Ki̇fayət Ağayeva
264
tanıma hüququna söykənməlidir və bu mənada onlara alternativ
imkanlar verilməlidir” (Бенхабиб Ш., 2003 :87).
“Demokratiyanın məşvərəti” modeli də mövcud münaqişənin
həlli üçün təklif olunan modellərdəndir, burada üç prinsip tək-
lif edilir. Bu zaman etnik müxtəliflik və bərabərhuquqluluq eyni
zamanda nəzərə alınmalı və hər ikisinin təminatı gözlənilməli-
dir. Konsepsiyanın birinci prinsipi “eqalitar qarşılıqdır”. Bunun
mahiyyəti ondan ibarətdir ki, mədəniyyət, etnik, din, dil və digər
azlıqların nümayəndələri heç bir hüququn (mülki, siyasi və iqti-
sadi) təminatında çoxluqlardan geri qalmamalıdırlar. İkinci prin-
sip Benhabibin təklif etdiyi “iddialar mədəniyyəti, bərabərlik və
qlobal dövrdə müxtəliflik” prinsipidir. “Könüllü özünütəyinetmə”
o deməkdir ki, insan anadan olanda mənsub olduğu mədəniyyət,
din və dili avtomatik qəbul etməməlidir. İnsanın belə bir ehtiyacını
ödəməsi üçün ona daha çox imkan vermək lazımdır ki, onun özü-
nüidentifikasiya və özünütəyinetmə üçün daha böyük imkanları
olsun. Dövlət vətəndaşa təkcə özünüidentifikasiya haqqını deyil,
həmçinin buna nəzarət haqqını da verməlidir və bu digər şəxslərə
ziyan gətirmədən həyata keçirilməlidir. Sonuncu üçüncü prinsip
ondan ibarətdir ki, insana öz qrupundan çıxa bilmək, azad olmaq
təminatı verilməlidir. Ola bilsin ki, bununla o bəzi formal hüquq və
imtiyazlarını itirə bilər. Feminist tənqidçilərin əksəriyyəti razılaşır-
lar ki, bütün bunları həyata keçirəndə liberal siyasi-hüquqi qurum-
ların və onların təcrübələrinin qarşılıqlı prinsipini əsas götürərək,
demokratik yolla yerinə yetirmək vacibdir.
Miqrasiyanın gender aspektləri. Miqrasiya və genderlə
bağlı araşdırmalardan məlum olur ki, gender modellərində gen-
der bərabərliyi prinsipləri və mədəni fərqliliklər arasında bənzər
gərginliklər hələ də mövcuddur. Araşdırmalar göstərir ki, 1990-cı
illərdə milli çoxluğun və etnik azlıqların (ailə normaları da daxil
olmaqla) mədəni dəyər və normaları arasında genderləşmiş mü-
naqişələr mövcuddur və bu münaqişələr onlar və bizlər (gəlmələr,
yerlilər) arasındakı baryerə təkan vermişdir (Bredal, Anja, 2005
ABŞ-da gender m
əsələləri
265
:5). Etnik azlıqların cəmiyyətdə bərabərhüquqlu vətəndaş kimi
özünütanıtma potensialını da önəmli məsələ kimi gündəmə gə-
tirmək vacib məsələlərdəndir. İndiki vəziyyətdə miqrant ailələrdə
hər iki valideynin gender bərabərliyi hüququ, gənc miqrant qa-
dınlarla lap çoxdan miqrasiya edən, ölkə Konstitusiyası ilə tam
sığortalanan Amerika qadını kimi rəftar edilmə şansını artırır,
onların potensialını çoxaldır (Morck, Yvonne., 2005:11). Lakin
ailə mədəniyyəti, norma və dəyərlərində fərqliliyə sonsuz ehtiram
ictimai sferada onlar üçün baryer yarada bilir.
