50
zümə gülürsən, ay qare? Həqiqəti bilsən ağlarsan. Sənə bir nümunə
göstərim, bax”.
Sonra müəllif göstərir ki. bütün “qaragüruhçular hər bir tərəqqi,
oyanış və tərpənişin səbəbini qəzetlərdə görür, ona görə də
“qəzetlərin, ədiblərin məhv olmağın istəyir”lər. Mətbuatın
qarşısında duran ictimai borc, bu borcu yerinə yetirməyin çətin və
şərəfli olması haqdakı fikrini tutarlı dəlillərlə söylədikdən sonra
Sabir üzünü yenidən oxucuya tutub deyir:
“İndi, ey möhtərəm qare, qaraüzlülərin qəzetlərdən şikayət
etməsi mühüm məsələ deyil də nədir?.. İndi bilirəm dayi gülmürsən.
Ümidsiz bir halda, boynun çiynində durmusan, dərin- dərin fikirlərə,
qaranlıq xəyalata qərq olmusan...
Alt, Şirvan əhlinin vicdanı tək viranəzar olmuş vətən!
Ruhsuz şirvaniyanə san məzar olmuş vətən!..’’
“Molla Nəsrəddin” jurnalı nəşrini davam etdirməyə başlayanda
Sabir orada qələm və məslək dostu Ö.F.Nemanzadənin həbs
olunması ilə əlaqədar yazdığı “Soldumu gülzarın, ey Faiqi Ne'man
pəsər”
1
satirasını çap etdirdi. Satirada Ö.F.Ne'manzadə zahirən
haqsızlıqda günahlandırılsa da, tamamilə aydındır ki. Sabir öz
məsləkdaşının tərəfində duraraq onun acınacaqlı vəziyyətinə səbəb
olan ədalətsiz dövranı ifşa edir.
Yeri gəlmişkən Sabirin “Bəhlul” jurnalı ilə əməkdaşlığının tarixi
və xarakteri haqqında deməliyik ki, xalq şairi bu jurnalın redaktoru
Ələsgər Əliyevin onu jumalda əməkdaşlığa də vət edən məktuba
1907-ci il mayın 27-də cavab göndərərək imzasının gizli saxlanması
şərtilə jurnalla əməkdaşlıq etməyə razılıq vermişdi.
2
Sabirin
“Bəhlul” jurnalı ilə əməkdaşlıq etməsi təbii
1. “Molla Nəsrəddin” jurn., 20 oktyabr 1997, N39.
2.Bax: Alxan Məmmədov. Bir məktub haqqında. “Azərbaycan jurn.. 1984,
N7, səh.171-172.
51
dir. Çünki bu jurnal öz işində “Molla Nəsrəddin” ən'ənələrinin
davamçısı kimi çıxış edirdi.
Xalq şairinin burada iştirakı həm də hər iki jurnal arasında
ideya-bədii əlaqələrin güclənməsinə səbəb olmuşdur. Onun
“Bəhlur'da çıxan ilk əsəri “Təraneyi-əsilanə” (N5) satirasıdır.
Satirada Sabir fəhlə sinfinin oyanıb öz hüququ üstə “iddia” ilə çıxış
etməsini razılıqla qələmə almaqla, istismarçı, tüfeyli zümrələri
kəskin ifşa etmişdir. Zəhmətkeşlərə aşağı nəzərlə baxan
istismarçıların fəhlə hərəkatı qarşısında dəhşətə gəlmələri onların
nitqlərindən, danışıq tərzlərindən aydın duyulmaqdadır. Bununla
belə, öz sinfi psixologiyasından əl çəkə bilmədiyi üçündür ki, ictimai
tip fəhlə hərəkatına “narazılığını” bu cür bildirir:
Nə soxulmusan araya, a başı bəlalı fə'lə?!
Nə xaya ilə olubsan belə iddialı fə'lə?!
