Magistrantların XV Respublika Elmi konfransı, 14-15 may 2015-ci il
231
Şagirdlər əvvəllər qavradıqları biliyi yenidən mənimsəyərkən idrakı fəaliyyət göstərirlər. Bu növ
idraki fəaliyyətə reproduktiv-yaradıcılıq fəaliyyəti deyilir.
BĠOLOGĠYANIN TƏDRĠSĠ METODĠKASININ BAġQA ELMLƏRLƏ ƏLAQƏSĠ
Cəfərova A.A.
Sumqayıt Dövlət Universiteti
Məktəbdə bioloji kursların tədrisi bioloji elmlər sahəsində yaxşı erudisiyaya malik olmağı, həm
praktiki, həm də nəzəri cəhətdən təbiət hadisələrini düzgün, elmi cəhətdən izah edə bilməyi
müəllimlərdən tələb edir. Bu isə məktəb fənnlərinin eyni olmasına əsas verir. Bioloji elmlərin əsas
məzmunu və bioloji tədqiqatların elementar üsulları biologiyanın tədrisi metodikasının spesifikliyini
müəyyən edir və onu digər məktəb fənlərinin metodikasından fərqləndirir. Tədqiqatçılar belə hesab
edirlər ki, tədqiqat metodlarının ümumiləşdirilməsi məktəbdə canlı təbiətin öyrənilməsi zamanı
müşahidənin elementar tələbatını, tədqiqatın dəqiqliyini və nəticələrinin məntiqiliyini düzgün təmin
etməlidir. Müşahidə və eksperiment yolu ilə alınmış materialın ümumiləşdirilməsi, təhlili şagirdlərdə
elementar nəzəri düşüncə yaratmaq məntiqi öyrədir.
Bioloji fənlərin bir-biri ilə əlaqəsi baxımından dərsliklərin təhlilindən belə bir nəticəyə gəli
ki, mövcud dərsliklər arasında bir əlaqə var və həmin əlaqə didaktik prinsiplərə əsaslanan müəyyən
sistem və ardıcıllıca malikdir. Zoologiya fənnindən keçilən sistematik məktəb kursu aşağı
siniflərdə həyat bilgisi və botanikadan verilən biliklərə əsaslanır. Həmin biliklər zoologiyanın
tədrisində elmi mühakimələr, izahatlar, sübutlar, dəlillər və s. ilə genişləndirilir, həm də mürəkkəb
bir formada şagirdlərə aşılanır. Bu biliklər aşağı siniflərin həyat bilgisi materiallarına əsaslandıqda
daha yaxşı mənimsənilir. Tədris materialları şagirdin keçmiş biliklərinə söykənməlidir, lakin elə
informasiyaya malik olmalıdır ki, şagird onun vasitəsilə nəinki yeni olanı öyrənsin, həm də özünün
keçmiş biliklərini və təcrübəsini mənalandıra bilsin, məlum olanı yeni baxımdan öyrənsin. Ona
görə də orta məktəblərdə zoologiya fənninin tədrisində bu əlaqəyə lazımi diqqət yetirilməli, hər bir
bioloji hadisənin izahından əvvəl şagirdlərin bu haqda aşağı siniflərdə aldıqları və həmçinin həyati
müşahidələri əsasında əldə etdikləri biliklər onların yaddaşında bərpa olunmalı, müəyyən qədər
yeni biliklər verilməlidir ki, bu da şagirdlərin elmi dünyagörüşlərinin formalaşmasına kömək edir.
Zoologiyanın tədrisi zamanı nəinki bioloji fənlər arasında əlaqə yaradılmalı, həmçinin digər
fənlərlə də əlaqəli şəkildə tədris olunmalıdır. Şagirdlərin dünyagörüşünü hərtərəfli inkişaf
etdirmək, təlimin keyfiyyətini yüksəltmək üçün fənlərarası əlaqənin mühüm əhəmiyyəti vardır.
Digər fənlərdə olduğu kimi zoologiyada da proses və hadisələri kimya, fizika, riyaziyyat, coğrafiya
ilə əlaqəli tədris etdikdə şagirdlərin bilik və bacarıqları daha çox inkişaf edir. H.Hacıyevaya görə
zoologiya fənnindən mövzuları coğrafiya fənni ilə əlaqəli tədris etdikdə dərs şagirdlər üçün daha
maraqlı, aydın olur, onların elmi dünyagörüşləri genişlənir, daha doğrusu, dərsin məzmununun
şagirdlər tərəfindən şüurlu mənimsənilməsinə, onların dərin bilik və əməli bacarıq qazanmalarına
kömək edir.
Çətin mövzuların tədrisində müəllimin yeni təlim texnologiyalarından, xüsusilə fəal təlim
metodlarından, elekton dərslik materiallarından istifadə etməsi zəruridir. Eyni zamanda müəllim tədrisdə
mövzulararası, kurslararası və fənlərarası əlaqə yaradılmasına səy göstərməlidir.
MÜASĠR QĠYMƏTLƏNDĠRMƏNĠN ƏSASLARI
Rüstəmova Z.Q.
Sumqayıt Dövlət Universiteti
Müasir dövrümüzdə dünyada gedən siyasi, iqtisadi və sosial dəyişikliklər bilavasitə idarəetmənin
daha demokratik üsullarına keçilməsi, ölkədə açıq vətəndaş cəmiyyətinin qurulması, inkişaf etmiş
ölkələrlə səmərəli əməkdaşlığın təmin edilməsi, milli özünəqaydış hisslərinin aşılanması kimi konkret
məqsədlərin reallaşdırılmasını tələb edir.