ABŞ-da gender m
əsələləri
35
kömək edirdilər. Funksionalistlərin gender rolları haqqında söy-
lədikləri fikirlər postindustrial cəmiyyətdə özünü doğrultmurdu
və heç də iddia edilən stabillik onların dediyi kimi gender rolların
ənənəyə uyğun bölünməsi səbəbinə görə deyildi.
Funksionalizm və ya struktural funksionalizmə görə cəmiy-
yətin bütün elementləri bir-biriləri ilə sıx əlaqədardır, insanlar
edilən dəyişikliklərdə çox ehtiyatlı olmalıdırlar, çünki cəmiyyət-
dəki hər hansı bir elementin dəyişdirilməsi bu cəmiyyətdə əsr-
lərlə bərqərar olan sabitliyi, harmoniyanı zədələyə bilər. Funk-
sionalistlər cəmiyyətin stabil qalmasında əhəmiyyətli rolu olan
əsas elementləri müəyyənləşdirmək istəyirlər, çünki əsas sosial
ehtiyacların düşünülmüş şəkildə qarşılanması cəmiyyətin başlıca
elementlərinin funksiyasına təkan verir. Sosial stabillik, tarazlıq
üçün cəmiyyətin hər bir elementinin yeri və rolu var. Onlara görə,
yalnız ictimai nəzarətin mexanizmləri effektiv və səmərəli fəaliy-
yət göstərdiyi halda, cəmiyyətdə tarazlıq mövcud ola bilər. Sosial
nəzarət və stabillik o zaman dayanıqlı olur ki, insanlar arasında
konsensus mövcuddur və onlar ümumi inam və dəyərləri bölü-
şürlər. Bu xüsusiyyətlər sosial dəyişikliklərə mane olmaq üçün
ən əsas elementlərdir. Bu nəzəriyyənin dəstəkləyicilərinə görə,
gender rollarında, evlilikdə, ailədə sosial tarazlığın pozulmaması
çox önəmlidir.
Funksionalizmə görə, cəmiyyət bütöv şəkildə o zaman sta-
billiyi, harmoniyanı saxlaya bilər ki, burada cəmiyyətin norma
və ənənələrini əlində əsas tutan mövcud qurumlar müştərək fəa-
liyyət göstərsin. Herbert Spenserin təbirincə, insanın “bədən”i-
nin fəaliyyəti, onun “orqanlar”ının necə fəaliyyət göstərməsindən
çox asılıdır.
1940-cı və 1950-ci illərdə gender bərabərsizliyini funksio-
nalist perspektivdən formalaşdıran ən məşhur sosioloqlardan biri
də Talkot Parsonsdur (1902-1979, ABŞ). Talkot Parsons struk-
tural funksionalist məktəbin yaradıl ma sın da əsas fiqurlardan he-
sab olunur. Onun çox maraqlı nyuklear ailə modeli var idi. Onun
Ki̇fayət Ağayeva
36
fikrincə, ailədəki əmək bölgüsündə gender bərabərsizliyini təbii
qəbul etmək lazımdır, çünki ailə üzvlərinin hər birinin fərqli və-
zifəsi vardır. Belə bölgü ailənin stabilliyinə xidmət edir və gen-
der rolları tamamlayıcı xarakter daşıyır: qadın ev-eşiyə görə, kişi
ailənin təminatına görə məsuliyyət daşıyır. Bununla da, gender
digər sosial qurumlar kimi, cəmiyyətin bütövlükdə stabilliyinə
təkan verir.
Funksional prerekvizitlər (qida, sığınacaq, geyim və pul) so-
sioloji tədqiqatda ən çox önəm verilən elementlərdir, çünki bunlar
olmadan fərd yoxsulluq xəttindən yuxarı qalxa bilmir. Funksional
prerekvizitlərin mövcudluğu üçün cəmiyyət sosial nizamı saxla-
malıdır.
Funksionalistlərə görə əməyin genderə görə bölünməsi ənənə-
si saxlanılmalıdır, çünki bundan ən çox cəmiyyət faydalanar.
Qadın hərəkatı və feminizmin inkişafı. Feminizm yeni bir
nəzəriyyə olmaq etibarı ilə eyni zamanda, “hüquq bərabərliyi,
insanlıq şərəfi və qadınların müstəqil qərar vermə haqqı” əldə
etmək məqsədilə meydana gələn siyasi hərəkatdır. Feminizm
hərəkatının aparıcı qüvvələri qadınların genderinə görə diskrimi-
nasiyaya məruz qalma halları ilə barışmır və cəmiyyətdə hər iki
genderə eyni cür dəyər verilməsi üçün mübarizə aparırlar.
Feminizm ilk dəfə sosial filosof Çarlz Furye (1772-1837)
tərəfindən gündəmə gəlmişdir. İlk dəfə olaraq o, qadınların
müstəqilliyinin mümkünlüyü barədə fikirlər irəli sürmüşdür.
XIX əsrin sonlarında bir çox Avropa ölkələrində, Amerika və
Avstraliyada feminizm və qadın hərəkatının ilk dalğası başladı. Bu
hərəkatın başlanmasına səbəb qadınların kişilərlə yanaşı siyasi bə-
rabərliyə nail ola bilmə və istədikləri ixtisası seçərək arzu etdikləri
universitetlərdə təhsil ala bilmə hüququnu əldə etmə ehtiyacından
irəli gəlirdi. Bunun təsiri bir çox ölkələrə də keçdi və bu, kütləvi
hal aldı. Bir çox ölkələrdə (Almaniya, Sovetlər Birliyi, Böyük Bri-
taniya) qadınlara ilk dəfə olaraq seçki hüququ verildi. Qadınların
səsvermə hüquqları ölkələr və illər üzrə aşağıdakı kimidir: