- 71 -
NATİQ MƏMMƏDOV
Azərbaycan Dövlət Aqrar Universiteti
natiq.mamedov@mail.ru
ƏSAS GƏLİR DÖVRÜNDƏ ANA ARININ YUMURTA QOYMASININ
MƏHDUDLAŞDIRILMASI
Açar sözlər:
Naxçıvan, ana arı, yumurtaqoyma, məhdudlaşdırma
Ключевые слова: Нахчыван, пчелиная матка, яйценоскость, ограничение
Key words: Nakhchivan, the queen bee, egg-laying
, limitation
Naxçıvan MR şəraitində gəlir dövrünün uzun yoxsa qısa olacağını proqnozlaşdırmaq yerli iqlim
şərtlərinə görə çox çətin məsələdir. Arı ailələrindən gəlir dövrünün sonunda bal süzümü həmişə
arıçıları çıxılmaz vəziyyətə salır. Yarısınadək və yaxud yuxarıdan üçdə bir hissəsi balla dolu
şanların aşağı hissəsi əksər hallarda möhürlü və ya möhürlənməmiş sürfə və ya müxtəlif yaşlı
yumurtalarla dolu olur. Arıçı bal süzərkən ya belə şanlardakı baldan vaz keçməli olur,ya da ki, belə
şanları balsüzənə salıb çıxardıqda sonra mövcud bala artımını bilərəkdən məhv etmiş olur.
Giriş. Əsas gəlir dövründə ana arıların məhsuldarlığının aşağı salınması, həmçinin əsas gəlir
dövründə boş hücrələrdən ibarət şanları çox olan bir yuvada nektar yığımı üçün şərait yaratmaq
məqsədiilə bəzən arıçılar əsas gəlir dövründə ana arını məhv edir ki, şan üzərində yumurta
qoyulmuş sahə azalsın. Amma ana arının məhv etmədən belə ana arının yumurtaqoymasını
məhdudlaşdırmaq mümükündür [7].
Bildiyimiz kimi ana arı sutka ərzində 1500- 2000 yumurta qoya bilir ki, bu da onun öz
kütləsinə bərabərdir. Ana arının bu cür yüksək məhsuldarlığını aşağı salmaq mümkün olmadığından
bəzən arıçılar süni üsullardan istifadə etmək məcburiyyətində qalırlar. Bu hal arıçılıqda ana arının
yumurta qoymasının məhdudlaşdırılması adlanır [2].
Material və metod. Ana arının yumurta qoymasının məhdudlaşdırılması mexaniki və təbii üsullara
ayırmaq olar. Mexaniki (məcburi,süni surətdə) üsulada ana arı süni üsulla yumurta qoyulacaq
şanlardan ayrı salınır.Təbii üsulda isə arılara xüsusi qulluq göstərilərək aparılır ki, bu zaman ana arı
şanda azad qalır[5].
Tədqiqatın məqsədi. Naxçıvan MR şəraitində arı ailələrindən maksimim bal məhsulu
götürmək məqsədilə əsas gəlir dövründə ana arıların yumurta məhsuldarlığını məhdudlaşdıraraq işçi
arılara daha çox nektar toplamaq üçün yer və zaman ayırmaq və bu zaman ana arının keyfiyyətinin
aşağı salınmamasına nail olmaq tədqiqatımızın əsas məqsədi olmuşdur[4].
Təcrübənin gedişi. Ana arının mexaniki üsulla izolə edilməsi üsulları müxtəlifdir.
1.Ana arının müvəqqəti olaraq şan üzərində qəfəsdə və ya kolpak altına saxlanılması
2. Ana arının 2-3 şanla birlikdə əsas ailədən xüsusi şəbəkə ilə ayrılması
3. Çoxmərtəbəli korpuslarda ana arının
alt mərtəbədə izolə edilməsi
4. Ana arının izolə edildiyi torun (şəbəkəni) içərisindəki şanları dolduqca dəyişməklə
Ana arının yumurta qoymasının məhdudlaşdırılması hətta az gücə malik olan ailələrdə belə bal
məhsuldarlığının artmasına səbəb olur.Amma ana arının ailədən tamamilə götürüılməsi əvəzinə
onun izolə edilmısi daha yaxşı effekt verir, çünki bu zaman az da olsa yeni nəsil əldə edilir. Ana
arının qəfəsdə saxlanılması yaxud şan üzərində kolpak altında izolə edilməsi dəyişdiriləcək analar
üçün nəzərdə tutula bilər.
Qəfəsdə saxlanılmış yaxud şan üzərində kolpak altında izolə edilmiş analar çox hallarda
yumurtaqoyma məhsuldarlığını ya itirir, ya da nəzərə çarpacaq dərəcədə azaldır. Bundan əlavə
qəfəsdə saxlanılmış anası olan ailələr yetimlik hissi keçirdiklərində tezliklə ana məmələri vururlar.
Ana arının yumurta qoymasının məhdudlaşdırılmasının ənyaxşı üsulu ananı 2-3 şanla birlikdə əsas
ailədən izolə edilməsidir. [1].
Tədqiqatın müzakirəsi. Amma ana arının yumurta qoymasının mexaniki üsulla
məhdudlaşdırılması arıxana işlərinin düzgün aparlması zamanı lazımsız bir şeyə çevrilir. Belə ki,
1.
