Az Book Library qizilgüLÜn adi
Yüklə 2,97 Mb. Pdf görüntüsü
|
160 Necə olsa da, bu qınayıcı sözlər çox sərt deyilmişdi. Vilhelm diliuzunluq etsə də, indi də Xorxe hamının yanında onun ağzından söz yox, yel çıxdığını deyirdi! Yaşlı bir rahibin dilindən çıxmış bu ağır cavabın yazı zalını dərhal tərk etməyimiz iiçün bir çağırış olub-olmadığını düşündüm. Amma az öncə davakarlıq edən Vilhelmin birdən-birə mülayimləşdiyini görüb təəccübləndim. “Üzr istəyirəm, möhtərəm Xorxe. Ağzım düşüncələrimə xəyanət etdi. Sizə hörmətsizlik etmək istəmirdim. Bəlkə də siz haqlısınız, mən yanılıram”. Belə mütiliyi və nəzakəti gözləməyən Xorxe həm bağışladığını, həm də məmnun qaldığını bildirən mırıltıyaoxşar bir səs çıxardı və yerinə dönməli oldu. Mübahisə zamanı ətrafımıza toplaşmış rahiblər masalarının yanma qayıtdılar. Vilhelm yenidən Venansionun masası qarşısında diz çökdü və kağız- kuğuzu eşələməyə başladı. O, müticəsinə üzrxahlıq etmək bahasına bir neçə an qazandı və bu bir neçə anda gördükləri, onun növbəti gecə axtarışlarının istiqamətini müəyyənləşdirdi. Amma doğrudan da, bu sakitlik bir neçə an çəkdi. Dərhal Bensio qələmini Venansionun masası üstündə unutduğunu bəhanə edərək, bizə yaxınlaşdı və Vilhelmin qulağına onunla təcili danışmaq istədyini pıçıldayaraq, hamamxananın arxasında görüş təyin etdi. Vilhelm əvvəlcə onun getməsini istəyib, az sonra özünün də gələcəyini dedi. Bir az tərəddüd etdikdən sonra masasında oturub kataloqlara baxa-baxa baş verənləri izləyən Malaxianı çağırdı və abbatın verdiyi səlahiyyətləri (“abbat” sözünü xüsusi vurğu ilə dedi) yerinə yetirə bilmək üçün Venansionun masasına gözətçi qoymasını rica etdi; çünki bütün gün özü gələnə qədər o masaya heç kimin yaxınlaşmamasını təhqiqat üçün zəruri sayırdı. Bütün bunları uca səslə dedi; beləcə, yalnız Malaxianın rahibləri izləməli olduğunu deməklə qalmayıb, rahiblərdən də Malaxianı gözdən qoymamalarını istədi. Kitabxanaçının itaət etməkdən başqa çarəsi qalmadı, Vilhelm isə məni də çağırıb, oradan çıxdı. Bağçadan keçib xəstəxananın yanında yerləşən hamamxanaya yaxınlaşanda Vilhelm mənə dedi:
161 "Məncə buradakıların çoxu Venansionun masası üstündə, ya da altında yerləşən bir şeyi tapacağımdan qorxur”.
“Bu, nə ola bilər?” “Mənə elə gəlir ki, bunu tapmağıma mane olmaq istəyənlər də nə olduğunu bilmirlər”. “Deməli, Bensionin bizə deyəcəyi bir şey yoxdur, onun məqsədi bizi yazı zalından uzaqlaşdırmaqdır?” “İndi öyrənərik”, - Vilhelm cavab verdi. Doğrudan da, çox keçmədən Bensio gəlib çıxdı. 1 6 2 İKİNCİ GÜN G Ü N O R T A ,
Bensionun danışdıqları çox qarmaqarışıq idi. Doğrudan da, elə görünürdü ki, bizi yalnız yazı zalından uzaqlaşdırmaq üçün buraya çağırmışdı; amma inandırıcı bir bəhanə uydura bilmədiyi üçün ona məlum olan həqiqətin parçalarını bizə danışırdı. O dedi ki, səhər-səhər dilinə qıfıl vurmağı qərara almışdı, amma indi daha soyuqqanlılıqla düşündüyü üçün Vilhelmin bütün həqiqətləri bilməsinin zəruri olduğunu anlayır. Gülüş haqqında o məşhur söhbət əsnasında Berenqar “Afrikanın sərhədi” sözünü işlətmişdi. Bu nədir? Kitabxana sirlərlə, xüsusən do rahiblərin oxuması üçün heç zaman verilməyən məxfi kitablarla doludur. Bensio