A. A. Axmedov ijtimoiy pedagogika
Bolani oilaga (vasiylik/homiylik, tutingan) tarbiyaga olish
Yüklə 1,47 Mb. Pdf görüntüsü
|
|
Bolani oilaga (vasiylik/homiylik, tutingan) tarbiyaga olish Bola vasiylik va homiylik organi himoyasiga birinchi bor tushgan vaqtida, ehtimol, orttirilgan stress (ruhiy zo‘riqish) holatida yashayotgan bo‘lishi mumkin. Shuning uchun ham unga yordam ko‘rsatish bo‘yicha barcha harakatlar boshidanoq yaxshi rejalashtirilgan va uyg‘unlash- tirilgan bo‘lishi muhim. Har bir bola individual tarixga, hayot mazmuni va ijtimoiy sharoitga ega, hech bir bolaning ijtimoiy vaziyati boshqa bolaning vaziyatini takrorlamaydi. Shuning uchun ham har bir bolaga va uning hal etilishi lozim bo‘lgan muammolariga alohida yondoshuv zarur. Balki bola: - yolg‘iz qolishni; - siz bilan yakka suhbatlashishni; - yana kim bilandir suhbatlashishni; - tutingan ota - onaning qondosh farzandlari bilan suhbatlashishni istashi mumkindir. Ko‘pgina hollarda bola o‘zini qo‘pol va jahldorlik bilan tutishi yoki aksincha barcha talab va savollaringizga indamasdan, javob qaytarmasdan turishi va xatto ovqat ham yemasligi mumkin. Bolaning dastlabki kunlardagi xulqi qanday bo‘lmasin, uni o‘z holiga qo‘ying, Shu bilan birga, yonida bo‘ling. Ziyrak, diqqat - e’tiborli bo‘ling va har qanday vaqtda yordamga tayyor turing. Bunda sizga o‘z farzandlaringiz va boshqa tutingan tarbiyalanuvchilar yordam berishlari mumkin. Qaramog‘iga olish - o‘z mazmuni bo‘yicha vasiylikka yaqin tushunchadir, qaramog‘iga olish – bu balog‘atga yetmagan bolalar shaxsiy va mol - mulkka himoya qilish shakli (va boshqa kategoriyali odamlarning ham), ya’ni qaramog‘iga olish deganda vasiylikdan farqli ravishda unga ancha keng kategoriyadagi bolalar kiradi. Hozirgi kunda kundalik nutqda va nazariy tadqiqotlarda ikki tushuncha keng qo‘llaniladi: yetim (hech kimi yo‘qlik) va ijtimoiy yetim (ijtimoiy hech kimi yo‘qlik). 86 Yetim bolalar - bu 18 yoshgacha bo‘lgan ikkala ota - onalari yoki birortasi vafot etgan shaxslardir. Ijtimoiy yyetim - bu biologik otaonalari bor bola, lekin ular qandaydir sabablarga ko‘ra bola tarbiyasi bilan Shug‘ullanmaydilar va unga g‘amxo‘rlik ko‘rsatmaydilar. Ota - onalari qarovisiz qolgan bolalar kategoriyalariga quyidagilari kiradilar: Ota - onalari vafot etgan. Ota - onalik huquqidan mahrum etilgan. Ota - onalik huquqlari cheklangan; Noma’lum, daraksiz, yo‘q hisoblangan. Ishga yaroqsiz (nosog‘lom, ish qobiliyati cheklangan); Jazoni ijro etish kolonniyalarida jazo olayotgan. Jinoyat qilganlikda ayblanadi va qamoqqa olingan. Bolalarni tarbiyalashdan bosh tortadi. Bola vaqtincha joylashtirilgan davolash, ijtimoiy tashkilotlardan bolani olib ketishdan bosh tortadilar. Vasiylik va qaramog‘iga olish - yetim - bolalarni va ota - onasi qarovisiz qolgan bolalarni boqish, tarbiyalash, ta’lim berish vaularning huquq va qiziqishlarini himoy qilish uchun joylashtirish shaklidir. Vasiylik 14 yoshga yetmagan bolalar ustidan o‘rnatiladi, qaramog‘iga olish 14 yoshdan 18 yoshgacha bolalar ustidan ‘rnatiladi. Yetimlik - jamiyat oldida turgan juda jiddiy muammolardan biridir. Ota - onasini yo‘qotgan bola - bu alohida juda ham fojiali dunyodir. Ota va onali bo‘lish talabi ehtiyoji bolaning eng kuchli talablaridan biridir. Asrab olish quyidagi yo‘llar bilan amalga oshiriladi: asrab olgan oila, vasiylik qiluvchi oila, bolalikka olgan oila. Yetim - bolalarga vasiylik qilish ikki yo‘l bilan amalga oshirilishi mumkin - asrab olish yoki davlat qaramog‘iga olish bilan. Farzand qilib olish - bu bolani himoya qilish maxsus chorasi, bunda bola va uning haqiqiy ota - onasi bo‘lmagan odam yoki er - xotin o‘rtasida qarindoshlik aloqalari yuridik o‘rnatiladi. Bolaning tarbiyalanishi va rivojlanishi uchun bolani farzand qilib olganida u aynan oilaga ega bo‘lishi, unga biror - bir o‘rnini bosuvchi yetimlikning uchta sabablari ota - onalar (ko‘pincha onalar) o‘zining balog‘atga yetmagan bolasidan o‘z ixtiyori bilan voz kechadi, Shu bilan birga bu ko‘pincha chaqaloqlik yoshida kuzatiladi: voz kechish, tashlab ketilgan chaqaloqlar. Bolaning qiziqishlarini himoya qilish maqsadida ota - onalik huquqidan mahrum etilganda bolani oiladan majburlab tortib olish. Bu holat asosan ichkilik 87 bozlikka berilgan, jamoatchilik, jamiyat qoidalariga zid ravishda hayot kechirayotgan, nosog‘lom ota - onalari bo‘lgan, notinch oilalarda yuz beradi. Ota - onalari vafot etganda. Bunga aholini shoshilinch ko‘chishga majbur etuvchi qandaydir tabiiy yoki ijtimoiy kataklizmlar (urush, yer qimirlashi va Shu kabilar) oqibatida yo‘qolib qolgan bolalarni ham kiritish mumkin. Har qanday jamiyat va davlatning asosiy vazifasi - bolaning oilada tarbiyalanish huquqini amalga oshirishdir. Bolaning bu huquqlari xalqaro hujjatlarda qayd etilgani kabi (BMTning bolaning huquqi haqidagi konventsiya va boshqalar), O‘zbekiston Respublikasi Qonun hujjatlarda qayd etilgan. Masalan, O‘zbekiston Respublikasi oila kodeksida eng ustun va mustaqil sifatida quyidagi bolaning huquqlari ko‘rsatiladi: oilada yashash va tarbiyalanish huquqi, ota - onalari va boshqa qarindoshlari bilan aloqa qilish huquqi, o‘zini himoya qilish huquqi, ismi, familiyasi, otasining ismiga huquqi. Davlat birinchi navbatda bolani oilada saqlab qolishga va uni davlat muassasalariga tarbiyalashga berishni oldini olishga bor kuchi bilan intiladi. Agarda bolani oilada saqlab qolish mumkin bo‘lmasa uning uchun yangi oila izlash afzal deb hisoblanadi.emas, oilaga ega bo‘lishi muhim holat hisoblanadi. Bizning davrimizda ko‘plab hamyurtlarimiz mehribonlik ko‘rsatib ota - onasiz qolgan bolalarni oilalariga oladilar. Vasiyning vazifasi bolani tarbiyalash va rivojlantirish, uning huquqlarini himoya qilish hisoblanadi. Vasiy voyaga yetmagan bolada mavjud bo‘lgan molmulki va ko‘chmas mulkini saqlash va foydalanishini nazorat qilishni amalga oshiradi, lekin o‘zi bu mulkdan foydalanish huquqiga ega emas. Bola qilib olgan oila umuman olganda bolaning yangi yuridik va haqiqiy oilasi hisoblanadi, bu erda u o‘z bolasi huquqiga ega bo‘ladi. Bola uni oilasiga olgan ota - onalarining familiyasini olishi mumkin, hatto yangi ism ham. Farzand qilib olingan bolaning hamma huquq va majburiyatlari haqiqiy o‘z bolalari huquq va majburiyatlariga tenglashtiriladi. Asrab oluvchi oilaning yana bir turi - vaqtinchalik asrab olish oilasi. 