34
şahzadə Heydər həmin səhər ona, qoşunlara qapıları açmaq əmrini
verərsə, Kermanın idarəsini və qorçubaşı vəzifəsini təklif etmişdi.
Vəli bəy qapılara qədər getdikdən sonra şahzadənin yanına qayıtmış
və demişdi ki, «vicdansız» qorçular heç kimin nə saraya girməsinə,
nə saraydan çıxmasına razı deyillər.
II Şah İsmayıl 1576-cı ildə taxta əyləşəndən sonra avşarların
zəhmətini dəyərləndirdi. Vəli bəyə xan ünvanı verib, Kermana bəy-
lərbəyi yolladı. Onun əmisioğlu, Kerman hakimi Məhəmmədqulu
bəyə isə xan ünvanı verib, qorçubaşı təyin etdi.
Vəli xan 1578-ci ilin fevralın 13-də Şah Məhəmməd Xuda-
bəndənin fərmanı ilə Kerman əyalətinə yenidən bəylərbəyi təyin
edildi. O, Sultan Məhəmməd Xudabəndənin əmri ilə 1583-cü ildə
Abbas mirzəni dəstəkləyən Xorasan əmirlərinə qarşı savaş açdı. Üs-
yançılar Qulu bəy Avşarın sayəsində cəzalarına çatmadılar.
Vəli xan 1588-ci ilədək həmin əyalətə başçılıq etdi.
Vəli xan 1588-ci ildən 1589-cu ilədək qorçubaşı vəzifəsində
çalışmışdır.
Vəli xan Avşar 1589-cu ildə I Şah Abbasın göstərişi ilə Yusif
xanı vəzifəsindən kənarlaşdırıb, qorçubaşı İsmayıl xan Alplı-Av-
şarla birgə Kermanı idarə etməyə başladı.
Vəli xan ikinci dəfə Kermanı 1592-ci ilədək idarə etdi. Sonra
Şah Abbas onu qocalığı ilə bağlı təqaüdə göndərdi. Kerman əyalə-
tini ona tiyul kimi verdi ki, bir guşədə əyləşib, əbədi dövlətə dua
etməklə məşğul olsun.
Vəli xanın Bəktaş xan adlı oğlu vardı.
Bəktaş xan Araşlı-Avşar
Bəktaş xan Vəli xan oğlu 1588-ci ildə atasından sonra Ker-
man əyalətinin bəylərbəyi oldu. «Qızılbaşlar tarixi»nin anonim
müəllifi yazır: «Xacə İxtiyarəddin Əbdülqadir Kermaninin
saxtakar-
lıqla əldə edilmiş dövlətinin və Ağa Kamalinin oğlu Ağa Zeynəd-
dinin əmlakının ələ keçirilməsi Vəli sultanın oğlu Bəktaş bəyə hə-
35
valə edildi. Bəktaş bəy bacarıqlı və hiyləgər adam olduğu üçün əlin-
dən gələn üsullarla Xacə Əbdülqadirin qızını aldı. Xacə və onun
ağıllı, dəyənətli, cavan oğlu Mirzə Məhəmməd Müzəffər bu itkiyə
dözməyib, Kəbəni ziyarət etmək bəhanəsiylə çıxıb getdilər.
Bəktaş bəy onların hər il on min tümən gəlir verən mülklərini,
Kermanın digər zadəganlarını və sultanlarının əmlakı ilə birlikdə öz
əlinə keçirdi və atasına sultanlıqdan yalnız quru ad qaldı və get-
gedə işi o yerə çatdırdı ki, seyidlər seyidi və səadət mənbəyi, islam
məmləkətlərinin seçilmişi və insan tayfaların yolgöstərəni Əmir
Qiyasəddin Mirmiranın qızına evləndi və Yəzdi (də) əlinə keçirib,
özünü xan və sultan adlandırdı»
17.
İran tarixçisi Mahmud Hümmət «Kerman tarixi» kitabında
yazır ki, I Şah Abbasın Bəktaş xanla ədavəti vardı. O, anasının ölü-
mündə Bəktaş xandan da şübhələnirdi. Bu faktın dəqiqliyini bil-
mirik.
Onu bilirik ki, I Şah Abbas doğrudan da Bəktaş xanın
əlindən
yanıqlı idi. Onun özbaşınalığına dözə bilmirdi. Ona görə də Fars
əyalətinə bəylərbəyi təyin etdiyi Yaqub
xan Zülqədəri öyrətmişdi ki,
Bəktaş xanı aradan götürsün. «Qızılbaşlar tarixi»ndə yazılır: «I Şah
Abbas İbrahim xan Zülqədərin oğlu Yaqub xanı Farsa hakim təyin
etdikdən sonra (Yaqub xan yola düşüb) Yəzdə çatdıqda, Bəktaş xan
onu və söhbət zamanı mülazimləri ilə birgə həbs etsin. O, (Yaqub
xan) onların istəyindən duyuq düşüb, yorğunluğunu bəhanə
gətirərək, Əhəristanda yerləşən Baği-Gülşəndə dayandı, həmin
günün axşamı icazəsiz və vidalaşmadan Farsa yollandı. Orada
müstəqil olan kimi qoşun toplayıb, 10-12 min nəfərlə Yəzdə tərəf
yeridi. Bəktaş xan yanında olan süvari və piyadaları cəm edib, min
nəfərlə onun qarşısına çıxdı və Yəzdin 4 fərsəxliyində yerləşən
Cəmtəft düzənliyində düşmən qoşunlar üz-üzə gəldilər. Bəktaş xan
mərdliklə vuruşsa da, bəxti müsaid olmadığı üçün məğlub oldu və
geri qayıtdı. Yaqub xan onu təqib etdi. O, (Bəktaş xan) Mirmiranın
(Əmir Qiyasəddinin) hündür hasarları olan evində gizləndi. Yaqub
xan Əhəristanda düşərgə saldı və bir neçə nəfəri onu gözətləməyə
saxladı. O, (Bəktaş xan) gecə istədi ki, evin arxasında olan qapıdan
17
Qızılbaşlar tarixi, Bakı, 1993, səh.33.