şeydən çox ziddir. Digər hallarda buna başqa cür əhəmiyyət
verirlər; məsələn, şeyə daha çox xas olan nədirsə, o, ortaya
daha çox ziddir. Misal üçün, pozğunluq bizə intizamlı olmaqdan
daha çox xasdır. Biz daha çox məxsus olduğumuz tərəfə meyl
edirik və nəyə ki, biz daha çox meyl edirik, o [orta ilə] daha çox
ziddiyyət təşkil edir; amma biz alicənablıqdan çox pozğunluqda
müvəffəqiyyət qazanırıq. Deməli, artıq [bu halda] ortaya daha
çox ziddir, axı pozğunluq tədbirlilik baxımından artıqdır.
Beləliklə, biz məziyyətin nədən ibarət olduğunu müzakirə
etdik. O, görünür ki, bir-birinə zidd olan ehtirasların arasındakı
ortadır. Öz xasiyyətinə (ethos) görə hörmətə minmək istəyən
adam, məqsədli surətdə, hislərin hər cür artıb-əksilməsi zamanı
ortanı gözləməlidir. Buna görə də ləyaqətli adam olmaq asan
deyil, axı hər bir işdə ortanı tutmaq çətindir. Məsələn, hər kəs
dairə çəkə bilər, lakin ondakı ortanı müəyyənləşdirmək asan
deyil; bunun kimi, acıqlanmaq da asandır, buna əks olan vəziy-
yətə düşmək də, lakin özünü ortada saxlamaq - çətindir. Ümu-
miyyətlə, hislərin artıb-əksilməsinin hər birində müşahidə etmək
olar ki, ortadan uzaqlaşmaq asandır, ortada qalmaq isə, hansı
ki, buna görə bizi tərifləyirlər, çətindir. Buna görə məziyyətə az
təsadüf edilir.
Bir halda ki, məziyyət haqqında, bu surətlə danışdıq, indi
baxmaq lazımdır görək onu əldə etmək mümkündürmü,
yaxud, Sokrat dediyi kimi, yaxşı və ya pis olmaq bizdən asılı
deyil9 (eph‘ hemin). Heç kim, onun fikrincə, o, ədalətli olmaq
istəyərmi, yoxsa ədalətsiz sualına cavab verdikdə ədalətsizi
seçməz. Bunu cəsarət və qorxaqlıq haqqında da və hər hansı
bir məziyyət haqqında da demək olar, həm də əgər adamlar
pisdirsə, onda, görünür, onlar könüllü surətdə pis olmurlar;
burdan aydındır ki, yaxşıların da xeyirxahlığı, həmçinin könüllü
deyil. Həqiqətən, onda qanunverici nəyə görə pis hərəkətlər
326
etməyə icazə vermir, çox yaxşı və layiqli hərəkətləri isə
buyurur? Nəyə görə o, pis işlərdə, haçan ki, onları görürlər,
yaxşılarda isə - haçan ki, onları görmürlər cəza müəyyənləş-
dirir? İcrası bizdən asılı olmayan işləri qanuniləşdirmək
düzgün olmazdı. Yox, görünür ləyaqətli, yaxud pis adam
olmaq bizdən asılıdır. Tərifin və pisləmənin özü isə bunu sübut
edir. Doğrudan da, xeyirxahlığa görə tərifləyirlər, qüsurlu işə
görə pisləyirlər, ancaq ki, qeyri-iradi hərəkətə görə nə təriflə-
yirlər, nə də danlayırlar; deməli, ləyaqətli və ya ləyaqətsiz
hərəkət etmək bizim özümüzdən asılıdır. Hərəkətlərimizin
bizim özümüzdən asılı olmamasını sübut etməkdən ötrü belə
bir misala istinad edirdilər; nəyə görə, əgər biz xəstə və ya
gözəl deyiliksə, heç kəs buna görə bizi danlamır? Bu doğru
deyil; əgər biz görürüksə ki, öz xəstələnmələrində və bədən-
lərinin pis vəziyyətdə olmasında onların özləri günahkardır, biz
onları da danlayırıq. Biz burda da səbəbin könüllü olduğunu
görürük (to hekoysion). Beləliklə, aydındır ki, bizim xeyirxah,
yaxud pis olmağımız könüllüdür.
10.
Bunu aşağıda göstərilənlərdən daha aydın görmək
olar. Təbii nə varsa, özünə uyğun tərkib törətməyə qabildir; de-
yək ki, bitkilər və heyvanlar - bunlar da, o birilər də deyilən
tərzdə törətməyə qabildir. Onlar əsasdan (archön) törəyir;
ağac, məsələn, toxumdan əmələ gəlir, toxumsa əsasın özüdür
ki, var. Əsasdan əmələ gələn özünü bu surətlə aparır: əsas
necədirsə, əsasdan əmələ gələn də elədir. Hər şeydən çox bu
həndəsədə aydın görünür. Bir halda ki, burda da bəzi əsaslar
götürülür, bu əsaslar necədirsə, onlardan alınanlar da bundan
asılıdır. Məsələn, əgər üçbucağın bucaqları iki düz bucağın cə-
minə bərabərdirsə, onda dördbucaq - dörd düz bucağın cə-
minə bərabərdir və əgər üçbucaq dəyişilirsə, onunla bərabər
327
dördbucaq da dəyişilir, ona görə ki, o [üçbucağa] uyğundur;
əksinə, əgər ki, dördbucağın bucaqları dörd düz bucağa bəra-
bər olmasaydı, onda üçbucaqda da bunlar iki düz bucağa bəra-
bər olmazdı.