88 Vaqtinchalik asrab oladigan oila bolalikni himoya qilish usuli sifatida bir qator rivojlangan mamlakatlarda juda ham keng tarqalgan hisoblanadi. O‘zbekistonda asrab oladigan oilalar hozircha keng tadbiq etish va tarqalishga ega emas. Agarda chet eltajribalariga murojaat etsak unda vaqtinchalik asrab oluvchi oilaning bir necha belgilarini ko‘rsatish mumkin: Ota - onalarda ma’lum professional malakalari bo‘lishi kerak; Oila kerakli professional - pedagogik tayyorgarlikka ega bo‘lishi kerak. Bunday oilaning xizmatlariga xizmat haqqi to‘lanadi. Bolaning oilada bo‘lishlari asrab olgan ota - onalarning ish staji sifatida hisobga olinadi. Asrab olgan ota - onalarning ish vaqtlari o‘z shaxsiy uylarida o‘tadi. Vaqtinchalik asrab olish oilasining faoliyati bolaning keyingi taqdiri hal etilgunga qadar bolaning oilada bo‘lishini ko‘zda tutadi: o‘z oilasiga qaytishi; bolalar uyiga jo‘natilishi, internat yoki boshqa muassasalarga yuborilishi. Asrab olgan oila bilan ijtimoiy - pedagogik faoliyat 1.Ijtimoiy - pedagogik faoliyat bosqichlari - Asrab oladigan oilani izlash - Bo‘lajak asrab oladigan ota - onalarni o‘rganish - Bola joylashtirilgan uassasalar va oialalarni borib ko‘rish (inqiroz oila, bolalar uyi va boshqalar) - Bo‘lajak oilani va uning yaqinlarini o‘rganish - Kiritish o‘qitishi, leksiya, hikoya, suhbat, videofilmlar - Bolani asrab oluvchi oilaga joylashtirish, asrab oluvchi ota - onalarni chuqur o‘qitish kursi Davlat vasiylik tashkilotlarida ijtimoiy - pedagogik faoliyat. Bolalar mehribonlik uylarining asosiy vazifalari quyidagilardan iborat: 1.Bolaning rivojlanishiga yordam beruvchi uy vaziyatiga yaqinlashtirilgan qulay, maishiy sharoitlarni yaratish. 2.Bolalar sog‘lig‘ini saqlashni ta’minlash. 3.Bolalaning ijtimoiy himoyasini, uning tibbiy - pedagogik va ijtimoiy moslashishini ta’minlash Tarbiyalanuvchilar huquqlari va manfaatlarini himoya qilish. Bolalar ta’lim dasturlarini olishlari, shaxs, jamiyat va davlat manfaatlarida munosib ta’lim olishlari. Tarbiyalanuvchilar umumiy madaniyatini, ularning hayotga moslashishlarini shakllantirish. 89 Tarbiyalanuvchilarda o‘zini rivojlantirishga va o‘zini anglashga talablarini yuzaga keltirish. Kasb - hunar ta’lim dasturlarini tushunib ongli ravishda tanlashi va keyinchalik o‘zlashtirishi uchun sharoitlar yaratish. Bolaga davlat homiyligini rasmiylashtirishdan avval tegishli tashkilotlar tomonidan qaror qabul qilingan va zaruriy majburiyatlar kelishilgan bo‘lishi kerak. Ko‘pgina hollarda bolaga vasiylik qilishdan maqsad uni tez orada o‘z qondosh oilasiga yoki vasiylikka olganning oilasiga qaytarishdan iboratdir. Vasiylik va homiylik organlari oilaga tarbiyaga berilgan bolaning tutingan oila va uning o‘z oilasi o‘rtasidagi aloqalarini rag‘batlantirib turishi kerak. Tutingan ota - onalar bolaning ota - onalari bilan hamkorlik munosabatlarini o‘rnatishlari va uni doimo qo‘llab - quvvatlashga intilishlari zarur. Agarda bola hatto sud qarori bo‘yicha o‘z oilasidan tortib olingan bo‘lsa, Shuningdek bolaning o‘z oila a’zolari bilan uchrashuvi sud qoidalari