Ayətullah məHƏMMƏd məHƏMMƏDİ reyşƏHRİ İslamda aiLƏ SƏADƏTİ Mütərcim: Dr. Əfzələddin Rəhimov

Üçüncü fəsil

Qadın tərəfindən ailənin dağılma səbəbləri

1\3

Əri incitmək

652. Allahın rəsulu (s): Hər kimin qadını ərini incitsə, Allah-təala o qadının namazını və heç bir yaxşı əməlini qəbul etməz. İstərsə, bütün ömrü boyu oruc tutsun (yenə də, ibadəti Tanrı dərgahında qəbul olunmaz). Amma ərinə yardım etsə, onu sevindirsə... (ibadəti qəbul olar.) Kişi də, öz həyat yoldaşına əziyyət versə və ona zülm etsə, qadın üçün zikr olunan eyni günah və əzab onun üçün də var.¹

653. Allahın rəsulu (s): Allah-təala, ərini dili ilə narahat edən qadının heç bir (sədəqə verdiyi) malı, fidyəni və yaxşı əməli, əri ondan razı olmadığı müdddət, qəbul etməz. İstər gündüzlər oruc tutub, gecələr ibadətlə məşğul olsun, qul qzad etsin, cins atlarıı Allah yolunda (döyüşçülərə yollasın), yenə də, (cəhənnəm) oduna atılacaq. Qadınına zülm edən kişiyə də aiddir.²

654. Allahın rəsulu (s): Qadın ərini incitdikdə, ərinin behiştdəki gələcək həyat yoldaşları olan hurilər belə deyərlər: Allah səni öldürsün! Onu incitmə. O, sənin qonağındır və tezliklə səni tərk edib, bizim yanımıza gələcəklər.¹

655. İmam Sadiq (ə): Üç şey insanın həyatını qaraldar: Zalım hökmdar, pis qonşu və acıdil qadın.²

656. İmam Sadiq (ə): "Lənətlənmişdir, məlundur, öz ərini incidən və onu qəmgin edən qadın. Xoşbəxtdir, xoşbəxtdir ərinə ehtiram qoyan, əziyyət verməyən və hər bir halda ona itaət edən qadın."³
2\3

Əri qəzəbdirmək

657. Allahın rəsulu (s): "Ərini narahat edən qadına vay olsun və xoşbəxt qadın odur ki, əri ondan razı qalsın."⁴

3\3

Naşüurlük

658. Allahın rəsulu (s): Allah-təala ərinə ehtiyaclı olduğu halda, ona təşəkkür etməyən qadına baxmaz.⁵

659. Allahın rəsulu (s): Allah-təala, qiyamət günü, həyat yoldaşına ehtiyacı olduğu halda ona təşəkkür etməyən qadına nəzər etməz.⁶

660. İmam Sadiq (ə): Ərinә "mәn sәndәn hеç vахt хеyir görmәmişәm"-deyən qаdın bütün yахşı әmәllәrinin savabı hədər olar.¹

661. "Müsnədi-ibn Hənbəl": Əsma Ənsari rəvayət edir: Bir gün, Allahın rəsulu (s) məscidin yanından keçərkən qadınların birlikdə əyləşdiyini gördü. Əli ilə onlara salam verib, buyurdu: "Sizə nemət verən şəxslərə naşükürlük etməkdən çəkinin! Sizə nemət verən şəxslərə naşükürlük etməkdən çəkinin!"

Onlardan biri dedi: Ey Allahın rəsulu! Allaha pənah aparıram. Ey Allahın elçisi! Allaha qarşı naşükürlük etməkdən, Ona pənah aparıram.

Buyurdu: "Bəli. Szilərdən bəzisi uzun müddət evdə ərsiz qalır. Sonra Allah-təala ona ər qismət edir. Ona övlad və göz nurunu ruzi verir. Bununla belə (Allahın ona əta etdiyi bütün bu nemətlərə baxmayaraq), əsəbləşdiyi zaman Allaha and içir ki, ərindən bir saat da olsun xeyir görməyib. Bu özü də, Allahın nemətlərinə və nümət verənlərinə qarşı naşükürlükdür."²
4\3

Əri, qüdrəti çatmayan işlərə məcbur etmək

662. Allahın rəsulu (s): Allah-təala ailə xərclərində ərinə çətinlik yaradan və onu qüdrəti çatmayan işlərə məcbur edən qadının tövbəsini, sədəqəsini qəbul etməz. Yalnız tövbə edib, doğru yola dönsə və ərinin gücü çatdığı miqdarda ondan (xərclik) tələb etsə, bağışlanar.¹

663. Allahın rəsulu (s): Hər kimin həyat yoldaşı, onunla yola getməsə, Allahın ərinə verdiyi ruziyə qane olmasa və ona çətinliklər yaratsa, Allah-təala onu oddan saxlaya bilən heç bir yaxşı əməlini qəbul etməz. O, belə davrandıqca, Allah ona qəzəblənər.²

