63
gün yeri kimi Bakını seçərək burada yaşadığı və mət-
buat sahəsində çalışdığı haqda sənədlərlə təsdiq olun-
mayan məlumatlar mövcuddur. Türkçü və milliyyətçi
əqidəyə xidmət edən insanların Azərbaycanda da çar
polisinin təqibinə uğradığını gördükdən sonra isə daha
uzaqlara çəkilməyi qərara almışdı.
Təhsilini davam etdirmək, habelə ərəbcəsini daha
da təkmilləşdirmək üçün Qahirəyə yollanmışdı. Çox
güman ki, həmin dövrdə müəllimi və həmkarı İsmayıl
Qaspiralının Misir paytaxtında olması da səfər mar-
şrutunun seçilməsində təsirsiz qalmamışdı. Asan Səbri
həyatının səyahət və hadisələrlə zəngin olan bu dövrü
haqqında aşağıdakıları yazırdı: “1908-ci il yanvarın
ilk günlərində astma xəstəliyindən müalicə olunmaq
üçün Misirə getdim. Növbəti il yenidən Moskvaya
qayıtdım. Burada evlərdə dərs verir, habelə Lazarev
institutunda mühazirələri dinləyirdim. Moskvada üç
dəfə həbs olundum. 1911-ci ildə İsveçrəyə getdim.
Bazeldə təsadüfən yoldaş Leninlə tanış oldum. Kons-
tantinopol üzərindən Rusiyaya qayıtdım və Moskvada
yaşamağa başladım”
1
.
Əvvəlcə, Misirlə bağlı məsələyə aydınlıq gətirmə-
yə ehtiyac var. Çox ehtimal ki, bu, tərcümeyi-halda
göstərildiyi kimi həqiqətən də müalicə məqsədi daşı-
yan səfər deyildi. Sadəcə, sovet məhbəsində qələmə
aldığı bioqrafiyada Asan Səbri Böyük Britaniyanın
protektoratı altındakı Misirə gedişinin əsil səbəbini
göstərə bilməzdi. Çünki əks-təqdirdə onu ən azı daha
1
Асан Сабри Айвазов. История национального движения в Крыму,
«Ватаным», 2005, № 3, с. 17.
64
bir ölkəyə casusluq etməkdə, panislamizm təbliğində
günahlandırmağa kifayət qədər əsas yaranardı.
Birdən-birə uzaq Misirin seçilməsinə gəldikdə isə,
Qahirəyə çox ehtimal ki, həbsxana qeydlərində hər
vasitə ilə gözdən salmağa çalışdığı İsmayıl Qaspiralı-
nın tapşırığı ilə getmişdi. O dövrdə “Tərcüman” re-
daktoru dünya müsəlmanlarının konqresini keçirmək
istəyirdi. Bu məqsədlə özü 1907-ci ildə Misir paytax-
tında olmuşdu. Səfərlə bağlı təəssüratlarını qəzetin
1907-ci ilin oktyabrından 1908-ci ilin aprelinə qədər
çıxan saylarında təfriqə halında dərc etdirdiyi “Misir-
dən məktub” (cəmisi 10 məktub) silsilə yazısında
1
oxucularla bölüşmüşdü. Konqreslə bağlı fikirlərini
ərəb və ümumən müsəlman ictimaiyyəti ilə bölüşmək
məqsədi ilə Qahirədə qaldığı aylarda siyasi mühacir
kimi burada yaşayan Qazan tatarı Abdulla Battal Tay-
masla birlikdə cəmisi üç sayı çıxan “Ən-Nəhzə” (“Re-
nessans”) adlı qəzet də çıxarmışdı
2
. Düşünmək olar ki,
Asan Səbri bütün bu məsələlərdən xəbərsiz deyildi.
Əksinə, yaxın çevrəsinə daxil olduğu, ustadı və vəli-
neməti kimi göylərə qaldırdığı İsmayıl bəyin ən yaxın
köməkçilərindən biri idi.
Ümumdünya müsəlman konqresinə hazırlıq işləri
İsmayıl bəy Qahirədən geri döndükdən sonra da da-
vam etdirilmişdi. Qaspiralı irsinin tanınmış tədqiqat-
1
Məktubların tam mətni ilə tanış olmaq üçün bax: İsmayıl Qaspiralı.
Seçilmiş əsərləri. 3 cilddə. 3-cü cild. Dil-Ədəbiyyat-Səyahət Yazıları.
“Ötükən” nəşriyyatı, İstanbul, 2008, s. 454-476.
2
Yavuz Akpınar. İsmayıl Qaspiralının Faaliyyetlerine Genel Bir Bakış.
