Az Book Library qizilgüLÜn adi
Yüklə 2,97 Mb. Pdf görüntüsü
|
167 verdiyi) sirri, artıq onun üçün əhəmiyyətini itirmiş bir müəmmanı Venansio ilə bölüşür; zira indi özünün daha qorxunc və yandırıcı sirri vardır. Bəs Venansionun başına nə gəlir? Çox güman ki, o da bizim Bensionu bu gün çulğamış yandırıcı marağa qapılaraq Adelmonu peşmanlığıyla baş-başa qoyub, tərk edir. Hamı tərəfindən atıldığını və yalqız qaldığını görən Adelmo özünü öldürmək qərarına gəlir. Ümidsizlik içində məzarlıqda gəzir və qəflətən Berenqarla rastlaşır. Və tutduqları əməlin məsuliyyətini onun üzərinə qoyaraq, onu “əxlaqsızlıq ustadı” adlandıraraq, bildiyi ən dəhşətli sözləri onun üzünə çırpır. Düşünürəm ki, Berenqarm söhbəti yuxuya oxşasa da, tam həqiqətdir. Görünür Adelmo, Xorxedən eşitdiyi ümidsiz sözləri eynilə ona təkrarlqyır. Bunları eşidən Berenqar başını götürüb qaçır, Adelmo isə həyatla vidalaşmaq üçün əks tərəfə gedir. Sonra isə, demək olar ki, bizim də şahidi olduğumuz hadisələr baş verir... Hamı Adelmonun öldürüldüyünü düşünür. Kitabxananın sirrinin sanıldığından daha mühüm olduğunu qərara alan Venansio öz gücü ilə təhqiqata başlayır. Lakin bu zaman onu öldürürlər - istədiyini ortaya çıxarmazdan öncə, ya da sonra...” “Bəs onu kim öldürür? Berenqar?” “Ola bilər. Ya da Binanı qoruyan Malaxia. Bəlkə də bir başqası. Əlbəttə ki, Berenqar şübhə altındadır. O qorxmuşdu və üstəlik, sirrinin Venansioya da məlum olduğunu bilirdi. Malaxiadan da şübhələnmək olar: o, kitabxana sirlərinin qorunmasına cavabdehdir və bu sirrin kimə agah olduğunu öyrənib - onu öldürür... Xorxe hamı haqqında hər şeyi bilir; sirrin faş edilməsini Adelmodan öyrənir və bəlkə də Venansionun aşkar etdiyi şeyi bizim də öyrənməyimizi istəmir... Bir çox səbəbə görə Xorxedən də şübhələnmək mümkün idi. Amma lütfən, de, kor qoca sağlam bir gənci necə öldürə bilər? Sonra da onun meyitini sürüyüb, çəlləyin içinə necə soxa bilər? Və nəhayət, Bensionun özü nə üçün qatil olmasın? O, gizli məqsədlərinə çatmaq üçün bizə yalan deyə bilər. Həm də, şübhələrimizi nə üçün gülüş haqqında mübahisədə iştirak edənlərlə məhdudlaşdırmalıyıq? Bəlkə də qətlin kitabxana ilə əlaqəsi olmayan
168 başqa səbəbləri vardır. Nə olursa olsun, indi bizim üçün iki şey mühümdür: kitabxanaya gecə girməyin yolunu tapmaq və çıraq əldə etmək. Çırağı sən tapacaqsan. Yemək zamanı mətbəxdə girələnib, birini götürərsən”. “Oğurlamaqmı?” “Tanrının uca adı ilə, borc götürmək”. “Bu halda mənə güvənə bilərsiniz”. “Afərin. Binaya girməyə gəlincə, dünən gecə Malaxianın haradan çıxdığını gördük. Mən bu gün kilsəni, xüsusən də həmin yeri araşdıracağam. Bir saatdan sonra günorta yeməyinə gedəcəyik. Sonra abbatla söhbətimiz olacaq. Sən də iştirak edəcəksən, çünki deyilənləri yazmaq üçün bir. katibə ehtiyac duyduğumu dedim”.
