Aforizmlər: seçilmişlərdən seçilmişlər
470
Bilik iradənin quludur.
Əbu Turxan
Biliyin “iç üzü” biliklər
sisteminə daxil olanda məlum olur.
Əbu Turxan
Əgər biliklər qaydaya
salınmayıbsa, nə qədər çox bilsən, təfəkkür
o qədər zəif olacaqdır.
Spenser
Yeni bilik daxil olduğu
sistemdə təməl kimi qəbul olunmuş ənənəvi
biliklərlə dil tapa bilmirsə, sistem onu ya
kənarlaşdırır,ya da özü dağılır; ən məqbul
yol isə dili dəyişməkdir.
Tur Xander
Yaddaş da anbar kimidir;
qoyduğunu sonra tapmaq istəyirsənsə, gərək müəyyən
qayda əsasında qoyasan.
Əbu Turxan
Həqiqət və bilik
471
Hafizə iki cür olur:
hadisələrin ayrı-ayrılıqda yadda saxlanması
və ancaq qaydaların, ümumi prinsiplərin
yadda saxlanması. İkinci olanda
birinciyə ehtiyac qalmır.
Əbu Turxan
Bir neçə prinsipi bilmək
yüzlərlə faktı bilməməyi əvəz edə bilir.
Helvetsi
Bilik ancaq o zaman həqiqi
bilikdir ki, hafizə yox, düşüncə gücünə əldə edilmişdir.
L.N.Tolstoy
Adamlar öz ixtisaslarına aid
mövzuda ehtiyatla danışır. Bilmədikləri mövzularda
isə daha ürəkli olurlar və onlara elə gəlir ki,
bu – fəlsəfədir.
Əbu Turxan
Bildiyin şeydən qorxma, bilmədiklərindən qorx.
Əbu Turxan
Aforizmlər: seçilmişlərdən seçilmişlər
472
Başqasından alınan biliyin
ancaq özünü istifadə etmək olar; toxumluğa
yaramaz. Cücərə bilməsi üçün biliklər
hər dəfə yenidən kəşf olunmalıdır.
Əbu Turxan
Tələbəyə bilmədiklərinə görə yox,
bildiyini necə bildiyinə görə qiymət
vermək lazımdır.
Tur Xander
Bilik məqsəd deyil, alətdir.
L.N. Tolstoy
Bilik gücdür.
F.Bekon
Bilik alimlərin ümumi sərvətidir.
İbn Xəldun
Əsl bilik – bildiyin şeyi
bildiyini, bilmədiyin şeyi isə bilmədiyini bilməkdir.
Konfutsi
Həqiqət və bilik
473
Nə haqda isə heç nə bilməmək
qəbahət deyil, pis mənimsənilmiş bilik daha pisdir.
Platon
Hər şeyi bilmək istəyi
adamı bütün sahələrdə yarımçıq edər.
Demokrit
Yarımçıq bilinən hər nə ki var, bilgiyə əngəl olur.
Göte
Çox şey öyrənə bilməyin sirri
–
əvvəlcə az şey öyrənməkdən başlamaqdır.
Lokk
Hamı bilir ki, bu şey ola bilməz.
Amma bu şeyin ola bilmədiyini bilməyən bir nəfər tapılır
və həmin şeyi kəşf edir.
Eynşteyn
Biliksizlikdən utancaqlıq yaranır,
çoxbilmişlikdən – utanmazlıq.
Əbu Turxan
Aforizmlər: seçilmişlərdən seçilmişlər
474
Lazım olanı bilmək çox bilməkdən daha vacibdir.
Russo
Şeylərin faktiki necə olduğunu bilənlər
təcrübəli, şeylərin əslində necə olmalı olduğunu
bilənlər ağıllı, bu dəyişikliyi həyata keçirməyin
yollarını bilənlər isə müdrikdirlər.
Didro
Biliyə üç yol aparır:
ən asanı – təqlid, ən çətini – təcrübə,
ən şərəflisi – düşüncədir.
Konfutsi
Bir şeyi dərk etmək – sadəcə
onun özünü deyil, həm də bu şeydə təcəlli edən
Mütləqi görməkdir.
Mənsur Həllac
Cahilliyin üç növü var:
heç nə bilməmək, hamının bildiyi şeyi pis bilmək,
lazım olmayan şeyi bilmək.
Düklo
Dostları ilə paylaş: |