tomonidan ta’qiqlanmagan bo‘lsa, unga ota - onalari bilan aloqa o‘rnatib turish imkoniyatlarini taqdim etish zarur. Ba’zida bolaning qondosh ota - onasi bilan munosabatlarni mustahkamlashda uning akasi, opasi, qarindoshi yoki do‘sti vositachi rolini o‘ynashi mumkin. Birinchi uchrashuv to‘g‘risida kelishib olinayotganda qayerda uchrashish to‘g‘risida o‘ylab olish kerak. Bu kafe, saylgoh kabi “betaraf hudud” bo‘lishi yoki tutingan ota - ona bolaning roziligi bilan uning ota - onasini uyiga taklif etishi mumkin. Ko‘pchilik bolalar ota - onalarini sog‘inganlarini ochiq - oydin gapirmasalar ham aslida o‘z ota - onalari bilan ko‘rishishni istaydilar. Bolaning o‘z qondosh ota - onasi bilan aloqada bo‘lish istagini rag‘batlantirish uchun quyidagi amaliy qoidalarga rioya qilish mumkin: - aloqa o‘rnatishga shoshilmang: balki bola hali bunga tayyor emasdir. Avvaliga bola ota - onasi bilan Shunchaki telefonda gaplashishi mumkin; - ota - onalar bilan ularning farzandlari to‘g‘risida ijobiy mazmunda suhbatlashing; - ota - onalarga bola bilan uchrashishni maslahat bering; - ular bilan samimiy, ochiq bo‘ling, tushunarli va kerakli hamda ularning shaxsiyatiga tegmaydigan so‘zlarni topib gapiring; Tutingan oilalarga joylashtiriladigan bolalar uchun vasiylik va homiylik organlari iloji boricha •bir millatga mansub; 90 •bir dinga e’tiqod qiluvchi; •bir xil tilda so‘zlovchi; •bola ehtiyojlarini tuShunuvchi tutingan ota - onani topishlari kerak. Bolani oilaga qabul qilishdan avval tutingan ota - ona nimalar to‘g‘risida o‘ylab ko‘rishi kerak? •Tutingan ota - onaning uyi bola avval yashagan uydan ancha farq qilishi mumkin. Farq qilish belgilari quyidagilardan iborat bo‘lishi mumkin: • uy boshqa usulda va boshqacha vositalar bilan isitilishi; • karavotlar va o‘rin - ko‘rpa xolati boshqacha bo‘lishi; • bu xonadonda kiyimlarni tartib bilan taxlash yoki shkafga joylash qat’iy talab qilinishi; • uyda hamma oyog‘iga”shippak”lar kiyishi; • oilada taomlarning turi boshqacha; • oila a’zolari belgilangan vaqtda ovqatlanishga odatlanganligi; Kim tutingan ota - ona bo‘lishi mumkin? Har bir xohlovchi shaxs ham tutingan ota - ona bo‘la olmaydi. Har kim o‘z nomzodligini berishi mumkin, lekin keyinchalik nomzodlar puxta ko‘rikda saralab, tanlab olinadilar. Vasiylik va homiylik organlari bola uchun bola bilan bir millatga mansub, agarda bola dindor oilada tarbiyalangan b‘lsa, bir dinga mansub va bola ehtiyojlarini tushunadigan tutingan, ya’ni tutinogan ota - onani topishga harakat qiladilar. Bolani oilaga joylashtirish» nimani anglatadi? • “Oila” tushunchasi turli insonlar uchun turlicha mazmunga ega bo‘lishi mumkin. U quyidagilarni anglatishi mumkin: • er va xotin; • er, xotin va ularning farzandlari; • er, xotin va ularning ota-onalari yoki qarindoshlari; • nikohdan o‘tmagan sheriklar (fuqarolik nikohi); • yangi oila qurgan, lekin ilgari ajrashgan er-xotinlarning birida birinchi nikohidan farzandi Davlat vasiyligida bo‘lgan bolalarning qondosh ota – onalari. Keyingi paytlarda tutingan tarbiyaning roli o‘zgardi. Borgan sari tutingan ota - onalar ko‘proq bolaning haqiqiy ota - onalari bilan