169 İ K İ N C İ G Ü N İ K İ N D İ V A X T I ,
Abbat kilsədə, baş mehrabın qarşısında dayanmışdı. O, gizli bir yerdən müqəddəs qablar, piyalələr, vəftiz camları, sandıqçalar və sübh duası zamanı görmədiyim böyük bir xaç gətirən yeniyetmə rahiblərin işinə göz qoyurdu. Bu müqəddəs və gözqamaşdırıcı əşyaları gördükdə heyranlıqdan qışqırdım. Düz gü- norta vaxtıydı və xor yerinin pəncərələrinin rəngli şüşələrindən içəri bol işıq düşürdü; xüsusən də ön tərəfdən düşən daha gur işıq şüaları, görünməz ilahiliyin mistik dalğaları kimi mehrabı tamamilə bürüyərək, kilsənin hər yerində kəsişirdi. Camlar, güldanlar - hər şey öz qiymətli tərkibini göstərirdi. Qızılın sarısı, fil sümüyünün qüsursuz bəyazlığı şənlik edir, ecazkar şəffaflığa malik olan büllur günəş şüalarının altında bərq vururdu. Hər cür rəng və ölçüdə par-par parıldayan qiymətli daşlar gördüm: yəməndaşları, topazlar, yaqutlar, sapfırlər, zümrüdlər, xrizolitlər, onikslər, karbunkullar, yəşəm daşları və əqiqlər. Eyni zamanda, sübh vaxtı əvvəlcə duaların təsirinə, sonra da dəhşətə düşdüyüm üçün diqqətimdən qaçan bir şeyi aşkara çıxardım. Məlum oldu ki, mehrab və onu əhatələyən üç pərdə xalis qızıldan olan təbəqə ilə üzlənmişdir; mehrab və onun bütün hissələri haradan baxırsansa bax, sanki qızıldan tökülmüşdü. Abbat üzümdəki heyranlıq ifadəsini görüb gülümsədi. “Bu gördüyünüz zənginlik, - mənə və ustadıma tərəf çevrilib dedi - və daha sonra görəcəkləriniz çoxəsrlik dindarlıq və Tanrıya sədaqət irsidir, həmçinin monastırımızın qüdrət və şöhrətinin sübutudur. Yer üzünün hakimləri və knyazlar, arxiyepiskoplar və başqa keşişlər bizim mehrabın bəzodilməsi və müxəlləfatmın zənginləşdirilməsi üçün öz möhürlərini, möhtəşəmliklərinə dayaq və mənsəblərinə xas olan qızıl və qiymətli daşları könüllü olaraq bağışladılar. Və bütün bunlardan Tanrı adının uca tutulması və Onun evi olan bu monastırın çiçəklənməsi üçün imtina etdilər. Siz də bilirsiniz, bu gün monastırımız yeni bir cansıxıcı vaqeədən ötrü qəmginlik içində olsa da, hətta faniliyimizin qarşısında O Ən Ucanın qüdrətini və qüvvətini unutmamalıyıq. Müqəddəs Milad bayramı yaxınlaşdığından ayinlər zamanı istifadə edilən əşyaları təmizləyirik ki, Məsihin mövludunu layi- qincə və tələb edildiyi kimi təmtəraqla və ehtişamla bayram edək. Bütün əmlakımız gözəl və görkəmli olmalıdır, - o, Vilhelmə diqqətlə baxaraq ucadan dedi; öz məşğuliyyətinin əhə- miyyətliliyində bu qədər inadkarlıqla nə üçün israr etdiyini sonralar anladım, - zira inanırıq ki, Tanrının bizə bəxş etdiyi zənginliyi gizlətmək yox, əksinə, onu dünyaya göstərmək daha uyğun və faydalıdır.
Yüklə 2,97 Mb. Dostları ilə paylaş:
|