Dədə Qorqud ● 2015/I 37
sında da tətbiq olunmuşdur. İqtisadiyyatda mühüm rol oynayan elatlar əhalinin
müəyyən bir hissəsini təşkil edirdilər:
Yaz olanda büsatıdı dağların,
Ətəyində yer eyləyər elata (1, 45).
Aşıq burada köçə işarə etmişdir. Məlumdur ki, «yaylağa köç edərkən
aramla yol qət edilir, heyvanların yaxşı bəslənməsi üçün ərazidəki yem onların
tələbatını təmin etmirsə, digər ərazilərə köçmək zərurəti yaranır. Buna görə də
heyvanların bol yemli, geniş otlaq sahələrinə malik olan digər ərazilərdə otarıl-
ması lazım gəlir. Yem mənbəyi olan otlaq sahələrinin birindən digərinə köçül-
məsi köçmə təsərrüfat tipinə xarakterikdir. Burada onu da nəzərə almaq lazımdır
ki, köçün belə aramla getməsi həm də mühitə yavaş-yavaş uyğunlaşmaq, yorul-
mamaq üçün idi» (2, 103).
Məlumdur ki, «mədəniyyətin başqa sahələri kimi, maddi mədəniyyət də
cəmiyyətin təbii və sosial mühitə uyğunlaşması mexanizmini təşkil edir. Başqa
sözlə, onda həm etnosun məskunlaşdığı təbii coğrafi mühit, həm də onun icti-
mai-iqtisadi inkişafının səviyyəsi, siyasi quruluşu, əhatəsi və digər konkret tarixi
şərait öz əksini tapır. Maddi mədəniyyət anlayışı mədəniyyətin yalnız istehsal və
tələbat sahəsində maddi gerçəkləşən varlığını deyil, həmçinin onunla bağlı olan
insan fəaliyyətinin forma, təcrübə və istiqamətlərini əhatə edir» (9, 6). Maddi
mədəniyyət ünsürlərindən yaşayış məskən və evləri barədə məlumat verən aşıq
oba və sarayın adını çəkmişdir:
Qayaları sökdürərdim,
Zərdən saray tikdirərdim,
Yağıları çökdürərdim,
Mənnən təpər, dözüm qaldı (1, 25).
Burada həm də maddi mədəniyyət nümunəsi olan saray tikintisində böyük
sal daşlardan istifadə olunduğuna işarə edilir. Karxanalardan əldə olunan möh-
kəm daşlardan ev tikintisində istifadə olunduğu bəllidir. Müəllif çıl-çıraqlı sara-
yın adını çəkir (1, 28). Məlumdur ki, orta əsrlərdə evlərdə və xüsusən də saray-
larda müxtəlif işıqlandırma vasitələri, o cümlədən çıraqlar işlədilirdi.
Maddi mədəniyyət ünsürlərindən biri də süfrələrin bəzəyi olan yemək və
içki növləridir. Tarixi Azərbaycanın qərb bölgəsi olan qədim Göyçə diyarının
timsalında bölgənin yeməklərindən söz açan aşıq deyir:
Xəngəli, xaşılı gəlməyib sana,
Beçə qızartması loğmandı cana.
Ballı qayğanağı hələ bir yana,
Dillərdə söylənir aşı Göyçənin.
Dədə Qorqud ● 2015/I 38
Çörək ətirlidi isti təndiri,
Baldan da dadlıdı motal pendiri.
Kababın xoş iyi tutar hər yeri,
Kəsilməz il boyu şişi Göyçənin (1, 236).
Xalqın məişətində maddi mədəniyyət elementi kimi geyim və bəzəklərin
özünəməxsus yeri vardır. İnsanların geyim tərzinə təbii şəraitin, yaşadıqları ətraf
mühitin və əsrlərdən bəri formalaşan adət və ənənələrin təsiri olmuşdur. Geyim-
lər müəyyən mənada adamların ictimai vəziyyətini də əks etdirir. Bu xüsusiyyət
öz əksini geyimlərin quruluşunda, bəzəklərdə, naxışlarda tapmışdır. Geyim və
bəzəklərdəki müxtəliflik, ornamentlərdəki çalarlar həyat tərzini, ictimai mənsu-
biyyəti özündə əks etdirməklə ərazi üzrə fərqli olması ilə də seçilir.
Misgin Abdal yaradıcılığında geyim və bəzəklər barədə də məlumat əldə
etmək mümkündür. O, el-oba gözəllərini vəsf edərkən onların geyimlərinə də
işarə edərək belə deyir:
Misginin söhbəti-sözüsən,
Cümlə gözəllər gözüsən,
Bu dağların nərgizisən,
Bürünmüsən şala, yarım (1, 30).
Burada aşıq qadınların baş örtüyü olan şaldan bəhs edərkən onun həmçinin
nisbətən həcmcə böyük olduğuna toxunmuşdur. Yəni şal o qədər böyükdür ki,
ona bürünmək olur. Bu etnoqrafik təsvirdən aydın olur ki, Göyçə mahalının
qadınları şaldan istifadə edirdilər.
