Afaq şixli
Yüklə 0,85 Mb. Pdf görüntüsü
|
- Bu səhifədəki naviqasiya:
- _____________________ Səni düşünürəm... _____________________ 30
- _________________________ Afaq Şıxlı _________________________ 31 MƏNƏ “SEVGİLİM” DEMƏ!
- _____________________ Səni düşünürəm... _____________________ 32
- _________________________ Afaq Şıxlı _________________________ 33
- _____________________ Səni düşünürəm... _____________________ 34
_____________________ Səni düşünürəm... _____________________ ~ 30 ~ QOYMA GEDƏM! Mən gedirəm! Duyursanmı, görürsənmi? Mən gedirəm! Bu kədəri mənlə birgə bölürsənmi? Mən gedirəm..., amma necə - için-için ağlayaraq... Qüruruma arxalanıb hönkürtümü ürəyimdə saxlayaraq. Sevirsənsə durma belə, bu boşluqdan qopar məni. Tut əlimdən, özün ilə apar məni. Qoyma gedəm! Sənsə unut inadını! Sağalt, canım, bu sevginin sınıb düşmüş qanadını. Razı olma səfil kimi intəhasız nisgillərdə itəm, azam... Razı olma taleyimə həsrət yazam. Kəs qarşımı yenə, yenə! Sevinc dolu yeni günə biz birlikdə basaq qədəm. Saxla məni, qoyma gedəm! Qoyma gedəm! _________________________ Afaq Şıxlı _________________________ ~ 31 ~ MƏNƏ “SEVGİLİM” DEMƏ! Mənə “sevgilim” demə! Sadəcə sevgin olum. Kədərli anlarında sığınmaq istədiyin ocağın, evin olum. Dərdlərini anlayan, həm sevən, həm danlayan müdrik həmdəmin olum. Sevincin, qəmin olum. İstəsən, nur paylayan qızmar günəşin olum. Səni bəzən isidən, bəzən yaxıb-yandıran odun-atəşin olum. Yaşamağa səsləyən qaynar gənclik həvəsin, doğma, əziz nəfəsin, nəğməli səsin olum. Amma “sevgilim” demə! Demək, həyat beləymiş... Nə qəribə, nə müdhiş! Dayanmışam bir daha həyat astanasında, illər məni səsləyir. Səni isə, qarşıda hələ nələr gözləyir... Yanında olmasam da bütün olub-keçənlər səninlə olacaqdır. Söhbətlərim, sözlərim yadında qalacaqdır. Yaşa min bir həvəslə! Qəlbində məni çağır, qəlbində məni səslə! Heç darılma, qəm yemə! Amma, nə deyirsən de, hətta qəlbində belə, elə gizlində belə mənə “sevgilim” demə! Mənə “sevgilim” demə! _____________________ Səni düşünürəm... _____________________ ~ 32 ~ SƏDASI GƏLMƏYƏN NƏĞMƏYƏM DAHA... Mən sənin qəlbinin keçmiş nəvası, Susmuş dodaqların sönük avazı, Həyat kitabında köhnə bir yazı, Sədası gəlməyən nəğməyəm daha. Sevgimin sabaha yoxdur gümanı, Əriyib şam kimi, qalmayıb canı. Nə əhdi yada sal, nə də peymanı, Deyib unutduğun kəlməyəm daha. Əvvəldən günahdı, sevdik bilərək... Belədir, nəsihət dinləmir ürək. İndi xəyal kimi yox olam gərək, Bir də həyatına gəlməyəm daha. _________________________ Afaq Şıxlı _________________________ ~ 33 ~ SƏNİ DÜŞÜNÜRƏM... Səni çox sevirəm... Bunu bilirəm! Eşitmək istərəm hər an səsini. Hər gecə röyamda sənə gəlirəm, Açaraq xoşbəxtlik pəncərəsini. Yumuram gözümü - Sənsən, yenə sən... Xəyalda saçını tumarlayıram. Gecə də, gündüz də sən mənimləsən, Dilimdə adını təkrarlayıram. "Sevirəm" yazıram bir ağ kağıza, Qoymuram kədəri qəlbimi yenə. Soyuq qış günündə sarılıb yaza Səni düşünürəm mən dönə-dönə... _____________________ Səni düşünürəm... _____________________ ~ 34 ~ GÖZLƏRİNDƏN GÜL DAHA! Şair dostum Xəyal Rzaya Əziz dostum, dünya elə gözəldi! Bundan belə gözlərindən gül daha! Gəl, səbr eylə, bəlkə hər şey düzəldi... Bundan belə gözlərindən gül daha! Gün gələcək, bitəcəkdi qəm-kədər, Xoşbətliyin meyvəsini sən də dər. Ətrafa bax, sevənlərin nə qədər... Bundan belə gözlərindən gül daha! İstəyirəm səni bəxtiyar görüm! Dostunu şad, düşmənini xar görüm! Sağ yanında bir sevimli yar görüm! Bundan belə gözlərindən gül daha! Hər sabahın dünənindən xoş olsun! Səadəti çək başına - nuş olsun! Gözlərin də qoy sevincdən yaş olsun! Bundan belə gözlərindən gül daha! _________________________ Afaq Şıxlı _________________________ ~ 35 ~ ÇIXIN YADDAŞIMDAN, XATIRƏLƏRİM! Varlığınız yaman incidir məni, Çıxın yaddaşımdan, xatirələrim! Çəkilsin başımın dumanı, çəni, Çıxın yaddaşımdan, xatirələrim! Günəşli sabaha qalmayıb güman, Sevincim bir ovuc, qəmim bir ümman. Kəsməyin yolumu siz zaman-zaman, Çıxın yaddaşımdan, xatirələrim. O getdi... – bilmədim təbəssüm nədi, Yıxıldı qəlbimin sevgi məbədi. Siz də onun kimi gedin əbədi! Çıxın yaddaşımdan, xatirələrim! Hər gün ürəyimi basaraq közə, Çevirdim sizləri nəğməyə, sözə. Gəlmək istəmirəm daha üz-üzə. Çıxın yaddaşımdan, xatirələrim! Yüklə 0,85 Mb. Dostları ilə paylaş:
|