374
kəsikli kanaldan dar kəsikli kanala keçdikdə meniskin əyrilik
radiuslarının müxtəlifliyindən aşağıdakı qiymətdə əks təzyiq yaranır:
.
Təbii şəraitdə neft-su qarışığının hərəkət zonasının ölçüsü yüz
metrlərə çatır. Belə olan halda Jamen effektinə gğrə layda mayenin
hərəkəti bəlkə də mümkün olmazdı. Deməli, fərz etmək olar ki,
maye, qaz və süxurların elastik xüsusiyyətlərinə görə təbii laylarda
Jamen effektinin təsiri xeyli dərəcədə azalır.
Hidrofob məsaməli mühitdə kapillyar qüvvələr sıxışdırma
prosesinə mənfi təsir göstərdiyindən neftvermə əmsalı azalır. Belə
hallarda neftin onunla kiçik səthi gərilmə yaradan su ilə yüksək
qradiyentlə sıxışdırılması yaxşı nəticə verir.
Aparılan çoxlu miqdarda tədqiqat işləri göstərmişdir ki,
hidrofil mühitdə kapillyar təzyiqin yaranması müəyyən şəraitdə
neftin su ilə sıxışdırılma prosesinə müsbət təsir göstərir. Əgər lay
bircinslidirsə, onda kapillyar hopma nəticəsində layın susuz
dövründəki neftvermə qabiliyyəti artır; hətta yataq bir neçə müxtəlif
keçiricilikli laylardan ibarət olarsa, kapillyar hopmanın hesabına
kiçik keçiricilikli laydan da neftin sıxışdırılması başa çatdırılır. Belə
yataqlarda sıxışdırma prosesinin hansı təzyiqlər fərqi altında
aparılmasının böyük əhəmiyyəti vardır (V.16 şəklində 1, 2 - uyğun
olaraq kiçik və yüksək keçirici qatlar; 3 - neftli hissəyə kapillyar
hopan su hissəsidir).
Şəkil V.16
375
Mədən və laboratoriya tədqiqatları nəticəsində kapillyar effekti
hesabına çatlı-məsaməli mühitlərdə neftvermənin xeyli artması
müəyyən edilmişdir.
Çatlı-məsaməli mühitdə kapillyar hopma iki istiqamətdə
(hərəkət istiqamətində və onun əks istiqamətində) gedir. Təcrübə
nəticəsində müəyyən edilmişdir ki, laya hopan su, məsaməli
mühitdən neft ehtiyatının xeyli hissəsini sıxışdırır. Çatlar su ilə
dolub, məsaməli süxurları tam əhatə etdikdə neft əsas etibarilə
hərəkətin əksinə gedən kapillyar hopma hesabına çıxarılır. Bu cür
şəraitdə neftvermə əmsalı, sıxışdırmanın təzyiqlər fərqindən, suyun
xassəsindən və süxurun fiziki-kimyəvi xassələrindən asılıdır.
Təcrübə nəticəsində müəyyən edilmişdir ki, məsaməli süxurda gilli
hissəciklərin 5%-ə qədər artması, kapillyar hopmanın hesabına
alınan nefti çoxaldır. Belə halda neftvermə, suyun fiziki-kimyəvi
xassələrindən də çox asılıdır. Neftlə kiçik səthi gərilməyə malik
qələvili su ilə təmasda olan laylarda (kapillyar hopma zəif olduqda
belə) neftvermə əmsalı yüksək olur. Qeyri-bircinsli laylarda kapil-
lyar hopma nəticəsində sıxışdırma prosesi ən əvvəl kiçik məsaməli
mühitlərdə baş verir və bunun nəticəsində də neft sahəsi su zonaları
ilə ayrı-ayrı hissələrə parçalanır; beləliklə, neftin su ilə sıxışdırılma
məsaməli xeyli çətinləşir və belə layın neftvermə əmsalı kiçik olur.
Yuxarıda qeyd olunanlara əsasən aşağıdakı nəticəyə gəlmək
olar ki, neft və suyun birgə hərəkətində sıxışdırmanın effektlivliyinin
artması üçün kapillyar qüvvələri çoxaltmaq və ya azaltmaq
məsələsinin yeganə həlli yoxdur. Çatlı-məsaməli laylara isə yüksək
hopma qabiliyyətinə malik su vurulduqda kapillyar qüvvələr neft-
verməni artırır.