Al qumaş, bez, xara və tirmədən hələ qədimlərdə geyimlərdə parça kimi
istifadə olunduğu bəllidir. Buna işarə edən aşıq deyir:
Bir şəcərəm, bir kəşkülüm,
Gur ocağım, odum, külüm,
Yığın-yığın varım, mülküm,
Al qumaşım, bezim qaldı (1, 26).
Bundan əlavə aşığın yaradıcılığında, libas, köynək, çuxa, kimi geyim növ-
lərinin olduğunu görürük. M.Abdalın bəhs etdiyi boyuna taxılan həmayıl gözəl-
lərimizin sinələrini bəzəyən zinət əşyaları olmuşdur (1, 89). Aşığın yaradıcılığı
barədə məlumat verən H.İsmayılov haqlı olaraq qeyd edir ki, «Misgin Abdal
şerində bütöv bir dövrün etnoqrafik qiyafəsi ən zərif detalı, ayrıntısı ilə canlan-
dırılır. Onun şerləri bədii möcüzədir. Qırmızı mərcan taxmış «mərkus köbəsi»
ala dizlik geyən, çəpgəni atlas Göyçə gözəlinin bəyaz, al yanaqlı çöhrəsini
rübəndi gizləyir. Ala gözlü, siyah sürməli, yaşmaq altdan baxan Sənubəri, sağrı
Dədə Qorqud ● 2015/I 39
başmaqlı, üstü zər baftalı atlas güləcəli, quşu zər tanalı göyçəli qızı» (1, 21).
Buna uyğun təsvir Qurbani yaradıcılığında da yer almışdır. Aşıq Qurbani yazır:
Sağrı başmaq geyib, nalçası gümüş.
Zər tanalı köynək, həşyəsində (haşiyəsində) quş,
Mirvari topuqlu tutayı naxış,
Qırx işkə qız sənə xidmətkar gərək (10, 84).
Deməli, qadın geyimlərində köynəyin kənar haşiyəsində quş təsvirindən
istifadə olunmuşdur. Orta əsrlərdə çarıq kimi ayaqqabı növündən və onun bağı
olduğundan bəhs edilir (1, 65). M.Abdal yazır:
Çox da asan deyil bu dağı aşmaq,
Geydim ayağıma dəmirdən başmaq (16, 155).
Azərbaycanın dağlıq və dağətəyi yerlərində «ayaqqabılarının altına «dəmir
çarıq» adlanan qarmaqlı dəmir bağlayırdılar» (17, 143-144). M.Nəsirli Strabo-
nun da bu barədə verdiyi məlumata əsaslanaraq belə çarıqların qədimliyini sübut
edir. Orta əsrlərdə bunlara bənzər ayaqqabıdan istifadə olunduğu bir miniatür-
dən aydın görünür (18, 36). Lakin miniatürdəki təsvirdəki ayaqqabı formaca
müəyyən qədər fərqlidir.
Misgin Abdalın maddi mədəniyyət ünsürlərindən cam, çəngəl, badə kimi
ləvazimatların adlarını çəkməsi onlardan orta əsrlərdə məişətdə geniş istifadə
edildiyini söyləməyə imkan verir. Bununla yanaşı, Misgin Abdal su canağının
və dolanan çarxın adlarını çəkmişdir (1, 26-27). Məişət əşyaları içərisində o,
taxta təknənin adını qeyd edir (13, 167). Bundan əlavə aşıq «o solğun yanan çı-
rağın piltəsinə əl atdı» – deməklə çırağın təsvirini verməyə çalışır (13, 147).
Aşığın yaradıcılığında qeyd olunan xəncər, bıçaq, şeşpər, qılınc, tərəzi me-
talişləmə sənətinin olduğundan söhbət açır (1, 37-38; 47). Metalişləmə Azərbay-
canda qədim tarixi olan sənətkarlıq sahələrindən biridir. Təbiətdə müxtəlif fay-
dalı qazıntıların olması burada metalişləmənin yaranıb inkişaf etməsinə geniş şə-
rait yaratmışdır. Metalişləmənin üç əsas sənət sahəsi vardır: dəmirçilik, misgər-
lik və zərgərlik. Metaldan müxtəlif alətlər, ev əşyaları, silahlar və s. hazırlandığı
bəllidir. Aşığın yaradıcılığında həmçinin dərvişlərin istifadə etdiyi kəşkülün adı
çəkilir. Tarixdən bəllidir ki, orta əsrlərin bu dövründə metalişləmə məmulatları
xarici ölkələrə belə ixrac edilmişdir. Oruc bəy Bayatın məlumatlarından aydın
olur ki, dəmir zireh geyimləri ölkənin hər yerində o qədər istehsal olunur ki, hət-
ta Moskvaya belə ixrac edilir (11, 34). Abdal yaradıcılığında kürənin qalan-
dığından bəhs edilməsi metalişləmə ilə bağlı sənət sahələrinin mövcudluğunu bir
daha təsdiq edir (1, 27).
Dostları ilə paylaş: |