İsmayıl Qaspiralı. Seçilmiş əsərləri. 2-ci cild, İstanbul, 2008, s. 49.
65
çısı Yavuz Akpinarın göstərdiyi kimi, “İlgiyle qarşı-
lanan bu konuşmalardan sonra (ideya müəllifinin Qa-
hirədəki çıxış və mətbuat konfransları nəzərdə tutulur
– V.Q.) konqrenin nizamnaməsi türkcə, ərəbcə, farsca,
ingiliscə və fransızca basılıb dağıtılmış və konqrenin
tərtibçilərinin rəisi sifəti ilə Əl-Əhzar camisinin əski
şeyxi Səlim əl-Bəşri (və ya Büşra) tərəfindən bir elan
yayımlanmış və Osmanlı qəzetləri xaric, bir çox müs-
lim və qeyri-müslim qəzetlərdə bu elan basılmışdır”
1
.
Bir ara artıq bütün məsələlərin yoluna qoyulduğu
və konqresin hətta 1909-cu ildə keçiriləcəyi barəsində
məlumat yayılmışdı. Bir sözlə, müsəlmanların beynəl-
xalq toplantısının baş tutacağına konkret ümidlər bəs-
lənirdi və çox güman ki, görüləcək işlərin koordina-
sıyası üçün Asan Səbri əlaqələndirici sifəti ilə Qa-
hirəyə göndərilmişdi. Hər halda bu versiya daha ağ-
labatandır. Yoxsa, astma xəstəliyinin müalicəsi üçün
dünyanın o biri başına getməyə ehtiyac yox idi. Rusi-
yanın cənub vilayətlərində, hətta Krımın özündə də
kifayət qədər müalicə ocaqları və sanatoriyalar tapmaq
imkanı vardı.
Asan Səbrinin çox güman ki, inqilabi fəaliyyətə
görə Moskvada dəfələrlə həbs edilməsi və saxlandığı
Butırka həbsxanasından qaçışı, habelə Leninlə görüşü
barəsində yazdıqları hər hansı məxəz, yaxud sənəd-
lərlə təsdiq olunmadığından, bu epizodların sadəcə
sovet rejimi ilə dil tapmaq, bolşeviklərə yaxınlığını
göstərmək məqsədi ilə əl atılmış sadəlövh üsul da
1
Yavuz Akpınar. İsmayıl Qaspiralının Faaliyyetlerine Genel Bir Bakış,
s.50.
66
saymaq mümkündür. Eyni zamanda Bazeldə Leninlə
təsadüfi görüş və tanışlığının mümkünlüyünü istisna
etməyə də tutarlı əsas yoxdur. Həmin dövrdə İsveç-
rədəki rus icmasının hər bir üzvü siyasi mühacir
Vladimir Ulyanovla görüşə, hətta maraqlandığı məsə-
lələrlə bağlı fikir mübadiləsi apara bilərdilər. Bü-
tünlükdə, belə iddialar sənədlərlə təsdiq edilmədiyi ki-
mi, onların tam şəkildə istisna olunmaları imkan xari-
cindədir.
Yenə də öz etiraflarına görə, 1910 və 1912-ci illər-
də Türkiyədə olarkən daha əvvəldən tanıdığı “pantür-
kist cərəyanın (unutmayaq ki, bu sətirlər sovet istintaq
orqanlarına verilmiş ifadədən götürülüb!) Yusif Ak-
çura, Əhməd Ağaoğlu, Əli bəy Hüseynzadə, Mehmet
Emin Yurdaqul, Xalidə Ədib Adıvar (müəllif sonun-
cunun sonralar panturanizmin manifestinə çevrilən
“Turan” romanının müəllifi olduğunu xüsus vurğula-
yırdı)”
1
kimi ünlü simaları ilə əlaqə yaratmışdı. Adları
sadalanan şəxslərlə mühüm milli düşüncə mərkəzinin
– “Türk ocaqları”nın qurulmasında iştirak etmişdi.
Dolayısı yolla İttihad və Tərəqqi partiyası ilə əlaqə-
lərini də boynuna almışdı. Çox güman, əslində zərə-
rinə işləyən etiraflar istintaq orqanının əlində müəy-
yən məlumatın olmasından irəli gəlmişdir.
O, Rusiyaya, Krıma yalnız 1913-cü ildə, Roma-
novlar sülaləsinin taxt-taca sahiblənməsinin 300 illiyi
münasibəti ilə ümumi əfv elanı nəticəsində qayıda
bilmişdi. Bir il sonra, 1914-cü ilin sentyabrında Bağ-
1
Асан Сабри Айвазов. История национального движения в Крыму,
«Ватаным», 2005, № 3, с. 19.
Dostları ilə paylaş: |