Qeyd etmək lazımdır ki, neftin və suyun özlülükləri artdıqca
çatlı-məsaməli mühitdə kapillyar qüvvələrin müsbət cəhəti azalır,
dayanıqsız sıxışdırma halı yaranır.
Yatağın neftvermə əmsalına onun məsaməli mühitində
yerləşən neft, sərbəst qaz və suyun miqdarının da təsiri var. Yatağın
su, neft və qaz ilə doyma dərəcəsindən asılı olaraq istər sərbəst neft,
qaz və suyun, istərsə də neft-qaz, neft-qaz-su və neft-su
376
qarışıqlarının faza keçiriciliyinin qiymətləri dəyişir. Hesablamalar və
laboratoriya işləri ilə sübut olunmuşdur ki, bircinsli qum
dənəciklərindən təşkil olunmuş layda həll olmuş qaz rejimində 30%
əlaqəli suyun olması, neftverməni 1,7% artırır.
Əgər yataqda, neft su ilə sıxışdırılmazdan qabaq, istismar həll
olmuş qaz rejimində aparılmışsa, onda təzyiqin düşməsi nəticəsində
sərbəst qazla doyma halı yaranacaqdır. Bu dövrdə neftin su ilə
sıxışdırılması prosesinin effektivliyi və nəhayət, layın neftvermə
əmsalı həmin sərbəst qazla doyma əmsalından asılı olacaqdır.
Bu vəziyyətdə neftin su ilə sıxışdırılmasında su-neft
kontaktında neftlə doyması çox olan (neft valı) zona yaranır. Yatağın
bu hissəsində yerləşən sərbəst qazın bir hissəsi neft ilə sıxışdırılacaq,
qalan hissəsi isə neft ilə tutulub saxlanacaqdır; qalıq neftin hərəkəti,
tutulub saxlanmış qazın təzyiqini artıracaqdır. Təzyiqin artması, su
xəttinin qazlı hissəyə çatan anınadək davam edəcəkdir. Təzyiqin
artması ilə qazın sıxılıb, neftdə həll olması nəticəsində onun həcmi
azalır.
Şəkil V.17
V.17 şəklində müəyyən müddət həll olmuş qaz rejimində
işlənən yataqda neftin su ilə sıxışdırılması prosesində neft, su və
qazın layda paylanması göstərilmişdir.
V.18 şəklində hidrofil süxurlarda sərbəst qazla doymadan asılı
olaraq qalıq neftin azalması əyrisi göstərilmişdir. Şəkildən göründü-
yü kimi, hidrofil tipli yataqlarda su ilə sıxışdırma prosesinin əvvə-
lində sərbəst qazən olması neftvermə əmsalını artırır. Hidrofob tipli
377
yataqlar üçün isə belə qanunauyğunluq müşahidə edilməmişdir.
Şəkildə 1- 2, 3 isə süxura bir və üç məsamə həcmi qədər su vurulan
hallara uyğundur.
Şəkil V.18
Neft və qaz yataqlarının istismarında lay sistemində bəzi
hidrodinamik və termodinamik dəyişikliklər baş verir. Belə dəyişik-
liklər nəticəsində bəzi mürəkkəb kütlə ötürmə hadisələri müşahidə
edilir. Quyudibinə axımda neftdən qazın ayrılması, sərbəst qazla
əlaqəli su arasındakı kütlə ötürməsi, layı təşkil edən mineral
hissəciklərlə laya vurulan su arasındakı kimyəvi reaksiyalar nəti-
cəsində müəyyən çöküntülərin yaranması, hərəkət zamanı quyudibi
zonada neftdən parafin, qatran və s. ağır elementlərin çökməsi
(kolmatasiya), ayrılması (suffoziya) və s. layın enerjisindən səmərəli
istifadə edilməsinə, yatağın işlənmə rejiminə və ən nəhayət,
neftvermə əmsalına təsir göstərir.
Dostları ilə paylaş: |