- 66 -
Sıra
№si
Hədəflər
2017
2018
2019
2020
2021
1
Arı ailələrinin sayı ( min ailə)
285
345
415
495
600
2
Bir arı ailəsinin məhsuldarlığı(normal
hava şərtlərində) (kq)
9.0
10
12
14
16
3
Bal istehsalının həcmi (ton)
2565
3450
4980
6930
9600
4
Bir nəfərə düşən illik bal istehlakı(kq)
0.26
0.34
0.49
0.67
0.88
Qarşıya qoyulan məqsədlərə nail olmaq üçün arıçılıqda üç istiqamətdə fəaliyyət göstərmək
lazımdır:
1. Arı ailələrinin sayını artırmaq (ekstensiv yol)
2. Arı ailələrinin məhsuldarlığını artırmaq (intensiv yol)
3. Arıçılığın yem bazasını
gücləndirmək
Arıçılığın inkişafına dair Dövlət Proqramı hər üş istiqamətdə fəaliyyətə dəstək verməlidir.
Arıçıların öz arılarının sayını artırmasını stimullaşadırmaq üçün istehsal edilən balın böyük
partiyalarla alışını həyata keçirəcək mərkəzlərin yaradılmasını, yaxud bu biznes növü ilə məşğul
olan sahibkarlıq fəaliyyıtinin dəstəklənməsini təmin etmək lazımdır. Bubunla bərabər, arı
xəstəlikləri ilə səmərəli mübarizə aparmaq,həmçinin bu sahədə sistemli profilaktik tədbirlər həyata
keçirmək məqsədilə mütəxəssislərin hazırlanması işinə dəstək verilməlidir.
Arıçılığın inkişafında daha mütərəqqi istiqamət arı ailələrinin bal məhsuldarlığının
yüksəldilməsi və bu sahədə də qabaqcıl dünya göstəriciləri səviyyəsinə nail olunmasıdır.Buna isə
arıçılıqda cins təmizliyinin təmin edilməsi, Azərbaycanın məşhur brendi olan Boz dağ Qafqaz arı
cinsinin bərpa edilməsi yolu ilə nail olmaq mümkündür ki, bu da öz növbəsində arıçılıqda müasir
damazlıq texnologiyasına- süni toxumlamaya keçidi zəruri edir. Bu gün dünyada süni toxumlama
arıçılığın cins təmizliyinin qorunmasının yeganə vasitəsidir. Buna görə də ölkədə arıların süni
toxumlama mərkəzlərini yaratmaq, onların müasir laboratoriya avadanlığı və digər infrastruktur
vasitələri ilə təmin edilməsinə maliyyə dəstəyi göstərmək lazımdır. Bundan əlavə, arıçıların süni
toxumlanmış arı analarını əldə etməsi və ondan istifadə edərək öz arıxanasının cins tərkibini
yaxşılaşdirmasını stimullaşdırmaq məqsədilə subsidiya ayrılması praktikasından istifadə etmək
lazımdır.
Arıçılığın inkişafına ciddi təsir göstərə biləcək üçüncü fəaliyyət istiqaməti isə arıçılığın yem
bazasının gücləndirilməsidir. Bunun üçün ölkə ərazisində balverən ağac bitkilərinin əhali tərəfindən
qorunması və artırılması təşviq edilməlidir. Bu sahədə daha ciddi əhəmiyyətli tədbir kimi “Bal
meşələri” salınması sahəsində Azərbaycan Respublikasının Ekologiya və Təbii Sərvətlər Nazirliyi
qarşısında proqram xarakterli məqsədlərin qoyulması ola bilər və buna nail olunmalıdır.Balverən
ağac, kol və ot bitkilərinin tingçiliyi və toxumşuluğu ilə məşğul olan sahibkarlıq dəstəklənməlidir.
Dölvət Proqramında nəzərdə tutulan institusional, təşkilati və digər tədbirlərin həyata keçiril-
məsinin maliyyələşdirilməsini təmin etmək məqsədilə, subsidiyalar formasında Dövlət büdcəsinin
vəsaitindən güzəştli şərtlərlə Sahibkarlığa Kömək Milli Fondunun vəsaitlərindən, KTN yanında
Kənd Təsərrüfatı Layihələri və Kreditlərinin İdarə Edilməsi üzrə Dövlət Xidmətinin vəsaitlərindən,
sahibkarlıq gəlirlərindən və qanunvericiliklə qadağan olunmayan digər mənbələrdən istifadə
edilməlidir.
Proqramın əhatə etdiyi dövrün sonuna arı ailələrinin sayını 600 minə , bal istehsalının
həcmini
10 min tona çatdırmaq mümkündür. Bu isə Azərbaycan Respublikasında bir nəfərə düşən illik bal
istehlakının müasir dünya səviyyəsinə (0,52 kq) çatdırılmasını təmin etməklə yanaşı, ildə 4000
tondan artıq bal ixracını da təmin edə bilər.
