Say 3 • Noyabr • 2011 |
STRATEJİ TƏHLİL
239
isə bilavasitə Rusiyanın vasitəçiliyi ilə atəşkəs barədə razılıq əldə olundu və bu
razılıq əvvəlkindən fərqli olaraq sadəcə kağız üzərində qalmayacaqdı. Atəşkəs
barədə razılıqdan sonra həqiqətən də Dağlıq Qarabağda hərbi əməliyyatlar
dayandırıldı.
Yaranmış əlverişli şəraitdə Azərbaycanın enerji resurslarının (“Azəri-Çıraq-
Günəşli” neft yataqlarının) istismarı üçün qərb şirkətləri ilə danışıqlara baş-
landı. 1994-cü il sentyabrın 20-də Bakıda, Gülüstan sarayında Azərbaycan
hökuməti və xarici neft şirkətlərindən ibarət konsorsium tərəfindən “Azəri-
Çıraq-Günəşli” neft yataqlarının istismarına dair ”hasilatın pay bölgüsü sazişi”
(PSA) imzalandı. Müqavilə daşıdığı iqtisadi və siyasi əhəmiyyətinə görə sonra-
dan ‘Əsrin müqaviləsi’ adını aldı. Xarici şirkət və dövlət nümayəndələrinin də
iştirakı ilə müqavilənin imzalanması və gələcəkdə icrası ölkənin mustəqilliyi və
suverenliyi, o cümlədən Rusiyadan iqtisadi və siyasi asılılığı azaltmaq baxımın-
dan müstəsna əhəmiyyət kəsb edirdi. Buna baxmayaraq, Heydər Əliyev Rusi-
yanın da maraqlarını nəzərə almağın vacibliyini başa düşürdu. Odur ki, rus neft
şirkəti LUKoyl da səhmdarların (səhmlərin 10 faizi) arasında yer alırdı. Bundan
başqa, müqavilənin imzalanma mərasimində
Rusiyanın enerji naziri də iştirak edirdi.
Amma görünür, bunlar Rusiyanı razı sal-
maq üçün kifayət deyildi. Rusiya heç cür
Qərbin regionda mövcudluğu ilə razılaşmaq
istəmirdi. Müqavilə imzalanan gün Rusiya Xa-
rici İşlər Nazirliyinin sözçüsü Qriqori Karasin
bildirdi ki, “Xəzəryanı ölkələr Xəzər dənizinin
statusu ilə bağlı bir razılığa gəlməyincə Rusi-
ya bu muqavilənin legitimliyini tanımaqdan
imtina edir” [7]. Xəzərin statusu sonuncu dəfə İran və SSRİ arasında razılaşdırıl-
mışdı və SSRİ-in dağılmasından sonra Xəzəryanı respublikalar hələ dənizin yeni
statusunu müəyyən etməmişdilər. Rusiya bu vəziyyətdən yararlanaraq qərb
şirkətlərinin Xəzər dənizində yataqların istismarına başlamasına mane olmaq
istəyirdi. 2 gün sonra Rusiya xarici işlər nazirinin ozü də bəyanat verdi: “Bütün
maraqlar nəzərə alınmalıdır, o cümlədən Rusiyanın maraqları və məsələni qar-
şılıqlı razılıq əsasında həll etmək lazımdır” [35]. Bu azmış kimi Rusiya Xarici İşlər
Nazirliyi layihədə iştirak edəcək bütün neft şirkətlərinin aid olduqları ölkələrə
rəsmi etiraz məktubu göndərdi.
Bu bəyanatlarla paralel Azərbaycanda daxili vəziyyət gərginləşməyə baş-
ladı. Bir neçə dövlət xadiminə qarşı sui-qəsd təşkil edildi və dövlət çevrilişinə
cəhd edildi. Hadisələrin bu cür inkişafı 1993-cü il qiyamını xatırladırdı. Onda da
Azərbaycanın yürütdüyu siyasət Rusiyanı qəti qane etmirdi və bundan sonra
ölkədə böhran vəziyyəti yaranmışdı və hakimiyyətə qarşı qiyam təşkil olun-
muşdu. Bu dəfə də ssenari eyni idi. Ancaq bu dəfə ölkədə siyasi sabitliyi qoru-
yub saxlamaq mümkün oldu. Heydər Əliyev bu hadisələrin neft müqaviləsinin
Azərbaycanın yürütdüyu
siyasət Rusiyanı qəti qane
etmirdi və bundan sonra
ölkədə böhran vəziyyəti ya-
ranmışdı və hakimiyyətə qar-
şı qiyam təşkil olunmuşdu.
Bu dəfə də ssenari eyni idi.