Əsas gəlir dövrünə güclü ailələr hazırlanmalıdır. Çünki güclü ailələr yenicə boşalmış
hücrələr tez bir zamanda nektarla doldururlar. Zəif ailələr əsas gəlir dövründə hələ inkişaf
- 72 -
mərhələsində olduqlarından boş hücrələrə nektar doldura bilmədiklərindən yumurtaqoymanı
məhdudlaşdıra bilmnirlər. Belə ailələrdə əksinə əsas gəlir dövründə ana rının yumurtaqoyma
məhsuldarlığı yüksək olur. Başqa sözlə desək güclü ailələr özləri əsas gəlir dövründə ana arının
yumurtaqoyma məhsuldarlığını təbii surətdə aşağı sala bilirlər. Əsas gəlir dövrünə güclü ailələrlə
çıxmaq arıçının öz əlindədir desək yanılmarıq [4].
2. Yuvanın genişləndirilməsi zamanı yeni çərçivələri düzgün yerləşdirməklə də an arının
yumurtaqoymasını nizamlamaq mümükündür. Arıçı yumurtaqoymanı sürətləndirmək istəyirsə şanlı
çərçivələri axırıncı sürfəli şanla lap axırıncı bağlayıcı şan arasına yerləşdirməlidir. Gəlir dövründə
yumurta üçün yox, bal üçün qoyulan şanlar yuvanın ən axırıncı şanının yanından qoyulmalıdır. Ana
arı bu şanlara yumurta qoymayacaq və həmin gözcüklər nektar yığılacaqdır. [8].
3. Ballı çərçivələri vaxtında ayırıb süzmək vacibdir. Əsas gəlir dövründə arılar yuvaya
qaytarılan boş şanları daha tez doldurmağa meyilli olurlar. Amma gəlir çox deyilsə, və bir neçə gün
əlverişsiz hava şəraiti hökm sürürsə onda ana arı boş hücrələrə çoxlu miqdarda yumurta qoymaqla
yığımın azalmasına təsir göstərəcək. [6,3].
Bütün bunlar baş verməsin deyə yarımçərçivəli korpuslu yuvalara şanları enlənmiş çərcivələr
qoymaq lazımdır ki , ana arılar bu şanlara yumurta qoymurlar.
İkikorpuslu pətəklərdən bal süzümü üçün 6 çərçivədən çox götürülməmlidir və onlar yuvaya
qaytarıldıqda yuvanın hər tərəfinə 3 ədəd olmaqla yerləşdirilməlidir.
Sadalanmış qaydalara riayət etməklə ana arının yumurtaqoymasının təbii üsulla
məhdudlaşdırılmasına nail olmaq olar ki, bu da əsas gəlir dövründə arıların daha intensiv işləməsinə
(nektar dalınca getməsinə) səbəb olar.
Gəlir dövrü geçikəndə arıxanada müvəqqəti ayırmalar edirlər ki, əsas gəlir dövrünə ailələri
gücləndirmək mümkün olsun. Bəs müvəqqəti ayırmaları gəlir dörvündə necə istifadə etməli, onları
əsas ailələrlə birləşdirməli, yoxsa müstəqil işləməyə buraxmalı? Ayırmaları birləşdirmək iki cür
nəticə verir.
1. Aillənin gücünü artırır və nektar toplamı sürətlənir.
2.Yumurtaqoyma məhsuldarlığı azalır,çünki birləşmiş ailədə yalnız bir ana yumurta qoyur. Ona
görə də birləşdirmənin məqsədəuyğunluöunu müəyyənləşdirmək üçün birləşdiriləcək ailələrin gücü
və gəlir dövrünün uzunluğu nəzərə alınmalıdır. Əgər ayırma əsas gəlir dövrünə 2-3 kq kütləyə
malik olursa onda onu əsas ailəyə və yaxud digər belə gücə malik ayırmaya birləşdirmək
məqsədəuyğundur. Ayırma əsas gəlir dövrünə kifayət qədər güclü (10-12 çərçivədə) haldadırsa
onda belə ailəni əsas gəlir dövrünə müstəqil saxlamaq məsləhətdir. [9].
Nəticə. Ayırmaları digər ayırma yaxud əsas ailə ilə birləşdirmək əsas gəlir dövründə ana
arının yumurta qoymasının məhdudlaşdırılacağı zaman yaxşı nəticə verir. Uzunmüddətli (30
gündən çox) gəlir zamanı ailələri birləşdirmək və bununla da sürfə inkişafını ləngitmək
məqsədəuyğun deyil, çünki güclü ayırmalar həm çox nektar yığmağa, həm də çoxlu sürfə
yetişdirməyə meyilli olur. Ailələri birləşdirərkən bu ilin yazında çıxmış cavan anaları ailədə
saxlamaq lazımdır.Belə cavan analı ailələr beçə verməyə meyilli olmur ki bu da əsas gəlir dövründə
vacib amildir.
Pətəyin növündən asılı olmayaraq ana arını əsas gəlir dövrünə 8-10 gün qalmış izolə etmək
lazımdır. Bu zaman əmin olmaq lazımdır ki, ana arı keçə bilməyən həmin hissədə bütün möhürlü
sürfələr çıxacaq və onlar çıxdıqdan dərhal sonra həmin hücrələrə yığılmış nektarın bala çevrilərək
yetişə bilməsi üçün lazımi vaxt yetərincə olacaq. [8,9,10].
ƏDƏBİYYAT
1.
Sultanlı Q.İ. Arıçılıq. Bakı, 2003, 346 s.
2.
Sultanov Q.İ. Arçının məlumat kitabı. Bakı, 1990, 136 s.
3.
Tahirov Ə.S. Naxçıvan MR-də erkən yazda bal arısı (
Apis mellifera L.) ailələrində arıların
yerişdirilməsi və paket arıçılığının inkişafı: Biol.elm. nam. … dis. avtoref. Bakı, 2008, 20 s.
4.
Kemal Çelik ve digerleri. Arıçılık el kitabı.
Çanakkale, Türkiye, 2012, 366 seh.
5.
Lampetl Franz. Arıcılıq. İstanbul, 2012, 184 s.