- 67 -
UOT 638.145.54
ELNUR ƏHMƏDOV
FARİZ SALMANOV
BAHAR ŞÜKÜROVA
ARKTN-nin Heyvandarlıq Elmi Tədqiqat İnstitutu
AZƏRBAYCANDA ANA ARILARIN SÜNİ MAYALANDIRILMASI
PERSPEKTİVLƏRİNƏ DAİR
Açar sözlər: ana arı, erkək arı, instrumental mayalandırılma, süni toxumlama, ana arı
yetişdirmə və s.
Keywords: queenbee, drone, instrumental insemination, artificial insemination, breeding ewes.
Ключевые
слова: пчеломатка, трутень, инструментальное оплодотворение,
искусственное осеменение, разведение маток.
Alimlər belə hesab etmişlər ki, münbit təbii-coğrafi şəraitdə yaşayan hər bir xalqın, o
cümlədən azərbaycanlıların təsərrüfat və məişət həyatında qədim tarixi olan arıçılıq başlıca
yerlərdən birini tutmaqda davam edir [1].
Ölkə arıçılığını müasir dünya arıçılığı səviyyəsinə qovuşdurmağının ən əsas mümkünlüyü
Respublikada mövcud aborigen arı genofondunun qorunması, seçilməsi və seleksiyada
istifadəsindən keçir. O da məlumdur ki, dünyada mövcud olan 24 bal arısı cinsindən biridə - Boz
dağ Qafqaz arəsə Azərbaycan ərazisində daha geniş yayılmışdır.
Bundan əlavə ölkəmizdə arıçılığın müvəffəqiyyətlə inkişaf etməsinə təsir edən əsas faktorlar
– genotipi tanımaq və seleksiyasını düzgün aparmaqdır. Bal arılarının çoxaltma xüsusiyyəti, ana arı
ilə erkək arıların çütləşməsinə nəzarətin çətinliyi onların bir cins kimi qorunub-saxlanmasına
problemlər yaşadır. Ona görə də arıçılıqda nəzarətli cütləşdirmənin tətbiqinə ehtiyac vardır. Bundan
fərqli olaraq təbii cütləşmə pətək xaricində və havada uçuş əsasında həyata keçirilir. Buna görə də
bir çox təmiz qanlı arı yetişdirmə proqramlarında arıçılara əhəmiyyətli dərəcədə çətinliklər yaşadır.
Buna baxmayaraq, nəzarətli cütləşdirmələr təbii və ya süni şəkildə gerçəkləşdirilə bilir.
Təbii cütləşdirilmədə təcrid bölgələri adlanan ərazilərdən istifadə olunur. Yəni təcrid bölgəsi
ən azı 6-7 km radiusunda dölləndiriləcək ana arıların bu ərazi-dairənin mərkəzində yerləşdirildiyi
məkandır. Bu ərazinin ətrafında isə başqa arıxanalardan arı pətəklərinin olmaması əsas
şərtlərdəndir.
Təcrid bölgəsində digər arı ailələrinin olmadığını təyin etmək üçün həmin sahəyə içində bal
olan qablar qoyulur və ya mum əridilərək kənardan işçi arıların gəlib-gəlmədikləri müşahidələr
əsasında yoxlanılır. Müşahidə zamanı hiss olunarsa, başqa arıxananın işçi arıları
gəlmirsə, demək
təcrid bölgəsi təmizdir. Bundan əlavə təcrid bölgəsinin ətrafının dağlarla əhatə olması da daha məq-
sədəuyğundur.
Lakin elmə məlumdur ki, insanlar tərəfindən seçilən və
ən yaxşı sayılan təcrid
bölgələrində belə, yad erkək arıların olma ehtimalı vardır. Bütün bu söylədiklərimizlə yanaşı onu da
qeyd etmək lazımdır ki, adalar və yarımadalar cütləşdirmə bölgəsi üçün ideal yerdir.
Adaların
küləksiz olması isə böyük əhəmiyyət kəsb edir və burda aparılan nəzarətli cütləşdirmələr daha yaxçı
nəticələr verir. Damazlıq-seleksiya işləri baxımından daha faydalı olur.
Hal-hazırda arıçılıqda əvəzsiz rola malik süni mayalandırma, adalar və yarımadalarda
aparılan cütləşmələrə bir alternativdir və olduqca az bir sahə tələb edir. Bir arı yetişdiricisi,
məqsədindən asılı olaraq eyni yerdə və eyni gündə bir necə fərqli erkək arıların spermasından
istifadə edə bilər. Beləcə, coğrafi olaraq nəzarətsiz olan bir ərazilərdə nəzarətli cütləşdirmələr
aparıla bilər.
Bu nisbət, normal təcrid olunmuş bölgələrdə daha da yüksəkdir. Məlumdur ki, ana arı
ilə erkək arıların çütləşməsi açıq havada yerdən 25-50 m hündürlükdə, arıxanadan isə 10 km
radiusda olan kənar ərazidə baş tutur.
Ana arının çütləşməsində digər bir xüsusiyyət də var ki, ana
arı bir erkək arı ilə cütləşmir. O, bir necə erkək arılarla cütləşir (
poliandriya – çoxərlilik). Ana arı
ilə cütləşən hər bir erkək arı, cütləşmədən sonra ölür.