Bu vaxta qədər aparılan tədqiqatlarda etnik azlıqlarda qadın
səlahiyyətlərin artırılması ilə əlaqəli araşdırmalarda əsas diqqət,
qadınların ictimai və özəl həyatlarında mövcud olan münaqişə və
gərginliklərin üzərinə qoyulmuşdur. Çoxluq azlıq qruplarını necə
qəbul edir və azlıqlar onlara necə münasibət bəsləyirlər? Etnik
azlıqlar ictimai, özəl arenalarda və gündəlik həyatlarında domi-
nant gender bərabərliyi ilə ailə normaları arasındakı gərginliyi
necə müzakirə edirlər? Araşdırmalar göstərir ki, gənc qadınlar bir
çox hallarda dilemma qarşısında qalırlar, məsələn, onlar bilmir-
lər öz din və mədəniyyətlərindən olan gəncə ərə getsinlər, yox-
sa, azad seçim edib, sərbəst şəkildə gələcək evlilik partnyorunu
seçsinlər. Onların böyük ailələr xoşlarına gəlir, çünki gündəlik
həyatda onlar bir-birilərini dəstəkləyirlər və tənha qalmamaqdan
sığortalıdırlar. Lakin onlara xoş gəlməyən həyatlarına olan daimi
sosial nəzarətdir. Hamı sanki bir-birinin polisidir və hər kəs hamı
haqqında hər şeyi bilir. Onlar dilemmanı dəf etmək istəyirlər,
lakin bununla bərabər onlar sıxıcı olmayan ideal güclü ailələrin
əleyhinə də deyillər. Onlar icmanın gücü, öz müqəddaratını təyi-
netmə və kişilərlə qadınların eyni hüquqa malik ola bilməsini bir
arada görmək istəyirlər.
Araşdırmalarda bir məqam da maraq kəsb edir ki, miqrantlar
üçün ictimai sferada, təhsil və əmək fəaliyyətində gender bəra-
bərliyi qəbul ediləndir. Onlar da feminizmə pozitiv mövqedədir-
lər və cəmiyyətdəki gender bərabərliyini tam dəstəkləyirlər, lakin
Ki̇fayət Ağayeva
266
onlar Amerika qadınlarının həddən artıq seksual azad olmalarını,
ailədə qadın/kişi mütləq bərabərliyini tam qəbul edə bilmirlər.
Bunu qəbul etməmələri dindən qaynaqlanır və bu, onların dindən
irəli gələn məsuliyyətləri ilə əlaqəlidir.
Müasir Amerika cəmiyyətində miqrant müsəlman qadın.
Islamda qadın statusuna nəzər salanda, bir tərəfdən, Allah Quran
vasitəsilə qadına hər cür bərabərlik vəd edir, digər tərəfdən isə,
reallıqda paradokslarla müşayiət olunan məqamlara rast gəlirik,
çünki müsəlman cəmiyyətində qadın bərabərliyi deyil, gender
assimetriyası daha aydın müşahidə olunur: Ailədə, cəmiyyətdə
kişinin ənənəyə görə qadından üstün olması və daha çox siyasi
haqlara və azadlığa sahib olması adi hal kimi qəbul olunur.
Gender bərabərsizliyinin bariz nümunəsi dinə görə gender
seqreqasiyası, poliqamiya, qızların ərə gedəndə həyat yoldaşı
seçimində ülzəşdikləri məhdudiyyətlər, kişi ilə müqayisədə qa-
dınlar üçün boşanmada olan çətinliklər ən əsas problemlərdəndir.
Lakin dində “həm qadın, həm də kişilər Tanrının quludur” ifadəsi
işlədilir. İctimai sferada qadınla kişinin haqqı və imkanı eyni de-
yildir: …Qərbdə də, xüsusilə ərəblərin dünyasında və bütünlük-
də, müsəlman aləmində kişilər qadınlardan daha üstün hüquqlara
malikdirlər. Tədqiqat sahəsində müsəlman qadın subyekt kimi
götürülür, dövlətin hər iki genderə eyni cür hüquq verməsinə bax-
mayaraq, o, ənənəyə görə, kişi olduğu üçün cəmiyyətdə əsas rol
oynayır, çünki din onun cəmiyyətdə aparıcı, dominant statusunu
dəstəkləyir (Сизов, Ю.И и Курбанова Ç.А., 2014:146). Müsəl-
man əhalinin ərəb qısmı harada yaşamaqlarından asılı olmayaraq
qadınlara qarşı çox sərtdirlər və hər zaman onların fəaliyyət da-
irələrini məhdud çərçivədə saxlamağa səy göstərirlər.
Bu bərabərsizliyin səbəbi nədir və bu mövzunun həqiqətən-
mi müzakirəyə ehtiyacı var? Hər şeydən əvvəl qeyd etmək lazım-
dır ki, islam və Qərb perspektivindən bərabərlik anlayışı fərqlidir.
Qərbdə bərabərlikdən danışanda, o bərabərlik nəzərdə tutulur ki,
burada nə din, nə gender, nə də etnik mənsubiyyət amili rol oy-
Dostları ilə paylaş: |