41
... Vəqt oldu həvəs etməyəsiz məktəbə, dərsə,
Tə'lirn alasız hər nə ki, aləmdə bitərsə.
Xeyri buraxıb, əxz edəsiz hər nə tərərsə,
Mail olasız hər işə kim, fitnəsə, şərsə,
Adət qılasız hərzvü-hədyaı, uşaqlar!
Siz neyləyəsiz məktəbi, mollanı, uşaqlar!
Şairin bu məzmunda, bu ruhda əsərləri bir silsilə təşkil edir.
Məktəb və maarifə çağırışla kifayətlənməyən Sabirin bu əsər-
lərində, eyni zamanda, ictimai-mədəni tərəqqi düşmənlərinə, hər
cür qaragüruha satira atəşi açması, əlbəttə, onun tutduğu tənqidi
ralist sənətin ideya-bədii proqramına müvafiq idi.
Sabirin öz əsərləri, müasirlərinin yazıları və əldə olan müxtəlif
tipli materiallar göstərir ki, xalq maarifinin inkişafı ilə bağlı bütün
ictimai tədbirlər şairi özünə cəlb etmiş, o, həmin işlərə əlindən
gələn hər hansı köməyi əsirgəməmişdir.
Azərbaycan müəllimlərinin 1906-cı ildə olan birinci qurulta-
yının qərarları ilə əlaqədar yeni tipli məktəblər üçün müasir tə-
ləblərə cavab verən proqram və dərsliklərin hazırlanmasına baş-
lanılmışdı. Sabir həmin tədbirlərdə yaxından iştirak edərək
1906-ci ildə çap olunan “Milli nəğmələr” məcmuəsinə “Məktəbə
tərğib”, “Birinci il” dərsliyinə isə “Uşaq və buz”, “Yaz günləri”
şe'rlərini verdi. Şairin “Ağacların bəhsi”, “Cütçü”, “Qarea və
tülkü” əsərləri sonrakı illərdə “İkinci il” (1908) və “Yeni məktəb”
(1909) dərsliklərində çap olundu. İdeya-bədii cəhətdən qüvvətli
olan bu şe'rlərin əsas məziyyətlərindən biri onun uşaq
psixologiyasına yaxınlığı, ilə bərabər, böyük məşğuliyyət, səriştə
və yüksək poetik iste'dadla yazılmasıdır. Təsadüfi deyil ki, həmin
əsərlər indi də dillər əzbəri olmaqla, məktəb dərsliklərində ən
parlaq səhifələri tutur.
Müasirləri F.Köçərli, M.Mahmudbəyov, A.Səhhət, A.Şaiq və b.
şairin uşaq əsərləri yazmaqda da böyük qabiliyyətə malik
42
olduğunu yüksək qiymətləndirir, öz işlərində tez-tez Sabirə mü-
raciət edirdilər. Bu cəhətdən M.Mahmudbəyovun əməyi xüsusi
qeyd edilməlidir.
A.Şaiqin də göstərdiyi kimi, Sabir və Səhhəti uşaq ədəbiyyatı
də maraqlandıran M.Mahmudbəyov olmuşdur. O, hər iki şairin
uşaqlar üçün yazdığı şe rləri öz dərsliklərində çap ediıdı. Bundan
başqa, biz yuxanda Mahmudbəyovla Sabirin “Rəhbər” jurnalında
necə yaxından əməkdaşlıq etdikləri haqda bəhs etmişik. Lakin
Sabirin, Səhhətin və başqa maarif və mədəniyyət xadimlərinin
göstərdikləri qabaqcıl xidmətlərin üzərində ictimai mühitdə baş
yerən yeniləşmə prosesinin möhürünü görməmək ədalətsizlik
olardı. Təsadüfi deyil ki, Azərbaycan müəllimlərinin birinci
qurultayına nisbətən ikinci qurultaya Sabirin münasibəti öz fəallığı
və dərin ictimai məzmunu ilə diqqəti cəlb edir. Birinci müəllimlər
qurultayı haqda Sabir yaradıcılığında şairin 1906-cı ildə yazdığı bir
xəbərlə rastlaşırıqsa, ikinci qurultaya hazırlıq, onun gedişi və
nəticələrinin Sabir tərəfindən daim ayıq bir şair-vətəndaş marağı
ilə izləndiyinin şahidi oluruq. O, müəllimlər qurultayına
münasibətini, qarşıda duran vəzifələr və çətinliklər barədə
fikirlərini qurultay ərəfəsində və günlərində qələmə alıb “Molla
Nəsrəddin” jurnalında çap etdirdiyi “Uçitellər” və “Müəllimlər
siyezdi” satiralarında göstərmişdir. Tərəqqi düşmənlərinin
qabaqcıl ictimai tədbirlərə mane olmaq cəhdlərini nəzərdə tutan
Sabir müəllimləri ayıq olmağa, keçonilki qurultayla əlaqədar
aldıqları dərslərdən nəticə çıxarmağa çağırırdı. O, II müəllimlər
qurultayının müzakirə edəcəyi məsələlərə də ayıq vətəndaş
mövqeyi ilə münasibətini bildirir, diqqəti qarşıda duran mühüm
aktual məsələlərə cəlb edirdi.
II müəllimlər qurultayı 1907-ci il avqustun 25-dən sentyabrın
5-dək keçirildi. Qurultaydan sonra Sabir “Zaman nə istəyir? Amma
biz...” məqaləsi ilə çıxış edərək Azərbaycan müəllimlərinin II
qurultayının zamanın yeniləşmə, maarif və mədəniyyə
43
tin, ümumən millətlərin inkişafı məsələləri baxımından tələbləri ilə
əlaqədar qarşıda duran vəzifələri, imkan və şəraiti ətraflı təhlil
etmiş, cəmiyyətin inkişafı üçün gəncliyin, xüsusən ziyalı gənclərin
öhdəsinə
məs'ul
vəzifələr
düşdüyünü
tutarlı dəlillərlə
əsaslandırmışdır. Bütün bunlar göstərir ki, birinci rus inqilabının
tə'siri ilə dünyagörüşündə ciddi dəyişikliklər əmələ gələn Sabir
“Molla Nəsıəddinin” başında durduğu Azərbaycan inqila-
bi-demokratik ideologiyaya yiyələnməklə bərabər, dövrün icti-
mai-siyasi və mə'nəvi hadisələrinə getdikcə daha artıq, daha
dərindən müdaxilə edir, onun sosial fəallığı durmadan artırdı. ***
Sabiri milli mətbuatın tərəqqisi məsələsi də çox narahat edirdi.
Çünki o. Xalqın tərəqqi tapması üçün mətbuat orqanının böyük
əhəmiyyət daşımasını başa düşür, mətbuatı xalqın görən gözü,
eşidən qulağı, “ruhi-mə'nəvisi” adlandırırdı. Ona görə də 1906-cı il
sentyabrın 3-dən sonra “Həyat” qəzetinin bağlanması Sabirə
dərindən tə'sir etmiş və həmin ayın 26-da o, “İrşad” qəzetində
“Mətbuat” adlı məqalə ilə çıxış etmişdir. Şair məqalədə göstərirdi
ki, hər bir millətin mədəni inkişafı onun mətbuatının səviyyəsi ilə
ölçülür. O, xalqın siyasi-mə'nəvi və milli şüurunun oyanmasında
mətbuatın rolunu əsaslandırdıqdan sonra ruhanilərin, varlıların və
bə'zi ziyalıların milli qeyrət hissindən məhrum olduqlarını
göstərərək onları qonşu millətlərdən nümunə götürməyə çağırırdı.
Sabirin vətənpərvərliyi dərin vətəndaşlıq hissi ilə aşılıması
aşağıdakı sözlərdən də görünür:
“Bu ar bizə yetməzmi ki, bir milyondan əskik qonşumuz sək-
kiz-on qəzet, jurnal saxlamağı bacara bilsinlər, yeddi milyona qədər
biz himmətsiz Qafqaz müsəlmanları bildir iki ruznaməyə malik
olduğumuzda, bu il üç edə bilmədiyimiz bəs deyil, birin də itirib
oturduq”.
O, millət nümayəndələrini, xalqı ayıq olmağa səsləyərək xə-
Dostları ilə paylaş: |