2 m ü n d ə r I c a t gəNCƏ DÖVLƏt universiteti 70
SƏDNİK PAŞA PİRSULTANLI - 80
Yüklə 3,02 Mb. Pdf görüntüsü
|
- Bu səhifədəki naviqasiya:
- Hörmət və sevgilərlə: Nuridə Atəşi, Şairə, Almaniyada Nizami adına Mədəniyyət İnstitutunun direktoru
- Bülent Gürçam, Belçika-Azərbaycan evinin sədri 18.05.2009
- “Region Xəbər” qəzeti, № 3, səh 16
- Yunis Nurməmmədov, GDU-nun dosenti 14
- Hörmətlə: MƏMMƏD ALİM AYB Gəncə Bölməsinin sədri, Əməkdar İncəsənət xadimi, Prezident təqaüdçüsü, Beynəlxalq Rəsul Rza mükafatı laureatı
12 SƏDNİK PAŞA PİRSULTANLI - 80 TƏBRİKLƏR Əzizim Sədnik müəllim! Göndərmiş olduğunuz “Pirsultan” jurnalını və mənə həsr etdiyiniz şeirləri aldım. Çox sevinirəm ki, Sizin kimi böyük alim mənim haqqımda xoş sözlər deyir. Yaradıcılığıma stimul verəcək yazılarınıza görə də Sizə çox təşəkkür edirəm. Ümid edirəm ki, bundan sonra bizim əməkdaşlığımız daha sıx və daha intensiv olacaqdır. Avropada yaşayan türklər, özəlliklə Almaniya türkləri sizləri sevir. Sizin yaradıcılığınızın ana xətti olan folklor tədqiqatlarınız Avropa və dünyada türklərin əsil tarixini təbliğ edir. Bizim bu gün diasporçu kimi göstərdiyimiz çabalarımızda Sizlərə böyük ehtiyacımız var. Biz inanırıq ki, Azərbaycan naminə, Türk dünyası naminə görəcəyimiz işlərdə hər zaman bizləri dəstəkləyəcəksiniz. Bildiyim qədər 20 may 2009-cu ildə 80 yaşınız tamam olur. Bu münasibətlə Sizi səmimi qəlbdən təbrik edirəm. İnanıram ki, ömrünüzün bu müdrik çağında enerjili və daha məhsuldar işləyəcəksiniz. Siz türk millətinin ən dəyərli şəxsiyyətisiniz. Bir türk alimi üçün bundan şərəfli məqam ola bilməz. Bir daha Sizi təbrik edirəm və dostluğumuzun, elmi əməkdaşlığımızın daha davamlı, intensiv olacağına inanıram.
Ç ox hörmətli Sədnik Paşa Pirsultanlı! Sizin 80 yaşınızı səmimi qəlbdən təbrik edir, Sizə möhkəm can sağlığı arzu edirəm. Biz Avropada yaşayan Azərbaycan türkləri Sizin kimi böyüklərimizlə, alimlərimizlə hər zaman fəxr etmişik. Bir alim kimi çəkdiyiniz zəhmətlər bizlərin baş ucalığı, sevincimiz və onurumuzdur. Sizə daha böyük yaradıcılıq uğurları və möhkəm can sağlığı arzulayıram. Bütöv və qüdrətli Azərbaycanda görüşmək arzusu ilə.
13 SƏDNİK PAŞA PİRSULTANLI - 80 TƏBRİKLƏR Sədnik Paşa Pirsultanlı- 80 Türk dünyasının tanınmış folklorşünası Sədnik Paşa Pirsultanlının mayın 20-də 80 yaşı tamam oldu. Bütün həyatını xalq ədəbiyyatı incilərinin toplanmasına və tədqiqinə həsr edən qocaman alim Sədnik Paşa Pirsultanlı yazıb yaratdığı müddətdə xalqımızın elm xəzinəsinə 50-dən artıq kitab və yüzlərlə məqalə bəxş etmişdir. Türk dünyasında sevilib-sayılan Sədnik Paşa Pirsultanlı bütün türk xalqının ozan-şairi olan Pir Sultan Abdalın soyundandır. Türk dünyasında ağızdan ağıza keçib qorunan ədəbi incilərimizi toplayan, tədqiq edən, xalqa çatdıran Sədnik Paşa Pirsultanlı yorulmaz alim və xalq ədəbiyyatı bilicisidir. Çalışdığı kollektivin əzizi olan, tələbələri tərəfindən sevilən Sədnik Paşa Pirsultanlını 80 illik yubileyi münasibəti ilə “Region-Xəbər” qəzetinin əməkdaşları səmimi qəlbdən təbrik edir, dəyərli alimimizə, ustad folklorşünasımıza uzun ömür, yeni-yeni uğurlar arzulayırıq. İnanırıq ki, bu yorulmaz insan 100 yaşında da bu cür həyat eşqi ilə dolu olacaqdır. “Region Xəbər” qəzeti, № 3, səh 16 Respublikamızın