ƏDƏBİYYAT
1. At üstündə milli idman oyunları, Bakı, 1983
2. Azərbaycan folkloru antologiyası. I kitab, Bakı, 1968
3. Bağırov İ. “Kitabi-Dədə Qorqud”da fiziki və hərbi vətənpərvərlik tərbi yə -
si məsələləri”, “Azərbaycan məktəbi” jurnalı, 1973, № 7
4. Cəmşidov Ş. “Kitabi-Dədə Qorqud”. Bakı, 1977
5. “Kitabi-Dədə Qorqud”. Bakı, 1978
Çapa tövsiyə edən: Fil.ü.e.d. Seyfəddin Rzasoy
2014/
I
146
Azərbaycan Yazıçılar Birliyi Muğan bölməsinin sədri
e-mail: namiq_haciheyderli@mail.ru
SALYANDA NOVRUZ
(Varlı kəndindən toplanmış materiallar əsasında)
Xülasə
Məqalədə Salyan rayonunun Varlı kəndində mövcud olan Novruz adətlərindən bəhs
olunur. Bu adətlərin bir qismi hal-hazırda da öz varlığını qoruyub saxlasa da, bir qismi
mövcudluğunu qoruya bilməmişdir. Varlı kəndində olan Novruz adətlərinin bəziləri özü -
nə məxsusluğu ilə seçilir. Yumurtadığırlatdı, şərçıxartma belə adətlərdəndir.
Açar sözlər: Salyan, Novruz bayramı, Varlı kəndi
NOVRUZ IN SALYAN
(On the base of materials collected fran the village Varli)
Summary
In the article it is said about Novruz traditions exsisting in the village Varli of Salyan
region. Though some of these traditions save their exist now, but some of these traditions
save their exist now, but some of them couldnt save. Some of Novruz traditions in the
village Varli differ with their peculiarities. The games with eggs and to send the ghost
from the soul are such traditions.
Key words: Salyan, Novruz holiday, Varli village
НОВРУЗ В САЛЬЯНЕ
(По материалом собранных из село Варлы)
Резюме
В статье речь идёт о сушествующих традициях праздника Новруз в селе Варлы
Сальянского района. Некоторые из этих традиций сохранились до сих пор, но
некоторые не смогли сохраниться. Некоторые традиции Новруза в селе Варлы
выделяются своей специфичностью. Игры с яцами, изгнания зла из таких обрядов.
Одно из этих обрядов является игры с яйцами и изгнания зла.
Ключевые слова: Сальян, Праздник Новруз, село Варлы
Məsələnin qoyuluşu: Novruz adətlərinin bölgələr üzrə öyrənilməsi.
İşin məqsədi: Salyan rayonunun Varlı kəndinin Novruz adətlərini
öyrənmək.
XX əsrin 80-ci illərində kəndimizdə – Muğan torpağında, Salyanın
Varlı kəndində “Novruz” necə qarşılanırdı və necə keçirilirdi? Bunları
yazmaqda fayda görürəm. Səbəbi budur ki, artıq bu adətlərin bəziləri
unudulub və unudulmaqda davam edir və əminəm bunları yazmasam
2014/
I
147
kimsə yazmayacaq. Həm də uşaqlıq illərim ötən əsrin 80-ci illərinə düşüb
deyə bu dövrdə “Novruz”un qarşılanma sürəcinin davamlı olaraq “fəal
iştirakçısı” olmuşam.
Kəndimizə “Novruz” martın 21-də yox, bundan bir ay əvvəl gələrdi;
lakin insanların çöhrəsinə, davranışına, duyğularına gələrdi. Özəlliklə, bu
bayramın gəlişi bir ay öncədən çocuqların həyatında daha çox duyulurdu.
Beləliklə;
Yumurtadığırlatdı – bir ay öncədən yumurtadığırlatdı yarışı başlardı.
Uşaqların ən sevimli oyunu idi. Kəndin bəlli yerlərində yumurtanın
rahatlıqla 2-3 metr məsafədə dığırlana biləcəyi yerlər seçilirdi. Növbə ilə
2-2 olmaqla yumurta dığırlatmağa başlardıq. Seçim uşaqların özlərinə
buraxılardı. Növbə ilə əvvəl uşağın biri yumurtanı dığırladır, digəri isə
onun yumurtasını hədəf seçərək dığırladardı. İstəkdən aslı olaraq bu 3-5
dəfə təkrar olunardı. Yəni rəqibin dığırlatdığı yumurtanı nişan alaraq
dığırlatmalı və dığırlatdığın yumurta onun yumurtasına toxunmalı idi.
Kim rəqibinin yumurtasını daha çox nişan almış olsaydı o qazanmış
sayılardı. Uşaqlardan kimisi bu oyundan əliboş, kimisi də bir neçə yumur-
ta “qazanaraq” sevinclə geri – evlərinə dönərdi.