11.
İnsanla da - belə və bunun kimidir. Bir halda ki, insan
məlum əsaslardan bu və ya digər tərkibləri (oysias) törət-məyə
qabildir, demək, onun etdiyi hərəkətlər də (praxeön) bəzi
əsaslardan törəyir. Onları ayrı daha nə doğura bilər? İnsandan
başqa nə cansız, nə də canlı varlıqlar haqqında biz demirik ki,
onlar fəaliyyət (prattein) göstərir, biz ancaq insan haqqında
belə [danışırıq]. Aydındır ki, insan - hərəkətin doğurduğu güc-
dür. Bir halda ki, hərəkətlər, biz gördüyümüz kimi, dəyişilir və
biz heç vaxt eyni bir şeyi etmirik, həm də fəaliyyət müəyyən
əsaslardan əmələ gəlir, onda aydındır ki, biz artıq yuxarıda hən-
dəsənin timsalında dediyimiz kimi hərəkətin dəyişilməsi zamanı
onlann əsaslan dəyişilir. Həm yaxşı, həm də pis hərəkətin əsası -
niyyət, iradə və s.-dir; görünür, bu surətlə onlar da dəyişilir. Biz
öz hərəkətimizi könüllü surətdə dəyişdiririk, belə ki, əsas da,
yəni niyyət və iradə, könüllü surətdə dəyişilir. Burdan aydındır
ki, yaxşı, yaxud pis olmaq bizdən asılıdır.
Ola bilər, kimsə desin: əgər ədalətli və xeyirxah olmaq
məndən asılıdırsa, onda bunu mənə ancaq istəmək lazımdır və
mən hamıdan xeyirxah olacağam. Lakin bu, əlbəttə, mümkün
deyil. Nəyə görə? Ona görə ki, bu bədənə aid olan şeylərdə də
mümkün deyil: öz bədəninə qulluq göstərməyə başlayan adam-
ların hər birinin bədəni mütləq ən yaxşı olmayacaq. Təkcə qul-
luq deyil, həm də o lazımdır ki, bədən anadangəlmə biçimli və
sağlam olsun (kalon k'agathon). Qulluq bədəni yaxşı edir,
lakin ən yaxşı yox. Bunu qəlbə münasibətdə də nəzərə almaq
lazımdır. Ən xeyirxah olmağa cəhd göstərən adam da, əgər
328
onun xasiyyəti buna uyğun gəlmirsə, belə ola bilməyəcək, lakin
daha dəyərli adam olacaq.
12.
İndi ki, xeyirxah olmağın bizdən asılı olması aydındır,
mütləq xeyirxah hərəkətin (to hekoysion) nə olduğu haqqında
danışmaq lazımdır. Bu - könüllülük - xeyirxahlıq üçün həlledici
əhəmiyyətə malikdir. O iş sözün həqiqi mənasında könüllü olur
ki, biz bunu məcburiyyət olmadan edirik. Bu barədə, amma
aydın danışmaq lazımdır. Bu və ya digər hərəkəti nəyin ucba-
tından ediriksə, o, cəhddir (orexis), cəhd isə üç səpgidə olur:
coşğun həvəs (erithymia), meyl (thymos), istək (boylesis).
Əvvəlcə coşğun həvəsə görə edilmiş hərəkəti müzakirə edək.
Bu könüllüdürmü? O, könüllü işə bənzəmir. Nəyə görə və hansı
əsasla? Ona görə ki, istəmədiyimiz hərəkətləri biz məcbu-riyyət
qarşısında edirik, məcburiyyət qarşısında görülən bütün işlər isə
məyusluqla nəticələnir, halbuki coşğun həvəslə edilən işlər
həzzə səbəb olur. Belə çıxır ki, deməli, coşğun həvəslə edilən
işlər könülsüz ola bilməz, ancaq könüllü olmalıdır. Bununla belə
bunun əksini göstərən əsas var - bu pozğunluqdur. Doğrudan
da, heç kəs, hesab edildiyi kimi, öz xoşu ilə pis iş görmür, əgər
bilirsə ki, bu iş pisdir; pozğun adam isə, fərqi yoxdur, bilsə də
bu pisdir, bu işi görür, həm də bunu həvəslə edir. Deməli o,
istəmədən, nəticə etibari ilə məcburiyyət qarşısında hərəkət
edir. Buna qarşı da bir əsas var: bir halda ki, hər coşğun həvəs
həzlə əlaqədardır, həzz olan yerdə isə məcburiyyət yoxdur,
istəkdən irəli gələn iş məcburiyyət qarşısında edilmir.
Daha bir vasitə ilə göstərmək olar ki, pozğun adam kö-
nüllü surətdə hərəkət edir: haqsızlar (adikoyntes) öz yalançılıq-
larını könüllü edirlər, pozğunlar lap haqsızdır, yalançılıqlarını da
edirlər, belə ki, pozğun öz pozğunluğu ilə könüllü surətdə
hərəkət edir.
329
Dostları ilə paylaş: |