hör- mətli, çox cəfakeş, Azər- baycan folklorunun tədqi- qində böyük xidmətləri olan, Azərbaycan folklorunu xa- ricdə də təbliğinə çox əmək sərf eləmiş alim, yazıçını 80 yaşının tamam olması münasibəti ilə təbrik edir, can sağlığı və yaradıcılı- ğında daha çox müvəfə- qiyyətlər arzu edirəm. Yunis Nurməmmədov, GDU-nun dosenti 14 SƏDNİK PAŞA PİRSULTANLI - 80 TƏBRİKLƏR Hörmətli Sədnik müəllim! Sizi, Azərbaycan-türk dünyasının böyük folklorşünas alimini 80 illik yubileyiniz günündə ürəkdən təbrik edirəm. Siz altmış ilə yaxın bir müddətdə saysız-hesabsız folklor nümunələrimizi ölkə-ölkə, diyar-diyar, oba-oba, kənd-kənd gəzib ilkin mənbələrdən toplamaqla, araşdırmaqla, kitablara çevirib geniş oxucu kütləsinə təqdim etməklə, xalqın özünə qaytarmaqla Sədnik Paşa Pirsultanlı imzasını ədəbi irs, elm və mədəniyyət tariximizdə ömürləşdirmisiniz. Əziz qocaman, ucaman və ustad qələm qardaşım, Siz Gəncə Dövlət Universitetinin professoru, filologiya elmləri doktoru, Əməkdar Mədəniyyət İşçisi, Əməkdar müəllim, Azərbaycan Yazıçılar Birliyinin və Azərbaycan Jurnalistlər Birliyinin üzvü olanadək uzun, məhsuldar, şərəfli həyat və yaradıcılıq yolu keçmisiniz. Elmi-tədqiqat əsərlərinizin, folklor və poetik yaradıcılıq nümunələrinizin toplandığı 50 kitab Sizi çağdaş Azərbaycan folklorşünaslığının canlı abidəsi kimi təqdim edir. Hörmətli professor, Siz folklorşünaslıq elminə yenilik gətirən alimsiniz. Azərbaycan xalq əfsanələrinin, əsatir, rəvayət və söyləmələrinin ilk dəfə sistemli şəkildə toplanıb tədqiqata cəlb olunması, milli epos-dastan yaradıcılığının başlanğıcını qədim qaynaqlardan götürməsinin, dahi şairimiz Nizami Gəncəvinin ədəbi irsinin əski türk folkloru ilə sıx bağlılığının konkret və danılmaz faktlarla təsdiqi, Xəstə Qasım, Aşıq Bəsti, Yəhya bəy Dilqəm və bir çox başqa el sənətkarlarının əsərlərinin ayrıca kitab halında işıq üzü görməsi, sazla sözün nəzəri məsələlərinin, tapmacaların, tapmaca- bayatıların və bayatı-bağlamaların müqayisəli şərhi məhz Sizin adınızla bağlıdır. Bir neçə gün əvvəl, mayın 17-də Azərbaycan Yazıçılar Birliyinin Gəncə bölməsində iştirakınızla keçirdiyimiz unudulmaz yubiley məclisimizdə qeyd etdiyim kimi, indi də xüsusi vurğulamaq istəyirəm ki, Sədnik müəllim, Siz, folklorumuzla belə əhatəli və dərindən məşğul ola-ola artıq özünüz də əfsanələşməkdə, folklor qəhrəmanına çevrilməkdəsiniz. Topladığınız xalq lətifələri və təmsilləri ilə yanaşı Sizin hazırcavablığınızın, müdrikliyinizin ifadəsi olan öz lətifələriniz də dildə-ağızda gəzir. Ayrı-ayrı el sənətkarlarımızla bağlı araşdırmalarınız, elmi-nəzəri və təcrübi fəaliyyətiniz öyrənildiyi kimi, orijinal bədii yaradıcılığınız, o sıradan poeziyanız, şairliyiniz də tədqiqat obyektidir. Sanki Sizi folklor doğub, folklor boya-başa çatdırıb. Əziz Sədnik müəllim, Sizin gözəl ailəniz, övladlarınız, nəvələriniz və nəticəniz var. Siz sözün əsl mənasında həm xoşbəxt ata, həm də bəxtəvər elm adamısınız. Siz yalnız nəvələrinizin, nəticənizin deyil, eyni zamanda bu gün də, sabah da, gələcəkdə də gənc folklorçularımızın ulu babası, müasir folklorşünaslıq elmimizin 80 yaşlı Paşasısınız. Sizi yubileyiniz münasibəti ilə bir daha təbrik edir, möhkəm cansağlığı, yeni yaradıcılıq üfüqləri arzulayıram!
Yüklə 3,02 Mb. Dostları ilə paylaş:
|