Yumurtadöyüşdü – həm dığırlatmaq, həm də döyüşmək üçün yumur-
talar xüsusi olaraq seçilirdi. Dığırlatmaq üçün seçilən yumurtaların daha
çox dairəvi olmasına, daha çox dığırlana biləcəyinə, dığırlanarkən
“yoldan çıxmayacağına” üstünlük verilirdisə, döyüşmək üçün möhkəm,
daha gec sına biləcək yumurtalar seçilirdi. Bunun üçün əvvəlcə evdə olan
bütün yumurtaları döyüşdürür və ən sona sınmadan qalan yumurtaları
seçərdik. Bu üzdən həmin dönəmdə soyuducularda sınmamış yumurta
tapmaq müşkül məsələ idi. Bu oyun üçün 1-2 ay öncədən yumurta seçib
saxlayanlar da olurdu. Belə ki, yumurtadöyüşdü oyunu üçün seçilən
yumurtalar nə qədər köhnə olardısa “döyüş qabiliyyəti” bir o qədər yük-
sək olardı. Bəzən öncədən uduzub-uduzmayacağımızı bəlli etmək üçün
rəqibin yumurtasını dişimizə vurar, özəlliklə, qaynanmış olub-olmadığını
yoxlayar və bundan sonra yumurtalarımızı döyüşdürüb-döyüşdürməyə cə -
yi mizə qərar verərdik. Yumurtanın qaynanmış olmadığına əmin olmaq
üçün onu hamar yerin üstündə fırladardıq. Bu zaman yumurtanın qaynan-
mış olub-olmadığını asanlıqla bəlli edərdik. Çiy yumurta 1-2 dəfədən
artıq fırlanmaz. Əyər yumurta 3-4 dəfə və bundan daha artıq fırlanardısa
qaynanmış olduğuna qərar verərdik.
Maşalatdı – ən sevimli adətlərimizdən idi. Köhnə parçaları bir yerə
2014/
I
148
toplayıb məftillə möhkəm-möhkəm sıxardıq. Sonra onu neft dolu qablara
qoyardıq. Burada bir neçə gün qalan maşal (bəziləri ona lopa da deyirdi)
nefti canına çəkərdi və bu da həmin maşalın xeyli müddətə yanmasını
təmin edərdi. Bayram günü maşallarımızı götürüb dəstə-dəstə kəndin çöl-
lərinə dağılışardıq. Maşalı bir neçə dəfə fırladar və mümkün qədər daha
yuxarı tullamağa çalışardıq. Hər məhlənin uşaqları maşal atmaq üçün
ayrı-ayrı yerlər seçərdi. Hərəmizin 1-2 ehtiyat maşalımız da olardı. Biz -
dən xeyli uzaqda bir neçə yerdə uşaqların bizim kimi səs-küylə maşal
atmasını da seyr edərdik. Gecə yarısına qədər maşalatdı oynardıq.
Qurşaqatdı – bu sevimli adəti də icra edərkən dəstələr şəklində olar -
dıq. Kənd yerində geniş həyət-baca var deyə özümüzü ələ verməmək
üçün gətirdiyimiz torbaları qapının ağzına qoyar və bir az aralıdan qapını
balaca daşla vurardıq. Bu gecə qurşaq atılacağına hazır olan ev adamları
dərhal səsi duyar və qapıya çıxardı. Torbaya “Novruz” bişmələri, qoz-
fındıq, meyvə qoyduqdan sonra yenidən qapının ağzına qoyar və evə-
gizlinə çəkilərdi. Uzaqdan bütün bunları gizlicə seyr edərdik. Ev əhli
içəriyə çəkilən kimi torbanı götürüb digər evlərə “hücum çəkərdik”.
Tonqalqaladı – Çərşənbələrdə həyata keçirilən adət idi. Tonqal qala-
maq və üstündən tullanmaq işində kimsə geri qlmazdı. Evdə lap bələkdə
körpə varsa belə o da həyətə gətirilər, “balamın ağırlığı-uğurluğu odda
qalsın”– deyə üç dəfə tonqalın üstündən keçirilərdi. Əyər evdə həyətə
düşə bilməyən xəstə varsa onun əvəzindən tonqalın üstündən üç dəfə tul-
lanmaq digərləri üçün vacib əməl idi. Bu işdə əsgərlikdə və səfərdə olan-
lar da unudulmazdı. Mütləq onların da əvəzinə tonqalın üstündən tullanar
və “filankəsin ağırlığı-uğurluğu odda qalsın” – deyilərdi. Çərşənbə
ocağının külü müqəddəs sayılardı. Səhər yuxudan duran kimi axşam qa -
lanan tonqalın külünü bir qaba yığar və bağlara səpərdilər ki, bağ ruzili
bərəkətli olsun.
Qapıpusdu – bu adət uşaqların o qədər də marağında deyildi. Qapı
pusmağa əsasən ağlıkəsən adamlar və nisbətən böyük uşaqlar gedərdi.
İnanırdılar ki, qapını pusarkən evdən xoş söhbət eşitsələr növbəti il onlar
üçün çox yaxşı keçəcək. Ev adamları bu adətə də hazır olardılar. Evdə
uşaqlar ərköyünlük edəndə, bir-birinə qışqıranda evin böyüklərindən
kimsə: “A bala, bir-birinizlə xoş danışın, xoş söz deyin, birdən qapı pusan
olar” – deyərdi. Bu söz evdə danışılanların açığa çıxmasından qorxulduğu
üçün deyil, qapıpusanın kefsiz halda geri qayıtmaması üçün deyilərdi.
Bayramlaşma – bu, “Novruz” bayramı günü həyata keçirilərdi. İn san -
2014/
I
149
Dostları ilə paylaş: |