əsas prinsip
ümummilli mənafelərin öncüllüyü prizmasından çıxış etməkdir. Başqa sözlə,
təhsil sferasında inteqrativ bağlılığın formalaşdırılması prosesi eyniyyət və
vahidləşmə anlamında aparıla bilməz. Boloniya sisteminə keçid və nəticədə
yaranacaq inteqrativ bağlılığın milli dəyərlərin qorunub saxlanılmasını müm-
künsüz edəcəkmi sualının qoyuluşu belə yalnışlıq kimi qəbul edilməlidir. İn-
teqrasiya - milli bütövlüyün ləğvinə, yaxud zəifləməsinə deyil, inkişafına təkan
verməlidir. Yəni, söhbət bərabərhüquqlu subyektlərin formalaşdırdığı ümumi
təhsil məkanından gedir.
2. «Təhsilin səviyyələri» anlayışının «vahid təhsil prosesi» anlayışı ilə
əvəzlənməsini ehtiva edən nəticəlilik prinsipinə ciddi əməl olunmalıdır. Təhsilin
səviyyələrindən hər hansı birinin qabardılması, prioritetliyinin önə çıxarılma-
sı və bu əsasda da bütövlükdə təhsil sferasının inkişafı və modernləşməsinə
yönəlik fəaliyyətin həyata keçirilməsi, nəinki praktiki, hətta nəzəri baxım-
dan da effektiv nəticə verə bilməz. Təhsilin səviyyələri arasında sıx dialektik
bağlılıq, üzvi birlik mövcuddur. Bütün bu məsələlərdə, ayrı-ayrı səviyyələrə
münasibətdə yeganə qiymətləndirici meyar – nəticədir ki, bunun da əsas oldu-
ğunu Prezident İlham Əliyev ali məktəblərin inkişafı zəruriliyi ilə bağlı irəli sür-
düyü fikrində açıq şəkildə ifadə etmişdir: “... Orta məktəblərdə böyük qurucu-
luq işləri gedir. Azərbaycanda son illər ərzində 1200-dən artıq məktəb tikilibdir,
yüzlərlə məktəb təmir olunur və bu proses gələn il də davam etdiriləcəkdir.
Bütün məktəblərdə kompyuterləşmə prosesi gedir ki, uşaqlar gənc yaşlarından
artıq kompyuterlə tanış olsunlar və sonra ali məktəblərə daxil olanda bu onlar
üçün yenilik olmasın. Ali məktəblərdə də təhsil prosesinin inkişafında böyük
işlər görülməlidir”.
Ali təhsilin səviyyələri arasında mövcud olan problemli situasiyanın ay-
dınlaşdırılması, bakalavriat-magistratura üzvi bağlılığının Boloniya prosesinin
tələblərinə uyğun gələn adekvat prinsiplər əsasında formalaşdırılması zəruriliyi
də təsvir edilən problemin əhatə dairəsindədir. Nəticəlilik prinsipinin zəruriliyi
də məhz, bu prizmadan qiymətləndirilməlidir.
Yəni, bütövlükdə təhsil prosesinin yekunu olaraq dünya miqyasında
fəaliyyət qabiliyyətinə malik mütəxəssis yetişməyəcəksə, onda təhsilin hər
hansı bir pilləsinin, yaxud səviyyəsinin ayrıca götürülmüş formada beynəlxalq
standartlara uyğunlaşdırılmasının heç bir əhəmiyyəti olmayacaqdır. Eyni za-
manda, Prezidentin təhsil sistemi qarşısında qoyduğu vəzifələr içərisində ali
təhsildən sonrakı təhsilin inkişafı da xüsusi yer tutur. Qeyd edilən yönüm,
məzmun etibarilə təhsilin fasiləsiz olaraq inkişafı deməkdir.
3. Tədris prosesinin modernləşdirilməsi, keyfiyyət səviyyəsinin Avropa stan-
dartlarına uyğunlaşdırılması həm kumulyativ, həm də günün ən aktual prob-
lemi olaraq qalmaqdadır. Problem, ifrat dərəcədə mürəkkəb konfıqurasiyaya
Dostları ilə paylaş: |