664. Allahın rəsulu (s): (Ailə xərclərində) ərini qüdrəti çatmayan işlərə məcbur etmək və yaxud, Tanrı bəndələrindən birinin yanında, istər özününkü olsun, istərsə də, özgəsi, ondan gileylənmək qadına caiz deyildir.³

665. Allahın rəsulu (s): Agah olun! Əri ilə yola getməyən və onu qüdrəti çatmayan işlərə məcbur edən qadının (Tanrı dərgahında) heç bir yaxşı işi qəbul olunmaz. (Qiyamət günü) Allah-təalanın hüzuruna getdiyi zaman , Onu qəzəbli görər.⁴
5\3

Həyat yoldaşına minnət qoymaq

666. Allahın rəsulu (s): Öz sərvəti ilə ərinə minnət qoyan, "Sən mənim var-dövlətimdən yeyirsən."- deyən qadın, əgər bütün sərvətini Tanrı yolunda sədəqə belə versə, ərinin könlünü almayınca, Allah-təala qəbul etməz.¹

667. Allahın rəsulu (s): Qadın yer üzünün bütün qızıl-gümüşünü ər evinə aparsa, amma günlərdən bir günü ona bunun üçün minnət qoysa və " Sən kimsən? Bu mənim var-dövlətimdir."- söyləsə, sonra tövbə edib, sözündən dönməsə və ərindən üzr istəməsə, bütün (yaxşı) əməlləri hədər olacaq. Hətta insanların ən abidi olsa belə.²
6\3

Yola getməmək

668. İmam Əli (ə): Ən pis həyat yoldaşı, əri ilə yola getməyən qadındır.³

7\3

Ərindən başqası üçün bəzənmək

669. Allahın rəsulu (s): Qadının (özgə kişiləri cəlb etmək məqsədi ilə) bəzənib, ətir vurub evdən çölə çıxmasına razı olan ərə, onun atdığı hər addımın müqabilində cəhənnəmdə bir (əzab) evi inşa olunar.⁴

670. Allahın rəsulu (s): Qadınının (iffətsizlik niyyəti ilə) bəzənərək evdən çölə çıxmasına razı olan ər, dəyyus (qeyrəsiz) insandır. Onu belə adlandıran şəxs, günah işlətməmişdir.⁵

671. Allahın rəsulu (s): Ey Həvla! Öz zinətlənmiş (bəzənmiş halını) ərindən başqası üçün aşkar etmə. Ey Həvla! Heç bir qadına halal (caiz) deyildir ki, biləyini və ayağını ərindən başqasına göstərsin. Əgər bu tövsiyəyə qulaq asma, daim Allahım lənəti və narazılığına düçar olar. Allah-təala ona qəzəblənər. Allahın mələkləri onu lənətləyər və onun üçün dəhşətli əzab hazırlayar.¹

672. İmam Sadiq (ə): (Özgə kişiləri cəlb etmək məqsədilə) özünü ərindən qeyrisi üçün ətirləyən qadının, onu yuyub-təmizləməyənə qədər, heç bir namazı qəbul olmaz.²
8\3

Şörgözlük

673. İmam Sadiq (ə): Evlənin və boşanmayın. Çünki Allah-təala, tez-tez evlənib, boşanan kişi və qadınları sevmir.³

674. Allahın rəsulu (s): "Sәbәbsiz yerə әrindәn bоşаnmаq istәyәn qаdınа behiştin iyi hаrаmdır."⁴

675. Allahın rəsulu (s): Səbəbsiz yerə qadınlarınızı boşamayın. Allah-təala, tez-tez evlənib, boşanan kişi və qadınları sevmir.⁵
9\3

Xəyanət

676. Allahın rəsulu (s): Həzrət Əliyə (ə) tövsiyələrinin birində buyurur: Ey Əli! Dörd şey, insanın belini sındırar: ... Əri ilə birlikdə yaşayıb, ona xəyanət edən qadın.¹

677. Allahın rəsulu (s): Dörd şey, insanın belini sındırar: ... Səninlə birgə yaşayıb, səni incidərək, sən olmadığın zaman xəyanət edən qadın.²

678. Allahın rəsulu (s): Üç şey, insanın belini sındırar: ... Birlikdə olduğun zaman səni sevindirməyən və sən olmadığın zaman xəyanət etməyəcəyindən asudə xatir olmadığın qadın.³

679. Allahın rəsulu (s): Üç şey bədbəxtlik və üç şey xoşbəxtlik nişanəsidir: ... Bədbəxtliyin nişanələri isə bunlardır: Gördüyün zaman səni narahat edən, dili ilə səni sancan və sən olmadığın zaman xəyanət etməyəcəyindən asudə xatir olmadığın qadın.⁴

680. İmam Züynül-abidin (ə): Həyat yoldaşını sevdiyi halda, qadınının ona xəyanət etməsi, kişinin bədbəxtliyindən sayılır.⁵