Azərbaycan ədəbiyyatında “Təraneyi-əsilanə” kimi inqilabı
məzmunlu satiranın “Bəhluf’da çap edilməsinin bir səbəbi jurnalın
Bakıda çıxması ilə bağlı idisə, digər tərəfdən burada fəhlə və kəndli
mövzusunda üstünlük verilməsidir. Həmin əsərin ictimai-bədii
kamilliyi isə Sabir realizminin get-gedə püxtələşdiyini,
ictimai-siyasi hadisələrə daha fəal müdaxilə etdiyini və şairin
dünyagörüşü, həyata baxışında ciddi irəliləyişlər baş verdiyini
göstərməkdədir.
Sabirin “Bəhlul” jurnalına yazdığı məktubun bir əhəmiyyəti
xalq şairinin həmin mətbuat orqanı ilə əlaqəsini göstərməkdədirsə,
digər tərəfdən onun məişəti haqqında məlumat verməsi və
əsərlərinin 1907-ci ildə daha çox imzasız çap olunmasının
səbəblərini izah etmək cəhətdən də qiymətlidir. Məktubdan mə'lum
olur kı. Sabir ailəsini dolandırmaq üçün bir dükan açıb kəsbkarlıqla
məşğuldur. Eyni zamanda “Molla Nəsrəddi'n jurnalındakı qiymətli
satiraları Sabirin yazması, qaraguruhçu .
52
mə'lum olduğu üçün onun maddi və mə’nəvi vəziyyəti ağırlaşmışdır.
Xalq şairi daim tə'qib və təhqir olunur. Ona görə əsərlərini imzasız
çap etdirmək məcrubiyyəti qarşısında qalmışdır. Lakin vəziyyətin
ağır olmasına baxmayaraq Sabir ictimai aləmdə daha fəal iştirak
etməyə çalışırdı. O, bir çox mətbuat orqanları kimi “Təzə həyat”
qəzetinin də Şamaxı üzrə xüsusi müxbiri idi. Təsadüfi deyil ki,
“Təzə həyat”ın redaksiya əməkdaşlarından olan Mahmud Nədim
Qaragözov 1907-ci ilin sonlarında həm qəzetə abunəçi toplamaq,
həm də yerlərdə maarif və mədəniyyətin vəziyyəti ilə tanış olmaq
üçün Azərbaycan rayonlarını gəzərkən dekabrın 15-də axşamüstü
Şamaxıya gələrək Sabirlə görüşmüş, sonra qiraətxanaya və başqa
mədəni-maarif obyektlərinə getmişdir. Qonaq həm şəhərin mədəni
səivyyəsindən narazı qalıb, həm də onun abunəçi toplamaq cəhdi
uğursuzluqla nəticələnsə də, Sabirin və digər şamaxılıların
qonaqpərvərliyindən razılıq hissi ilə danışmışdır.
1
Sabir mahir bir sənətkar olmaqla, ilk baxışda adi görünən hər
hansı əhvalatdakı ictimai məzmunu aydınlığı ilə gördüyü kimi
qabarıq şəkildə əks etdirir. O, Şamaxıda M.N.Qaragözovun başına
gələn əhvalatlarla əlaqədar qələmə aldığı “Töhmət edir qə-
zetçilər...”, “Sual-cavab”, “Bərəkallah’, “Daş qəlbli insanları
neylərdin, ilahi!” və s. satiralarında da məişət hadisələrindəki ictimai
məzmunu qabarıqlığı ilə üzə çıxarmış, dövrün ətalət və cəhalətini
satira atəşinə tutmuşdur. Əlbəttə, biz burada həmin satiraların sırf
avtobioqrafık əsər olması iddiasından uzağıq. Düzdür, o dövrkü
mətbuatda Şamaxı müsəlman məktəb və qiraətxanasının bərbadlığı,
onların ictimai-milli mənlik şüurunun aşağı olması haqda çoxlu
material var. Eyni zamanda həmin sa
1. Bax: Alxan Məmmədov. M.Ə.Sabirlə “Tazə həyal qəzeti əməkdaşının
görüşü. Azərbaycan SSR EA-nın mə ruzələri. XLI cild. Bakı, Elm, 1985, N7,
səh.70-73.
Dostları ilə paylaş: |