Qaraçay ədəbiyyatı
75
baş qəhrəmanı Sosurukun doğulması da daşla bağlıdır. Sosuru-
kun ənənəvi doğuluşunda biz Satanayı da görürük. Burada nart
çoban, nart dəmirçi də vardır. Malkariyada isə belə bir hekayət
dolaşmaqdadır ki, böyük bir çayın kənarında döyüşdən qayıdan
nartların gözü qarşısında nəhəng bir daş bölünür ki, onun içindən
körpə-batır çıxır” (3,27). Qaraçayda Sosuruk daşı müqəddəs
daş hesab olunur və bu daş Qarakənd qəsəbəsi yaxınlığın-
dadır. Tədqiqatçılar belə hesab edirlər ki, bu daşın üzərində
it ayağının izləri, qatır (kъадыр) dırnağı, batırın alnının yeri,
onun ayaqlarının, ovucunun içinin izlərini görmək mümkün-
dür. Eyni zamanda bildirilir ki, uşağı olmayan qadınlar bu da-
şın üstünə qida məhsulları gətirib yeyər, ya onun üstündə olan
dırnaq izinin üstə yatar, ya da daşın ətrafına fırlanarlar ki,
hamilə ola bilsinlər. Kişilər yol ötərkən yeməyin bir hissəsini
daş üzərinə qoyarlar ki, yolları uğurlu olsun. Qaraçaylıların
inamına görə Sosuruk daşı göy rəngdədir.
Əşyavi obrazın mifologiyalaşdırılması (məsələn, dağ, daş,
xəncər) Qaraçay-malkarların bədii şüuru üçün kifayətqədər xa-
rakterikdır. Burada biz Q.Quliyevin “Od”(“Ot”), “Oraq”(“O-
rakъ”), M.Atabiyevin “Müqəddəs daş”, D.Mamçuyevanın “Mavi
dağ” (“Kökle kъaya”) poemalarının adlarını çəkə bilərik. Qeyd
edək ki, hər bir sənətkar üçün bu və ya digər obraz öz
ölçülərinə və assosiasiyalarına malikdir. Bununla bağlı Q.Qu-
liyev yazırdı: “Nə qədər təəccüblü olsa da, daş məni fikirləş-
məyə, səbirli olmağa öyrədib, şeirlərimdə sözçülükdən kənar
durmaqda qoruyub. Kərənti, xəncər, bıçaq da daşsız heç nədir
- onlar daşın köməyi ilə itilənir. Yerlilərim də daş arxasın-
dan düşmənə güllə atıblar, yorulanda daş üstündə oturublar...
bəzən də qayadan qopmuş daş onları məhv edib. Və bir də,
nəhayət, daş həm də dağlar sakininin başdaşına çevrilməklə,
onun adını uzun illər qoruyub saxlayır. Daş dağlını bələkdən
qəbr evinə qədər müşayiət edir” (2,270).
Beləliklə, söylədiklərimiz bir daha göstərir ki, epik das-
tanların və hekayətlərin ideyaları və strukturu xalqın estetik
Nizami Tağısoy
76
şüurunu formalaşdırmaqla, həm də xalqın nəğmə ənənəsinin
mütərəqqi tərəfləri poetik janrın inkişafında mühüm rol oyna-
maqla təyinedici amil kimi xidmət edə bilir (4,97).
Ədəbiyyat
1. Каракетов М. Из традиционной обрядово-культовой жизни
карачаевцев. М., 1995.
2. Кулиев К. Так растет дерево. М., «Современник», 1975.
3. Нартла. Малкъар-къарачай нарт эпос. М., «Восточн.лит».,
1994.
4. Узденова Ф.К. К этимологии традиционных концептов
карачаево-балкарской поэзии// Ortaq türk keçmişindən
ortaq türk gələcəyinə. IV Uluslararası Folklor konfransının
materialları. Bakı, 2006.
