171
«QORA KO‘RDIM» O‘YINI
O‘yinga tayyorlanish
. O‘yin bolalarni topqirlik, shijoat
va dadilikka tarbiyalaydi. Diametri 5–8 m bo‘lgan doira
chiziladi. Bir dona tugma yoki danak tayyorlab qo‘yiladi.
Hakam yoki o‘yinboshi saylanadi. O‘yinchilarning bari qo‘l
kaftini ko‘krak balandligida
pastga qaratib turadi, o‘yinchilar
ko‘rsatkich barmoqlarini hakamning kaftiga tagidan tekkizib
turadi. Uning ishorasi bilan ular barmoqlarini tartib olishlari,
hakam esa ulardan
birini tutib olishi darkor, tutilgan bola
doira o‘rtasida turadi.
O‘yin tavsifi
. Doirada turgan o‘yinchilarning qo‘llari
orasida biron buyum bo‘ladi. Bolalar o‘yinboshining ruxsati
bilan buyum (tugma, tosh yoki danak)ni orqadan qo‘lma-
qo‘l uzatadi yoki birontasida qoladi va yashiradi. O‘rtadagi
o‘yinchilarni
kuzatib turib, biror o‘yinchidan gumon qiladi.
«Qora ko‘rdim» deydi va bolalarning birini ko‘rsatadi. Haligi
bolada buyum bo‘lsa, ko‘rsatishi lozim.
O‘yin qoidalari
. 1. O‘yin boshlashdan
avval yashirilgan
buyum ko‘rsatilishi shart. 2. O‘rtadagi o‘yinchi buyumni
topa olmasa, buyumni yashirgan bola oldinga chiqib, uni
ko‘rsatishi kerak, so‘ng u she’r, qo‘shiq aytib beradi va o‘yin
shu joydan boshlanadi. 3.
Agar u buyumni topsa, o‘yinchilar
o‘zaro o‘rin almashadilar.
«LANKA» O‘YINI
O‘yinga tayyorlanish.
Qo‘y yoki echki terisidan bir
parcha qirqib olib, tagiga og‘irroq narsa yoki qo‘rg‘oshin
yopishtirib lanka yasash mumkin.
O‘yin tavsifi
. O‘yinchilar juft-juft yoki guruh-guruh bo‘lib
o‘ynashlari mumkin. 5–10 ta oddiy tepishdan so‘ng, 5–10
sach, 5–10 lurdan boshlash kerak.
Bularning hammasini
tushirmasdan bajarib bo‘lgandan so‘ng keyingi o‘yin bosh-
lanadi. Agar qo‘yilgan vazifa oxirigacha yetkazilmasa, o‘yinni
navbatdagi o‘yinchi davom ettiradi. Berilgan vazifalarni to‘liq
va aniq bajargan o‘yinchi g‘olib chiqadi. Bu o‘yin orqali
o‘quvchilarda
epchillik, chaqqonlik, chidamlilik, sakrov-
chanlik sifatlari tarbiyalanadi.
