169
Heçnə etmək zorunda deyilsən. Heçnə etmədən bir ot kimi
də yaşaya bilərsən. Kimisə sənətçi ya biznesmen olmadığı ya
olmaq istəmədiyi üçün qınaya bilməzsən. Hər şey bir tərəfə,
yaşadığımız dünya dəyişir, yaşam forması dəyişir və o yaşam
forması insanları tənbəl ya narkotikə bağımlı edirsə insanları
yox rejimi sevməyə bilərsən. Hələ bu harasıdır? Qarşıdakı on
illiklərdə daha da iyrənəcəyin şeylər görəcəksən. Özünü ha-
zırla. Texnologiya insan həyatına hər gün daha da çox girir və
girəcək. Ya da bəlkə də biz vecsiz və tənbəllər qalib gələcəyik.
- Siz sadəcə yox olacaqsınız.
- Ay sağol. Təkamül bizi öldürəcək. Və indiki həyat forma-
sına uyğun olanlar həyatda qalacaq, müvəffəqiyyətpərəstlər,
ambisiyalılar, saxta gülüşçülər, optimistlər, göstəriş sevənlər
və başqaları. Hələlik isə ətrafında olub səni narahat etdiyim
üçün
üzr istəyirəm, yaxında ölərəm bəlkə.
- Mənim də səndən geri qalan tərəfim yoxdu əslində. Sadə-
cə optimist beynim pessimist beynimi aldatmağa çalışır deyə
dedim bütün o sözləri. Xətrinə dəydimsə bağışla.
- Xətrimə dəyməkmi? Mənim artıq bir xətrim yoxdu də-
yiləsi. Öldürmüşəm. Kaş ki bir xətrim olsaydı, biri xətrimə
dəysəydi. Hələ də içimdə yaşamı ciddiyə aldığıma dair bir
işarə olmuş olardı. Amma yoxdu. Heçnə vecimə deyil. Elə bil
ki dəri hissiyatını itirmisən və toxunduğun heçnəyi hiss edə
bilmirsən. Sanki sadəcə mənim olmayan bir bədənə girmişəm
içindəki iki deşikdən dünyaya baxıram.
- Məndə də elə olur. Təkrarlayan aralıqlarla gördüyüm bir
yuxu var. Hər dəfə görürəm ki hansısa başqa bir irq ya nəsə,
üstün irq ya yadplanetlilər bizi əsir götürüb. Böyük qaranlıq
bir otaq və qəfəslər var. Hər qəfəsdə lüt qadınlar oturub. Hər
səhər uşaq doğuram və gəlib götürüb aparırlar. Onları yeyir-
lər. Bəzən əllərindən düşənlər olur, təpikləyib bir kənara atır-
lar ya götürürlər. Ölmək üçün yavarıram hər dəfə. Otaqdakı
digər insanlar şüurlarını itiriblər məndən başqa. Onlar heyvan
kimi hərəkət edirlər və nə baş veridyindən xəbərsizdilər. Mən
isə ağlayıram bütün yuxu boyu. Üstəlik bizə öz uşaqlarımız-
170
dan hazırladıqları yeməyi verirlər. Hamı yeyir çünki bilmir-
lər, mənsə aclıqdan sürünürəm və onlar hər yemək gətirəndə
dəliyə dönürəm. İnsanların cücələrə toyuq yumurtası verərək
yemlədiklərini bilirsən də? Bax elə. Yuxudan oyanmaq üçün
can atıram ancaq oyana bilmirəm.
-Sanki bir toyuq bədəninə girmisən, şüurlusan və yumurta-
nı hər səhər götürüb aparırlar.
- Hə.
- O yuxudan sonra, həm də təkrarlayan yuxu, necə yeyirsən
bəs toyuqları? Çətin olur ya yadına düşmür heç?
- Yemirəm. Ət yeyə bilmirəm. İlk başlarda yeyirdim. Son-
ra qusmağa başladım. Hər gecə yatağa girməmişdən o yuxu-
nu görməmək üçün yalvarıram. Hər şey çox canlı gəlir. Və o
yuxuda zaman o qədər yavaşlayır ki, işgəncənin müddəti uza-
nır. Bəzən mənə elə gəlir ki etmiş olduğum abortun kabusudur
bu, hər gecə yuxuma girir.
- Abortmu? Və nə? Bəzənmi? Əgər elə bir şey olubsa əl-
bətdəki ona görə görürsən yəqin. Sənin adına üzüldüm. Ömrün
boyu yaxanı buraxmayacaq bir kabusun var artıq.
- Hə. Universitetdəki xoşbəxt vaxtlarım idi və hər gecə
başqa cür xoşbəxt keçirdi. Partnyorum da çox olurdu. Sərxoş
gecələr və səhərlər. Belə etinasızlıq heç vaxt göstərməzdim.
Ancaq bir gün necəsə oldu və hamilə olduğumu öyrəndim. İlk
başda dünyam başıma yıxılmışdı. Sonra alışdım kimi. Ancaq
sonra bu yuxu ki var, yaxamı buraxmır. Sırf yuxu görməmi
azaldır deyə hər gecə yatmamışdan marixuana çəkirəm. Əs-
lindəysə o qədər çəkmək istəmirəm. Tənbəlləşdirir. Əvvəllər
ayda bir çəkirdim. İndi
bu lənətə gələsi yuxu ki var, nə bilim.
- Başa düşürəm. Sənin adına üzüldüm. Yuxuların nə qədər
bərbad yer ola biləcəklərini bilirəm. Hiss edirəm ağrını. Həm
yaxşı ki abort etdirmisən, bu qədər gənc vaxtı sənə işkəngə
olardı uşaq. – deyib Mavi əlini qızın çiyninə qoydu.
- Yox, mən də sənin kimi ümimiyyətlə heç vaxt doğmağı
düşünmürəm. Düşünmürdüm də. Hətta həmişəlik qısırlaşdır-
ma əməliyyatını düşünürdüm.