Vilhelmin həyati varlıqların ağlın süzgəcindən keçirilməsinə aid sözlərindən çox təsirlənmişdi. O - Bensio bir tədqiqatçı- rahibə kitabxanadakı bütün kitablara baxma haqqının verilməsinə daim inanırdı; filosof Abclyarı məhkum edən Suasson Dini Şurasına lənətlər yağdırırdı; o danışdıqca, həyatını bəlağət elminə həsr edən bu gənc rahibin müstəqillik həsrəti ilə alışıb-yandığına və monastır intizamının elmə can atan ağılları zəncirləmək üçün qoyduğu qadağalarla barışmadığına əmin olduq. Şəxsən mən hər şeylə çox maraqlanan insanlara heç zaman inanmamağı üstün tuturdum; ancaq anlayırdım ki, ustadımın bu keyfiyyətdən çox xoşu gəlir - buna görə də Bensionun fikirləri ilə razılaşdığını və dərdinə şərik olduğunu gördüm. Əlqərəz, Bensio bizə dedi ki, Adelmo və Venansionun Berenqarla hansı sirlər barədə danışdıqlarını bilmir; amma bu zavallıların acı taleyi kitabxananın gizlində necə idarə olunduğuna işıq salacaqsa, heç də üzülməyəcəyini və ipin ucundan tutmuş ustadımın kələfi açacağına, bununla da abbatı, 1 6 3 rahiblərin zehni fəaliyyətə olan meylini buxovlamış kəndirləri yumşaltmağa inandıracağına ümid etdiyini söylədi. Sonra əlavə etdi ki, zehinlərini kitabxananın bağnnda saxlanılan fövqəladə biliklərlə bəsləmək üçün, onun kimi bəzi rahiblər də dünyanın an uzaq ölkələrindən buraya gəlmişlər. Bensionun bu zaman tamamilə səmimi olduğunu və təhqiqatdan, doğrudan da, dediklərini gözlədiyini düşünürəm. Lakin eyni zamanda, Vilhelmin hiss etdiyi kimi, hər şeydən əvvəl, içini didib-dağıdan marağını söndürmək üçün Venansionun masasını ilk olaraq özü axtarmaq, özü eşələmək istəyirdi. Və bizi az bir müddətə də olsa, masadan uzaqlaşdırmaq üçün bəzi mühüm məlumatları verməkdən çəkinmədi. Berenqar artıq bir çox rahibin bildiyi kimi Adelmoya duyduğu xəstə bir ehtirasın əsiri idi - hansı ki, belə bir ehtiras üzündən Sodom və Homorra camaatı Tanrı qəzəbinə tuş gəlmişdi. Bensio bəlkə də mənim yeniyetmə olduğumu nəzərə alaraq, bu sözləri işlətməklə kifayətləndi. Amma yeniyetməliyini monastır divarları arasında keçirən hər kəs ismətli və pak bir ömür yaşasa da, bu cür ehtiras haqqında edilən söhbətlərdən qaçmağın mümkün olmadığım və belə ehtirasın quluna çevrilərək, hər cür bədxahlığa hazır olan birinin qurduğu tələyə düşməmək üçün böyük ehtiyatlılıq tələb olunduğunu bilir. Hələ yeniyetmə bir rahib olmağıma baxmayaraq, Melkdəki öz monastırımızda yaşlı bir rahibdən, adətən, kilsəyə mənsub olmayan kişilərin qadınlara həsr etdiyi şeirlər yazılmış məktublar almamışdımmı? Rahiblik andı bizi qadın bədəni deyilən o qüsurlar bataqlığından uzaq tutar və iyrəndirər, amma tez-tez başqa günahların girdabına da sürükləyər. Bu qoca çağımda dalğın baxışlarım, kilsə xorunun yarıqaranlığında yeniyetmə bir rahibin tük bitməmiş, qızlannkı kimi təmiz və yumşaq üzünə dikilincə, gündüz şeytanının məni hələ də həyəcanlandırdığım özüm özümdən necə gizləyə bilərəm? Bunları çoxdan etdiyim seçimə - özümü monastır həyatına həsr etməyimə şübhə kölgəsi salmaq üçün deyil, bu müqəddəs yükün ağırlığına tab gətirməyib, günaha batanları, az da olsa, haqlı çıxarmaq üçün söyləyirəm. Bəlkə də Berenqarın iyrənc
Yüklə 2,97 Mb. Dostları ilə paylaş:
|