hamkorlik qilmoqdalar yoki hech bo‘lmaganda ular bilan aloqada bo‘lmoqdalar. Kiyim, soch turmagi, nutqi, xulqi, pul, ovqat, shirinliklar, parxez, televizor ko‘rish, uyqu vaqti muammolariga tegishli nizoli vaziyatlarni hal etish davomida barcha tashvishlar tutingan zimmasiga 91 yuklanishi holatlari uchrab turadi, chunki uning uyida va bolaning qondosh oilasida turli qoidalar qabul qilingan bo‘ladi. Bola ota - onasining uyidan jahli chiqib, g‘azablanib qaytishi mumkin. Balki u Shu yo‘l bilan o‘zining dovdirab qolganligi uchun alamini namoyon etayotgandir. Odatda, bolaning bunday xulqi uzoq davom etmaydi, ayniqsa, uni chalg‘itadigan biror qiziqarli holatlar bo‘lganda, bu holat tezda o‘tib ketadi. Bolaning qondosh ota - onasi bilan uchrashishidan avval ular bilan nima uchun uchrashishini, uchrashuv qayerda va qancha davom etishini tushuntirish maqsadga muvofiqdir. Agar siz bola oila a’zolarining tug‘ilgan kunlari va boshqa muhim sanalarni yodingizda tutsangiz yaxshi bo‘lar edi. Agar mumkin bo‘lsa, bolaning otasi yoki onasini uning tug‘ilgan kuniga mehmonga chaqiring yoki bola bilan birga uning qondosh oilasiga oilaviy bayramga boring. Bolaning qondosh oilasida amal qilinadigan bayramlar va odatlar sizga tanish bo‘lmasligi mumkin. Iloji boricha ularni bilib oling. Har qanday holatda ham tutingan ota - onalar bolaning qondosh ota - onalarini hurmat qilishi kerak, chunki bola keyinchalik ular bilan yashashga qaytishi ehtimoli katta bo‘ladi. Yetim bolalarga vasiylik qilish ikki yo‘l bilan amalga oshiriladi- bolalalikka olish yoki davlat qaramog‘iga topshirish. Davlat qaramog‘iga olishi - bolalikka olinmagan yetim - bolaga uni maxsus muassasalarga joylashtirish orqali tarbiyasi va rivojlanishi uchun sharoitlar yaratib berish. Bola vaqtinchalik qabul qiluvchi oila, bolalar va go‘daklar uyi, maktab-internetga joylashtirilishi mumkin. Qabul qiluvchi oila bilan ijtimoiy pedagogik faoliyat yuritish bolalikka olingan bola turli xildagi qabul qiluvchi oilalarga - bolalikka oluvchi oila yoki vasiyat oilaga borib qolishi mumkin. Ular o‘rtasidagi farq shuki birinchi holatda bolani qarindoshlari topib olishadi, ikkinchisida, oila vazifasini bolaga qarindoshlik aloqalari bo‘lmagan shaxslar bajaradi. Vasiy oila sud qarori asosida aniqlanadi. Vasiy vazifalariga bolani tarbiyalash va rivojlantirish, uni huquqlarini himoya qilish kiradi. Vasiy bola egaligida bo‘lgan ko‘char va ko‘chmas mulklardan foydalanish va ularni saqlab qolishni ta’minlaydi. Biroq o‘zi bu mulkdan foydalanish huquqiga ega emas. Bolalikka oluvchi oila bolaning yuridik jihatdan yangi oilasi hisoblanadi. Bola u oilaning familiyasini olishi mumkin. U oila unga boshqa ism ham berishi mumkin. Bolalikka olingan bolaning barcha 92 huquq va majburiyatlari o‘z bolalarining huquq va majburiyatlariga tenglashtiriladi. Bolalikka olish bir nechta bosqichda o‘tishi mumkin: avval bolaga shu mintaqada yangi ota - ona topishga harakat qilishadi, agar buning imkoni topilmasa unda bolalikka oluvchilarni davlatdan tashqarida qidirishadi. Bolalikka oluvchi oilaning yana bir turi mavjud: Yüklə 1,47 Mb. Dostları ilə paylaş:
|