2.4.Nağıllar
Qaraçay xalq nağıllarında fantastika və qədim dünyanı dərk-
lə yanaşı, həm də real həyat, məişət, davranış məsələləri, tarixi
hadisələr və s. öz əksini tapmışdır. Folklorun bu son dərəcə geniş
yayılmış janrında şərq nağıl ənənələrindəki obraz və süjetlərdə
nağıl-fantastika elementlərini aydın görmək mümkündür. Seh-
rli nağıllarda animist, totemist inanclarla yanaşı, ov himayəçisi
Apsatı, ev heyvanlarının himayəçisi Aymuşa (“Zınqırdak”, “Ay-
muş”) baş əymə, təzim etmə də özünü büruzə verir ki, bu da dağ-
lıların ov və heyvandarlıqla məşğul olduğunu göstərir. Bu tipli
nağıllar bəzən nartlar haqqında dastanların süjet və qəhrəmanları
ilə bağlı olub yeni forma yaratmaqla, etnosun epik düşüncə tər-
zini qoruyub saxlayır. Məsələn, Qaraçay nağıllarında nart eposu
motivlərinin olduğunu “Yeryüzmək” nağılı bir daha təsdiqləyir.
Bu epik növdə məişət nağılı isə sehrli nağıllarla çulğaşmaqla,
emegenlərlə mübarizə mənzərələrini ön plana çıxarır.
Qaraçay ədəbiyyatı
77
Heyvanlar haqqında olan Qaraçay nağılları əksər hallarda nə-
sihət və didaktik xarakterlidir. Onlarda ifadə olunmuş alleqoriya-
larda xalq etik normalarının izlərini görmək mümkündür.
Bununla belə digərlərindən fərqli olaraq Qaraçay məişət na-
ğılları daha maraqlıdır. Xalq qəzəbinin insafsız bəylərə, hakimlərə
qarşı yönəldiyini əks etdirən bu məişət nağılları realist cizgilərlə
seçilməklə, həm də adi insanlara qan udduranları satira atəşinə
tutur (məsələn, “Əfəndi və şeyxin qəbri”, “Üç qardaş” və s.), on-
ları tənqid edir. Qaraçay məişət nağılları üçün digər türk xalq-
larında (Azərbaycan türklərində, qazaxlarda, qaraqalpaqlarda və
b.) olduğu kimi Kosa obrazı xüsusilə səciyyəvidir. Kosa Qaraçay
nağıllarında qəddarlıq, hiyləgərlik və xəsislik kimi mənfi keyfiy-
yətlərin daşıyıcısını təcəssüm etdirir. Qaraçay məişət nağıllarının
ən geniş yayılmış motivi və mövzusu muzdurun qəddar və xəsis
sahibkarına qarşı qisasını əks etdirməsidir. Muzdur obrazı Qara-
çay nağıllarında son dərəcə populyar obrazdır. O, xalqın qələbə
inamının daşıyıcısı kimi səciyyəvidir.
Qaraçay məişət nağılları həm də antiklerikal istiqamətliliyi
ilə güclüdür. Buna “Əfəndi və şeyxin qəbri” nağılı nümunə ola
bilər. Hakim və məmurları ifşa edən Qaraçay xalq nağıllarında
rüşvətxor, naqis, ədalətsiz hakimlər, vaxtı ilə mövcud olmuş məh-
kəmə sistemi tənqid atəşinə tutulur.
Qaraçay-malkar satirik məişət nağıllarına Nəsr Xoca (Azər-
baycan türklərində Molla Nəsrəddin, Anadolu türklərində, öz-
bəklərdə, türkmənlərdə, qaqauzlarda, qaraqalpaqlarda Xoca Nəs-
rəddin kimi məşhur olan) haqqında lətifələri də aid edirlər. Bu
lətifələrin qəhrəmanı xalq optimizminin ifadəçisidir. Qaraçay
məişət nağıllarında qadın obrazı daha mühüm yer tutur. Bu mə-
nada məişət nağıllarında müsbət rolu hətta Qaraçay atalar sözü
(“nart sözle”) “Qadın kişinin qanadıdır” deyimi də sübut edir.
Məsələn, “Dağlı necə səyahətə çıxdı”, “Ovçar” kimi nağıllarda
qadın qəhrəmanın müdrik və yaxın rəfiqəsi kimi təqdim olunur.
Dostları ilə paylaş: |