176
dakı kök oğlana baxdı. Ümidsizcə başqalarını süzürdü və yenə
belə düşünürdü “Bircə daha az kilom olsaydı, bu bədbəxtlərin
hamısından daha xoşbəxt olardım. Onlar sadəcə necə xoşbəxt
olmaq lazım olduğunu bilmirlər. Mənim yerimdə olsalar nə
edərdilər. Bircə arıqlasaydım. Hər şey çox yaxşı olardı. Hər
şey başqa cür olardı. Hələ bu axmağa bax, dünyanın sirrini
bildiyini sanır.”-deyə qarşısındakı bir başqa gəncə baxırdı.
Onun yanındakı başqa bir qız əlindəki telefondan dostlarının
şəkillərinə baxır və kefi pozulurdu: “Mənim yarım qədər belə
gözəl olmayanlar məndən daha yaxşı yerlərdə işləyirlər mənsə
həyatımın ən gözəl çağında ofisiant işləyirəm, üstəlik bu qə-
dər gözəl ikən! lənət olsun!” Sonra səhər bir cavan müştəri-
nin ona dediyi sözü xatırladı qız: “Sizin kimi gözəl qızlar belə
yerlərdə işləməməlidirlər” deyib gülümsəmişdi oğlan. Qıza
iltifat etdiyini sanmışdı ancaq düşüncəsizcə qızın sinəsinə hər
gün xərçəng kimi daha da böyüyəcək bir yara yerləşdirmişdi.
Qız cinsinin ən yaxşı bacardığı şey olan o saxta gülüşü ataraq
təşəkkür etmiş və mətbəxə qayıdan kimi siqaret arasına çıxa-
raq taleyinə lənət oxumuşdu.
Etdiyi müşahidə ona Tolstoyun “bütün xoşbəxtlər eyni for-
mada xoşbəxt bədbəxtlər isə hərəsi ayrı formada bədbəxt olur”
cümləsini xatırlatdı. Yanında dayanan ehtiraslı və xoşbəxt gö-
rünümlü qıza baxdı, sonra digər tərəfdəki həyatında hər şeyin
qaydasında getdiyi bütün halından məlum olan oğlana baxdı,
olduqca rahat görünürdü. Dərin bir qısqanclıq hissiylə gözləri-
ni yayındırdı və onlar haqqında düşünmək istəmədiyinə qərar
verdi.
Yanda oturan qara dərili orta yaşlı bir qadın az yaşlı uşa-
ğın qolundan tutub onun üstünə qışqırır və çiyninə vururdu
uşağın. Uşaq bir şeylər istəyirdi mısmırığını sallayaraq. Qadın
onu vuraraq “Sənin hər istədiyini edə bilmərəm!
Bu qədər şey
edirəm sənin üçün hələ, minnətdar olmaq əvəzinə yenə istəyir-
sən! Mənə bilirsən nə qədər şey borclusan? Sənə görə həyatım
məhv oldu mənim! Lənətə gələsi şey! Doğmaz olaydım səni!”
Mavi ayağa durdu, gedib uşağı qucağına aldı. “Sənə heçkim