Nizami Tağısoy
90
zasiyanın özünəməxsusluğu, bədii ifadə vasitələrinin fərqliliyini
görürük.
Malkar-Qaraçay nart qəhrəmanlarından danışan tanınmış
folklorşünas, maarifçi-yazıçı S.-Ə.Urusbiyev eposla bağlı XIX
əsrin 80-ci illərində yazırdı: «Nartlar çətinlik və məhrumiyyət-
lərdə bərkimiş qeyri-adi qüvvəyə və nəhəng qamətə malik xalq
idi. Onlar bütün həyatını qənimət əldə etmək məqsədi ilə təh-
lükə altda qoymaqla sərgüzəştlər axtarmağa, çortuullar adlanan
gəzintilərə həsr etmişdilər. Nartlar təhlükəsiz və çətinliksiz ələ
keçirilmiş heç bir şeyi qəbul etmirdilər… onlar elə sərgüzəstlər
axtarırdılar ki, orada bütün şücaətlərini və güclərini nümayiş et-
dirə bilsinlər. Çortuullardan asudə vaxtlarda isə onlar şənliklər
təşkil edər, batır oyunları və nəğmələrə meydan verərdilər» (13,
600-601). Nartlar qəhrəmanlıq və cəngavərlik simvoludur. Nart
qəhrəmanlarının təsviri spesifikasında qədim epik qəhrəmanlıq
estetikası ilə sıx bağlılığı görməmək mümkün deyildir. Burada
idealizasiya qəhrəmanın doğulması və onun uşaqlıq dövrünün
təsviri ilə səciyyələnir.
Müxtəlif milli versiyaların spesifikası əsasən dastanda qəh-
rəmanın hansı aparıcı yeri, hansı funksiyasını yerinə yetirməsi,
necə xarakterizə olunması hansı mərhələləri ilə seçilməsi və ver-
siyanın hansı bədii-ifadə vasitələrinin ilə zənginliyi ilə bağlıdır.
Malkar-Qaraçay eposunda Satanay, Yeryüzmək, Sosuruk, Debet,
Alauqan, Qaraşauay, Bödən və Raçikau dastanları qəhrəmanların
adları ilə bağlı olmaqla, daha üstün mövqedə dayanırlar.
Nartlarda hər dastan müstəqil süjet xəttinə malikdir. Dastan-
ların ayrı-ayrı hissələri arasında səbəb-məqsəd əlaqələri möv-
cud deyildir: bu və ya digər batırın «epik biografiyası»ndan olan
müxtəlif epizodlar dastanda heç də mütləq məntiqi ardıcıllıqla
izah olunmur və eyni zamanda konkret batıra həsr olunmuş das-
tanların heç də hamısı ifa edilib söylənilmir. Bütün sikllər üçün
ümumi yalnız qəhrəmanın özüdür. Bu xüsusiyyət əksər xalqların
Qaraçay ədəbiyyatı
91
nart eposu qəhrəmanları üçün səciyyəvidir.
Malkar-Qaraçay «Nartiada»sının digər xalqların eyni adlı
eposu ilə müqayisəsi zamanı bir sıra maraqlı məqamlara diqqət
yetirək. Məsələn, osetin versiyasında biz Tlepş adlı qəhrəmanla
rastlaşırıq. Elə buradaca qeyd edək ki, Tlepş (Telepinu) qədim
hett dastanlarının qəhrəmanlarından biridir. Bu resepsiya osetin-
lərin sak-sarmat-massaget tayfaları, qədim şumerlər və hettlərlə
əlaqələrinə dolayısı ilə olsa da sübutdur. Malkar-Qaraçay dastan-
larında isə nədənsə biz Tlepşlə rastlaşmırıq. Lakin bu heç də o
anlama gəlmir ki, malkar-qaraçaylılarda sak-sarmat-massaget iz-
lərini tapmaq mümkün deyildir.
Malkar-Qaraçay nartlarının Debet, Alauqan və Qaraşauay və
«Nariada»nın digər versiyalarının müqayisəli təhlili göstərir ki,
Debet və Alauqan haqqında nəğmə və dastanlar yalnız malkar-qa-
raçaylılarda mövcuddur. Bu siklin ənənəvi epik detalları, onların
özünəməxsusluğu digər türk-monqol xalqlarının dastanları ilə
paralellər aparmağa imkan verir. Malkar-Qaraçay nart eposunda-
kı obrazlar sistemində Yeryüzmək və Satanay başlıca mövqedə
durduğu halda, adıq eposunda Yeryüzməyə son dərəcə passiv rol
verilir. Onun adı dastanda son dərəcə az çəkilir. Odur ki, adıq
eposunda «Ozırmes tamamilə solğun bir fiqur kimi»dır. Osetin
eposunda isə Urızmaq nəhəng qəhrəman olmasına baxmayaraq,
daim bədbəxtliklər içində və qocalıb əldən düşmüş kimi təsvir
olunur.
Malkar-Qaraçay nart dastanlarında Satanayın mədəni-sivil
rolu və funksiyası daha parlaq verilir. Belə ki, o, nart qadınları-
nı toxumaq, tikmək, çörək bişirmək, digər işləri görmək, toxucu
dəzgahı düzəltmək, əl dəyirmanı yaratmaq və s. tanış edir. Sa-
tanay malkar-Qaraçay eposunda digər milli versiyalarda olduğu
kimi məftunedici təsir bağışlayır. Çünki Satanay nəinki özü digər
obrazlara çevrilə bilir, həm də bəzi əfsunlar oxumaqla bunu di-
gərləri ilə də edir.
Malkar-Qaraçay eposunda Yeryüzməkdən başqa nartların
Nizami Tağısoy
92
hamısı düşmənlərlə mübarizədə məkr və hiyləgərlik işlətməklə
öz əfsunçu bacarıqlarını nümayiş etdirir (10). Bəlkə də bu ondan
irəli gəlir ki, bütün bu funkisyaları Satanay yerinə yetirir və la-
zım gəldikdə Yeryüzmək ondan istifadə edir. Buna görə də Yer-
yüzmək əksər hallarda düşmənlərin üzərində qazandığı qələbəni
məhz öz müdrik və tədbirli arvadına görə əldə edir. Satanay bu
funksiyasını digər milli versiyalarda da yerinə yetirir. Məsələn,
abxaz eposunda Satanay Quaşanın bədbəxtliyini görmür, əv-
vəlcədən hiss edir. Osetin dastanlarında isə onun peyğəmbərlik
bacarığı özünü o qədər də nümayiş etdirmir. Osetin, abxaz, adıq
versiyalarından fərqli olaraq, malkar-Qaraçay eposunda Satanay
ölməzdir (11,414-415). Dastanlarda Satanayın Yeryüzməyin və
nartların ardınca səmalara uçduğu qeyd olunur.
Sosuruk haqqında malkar-Qaraçay siklini nəzərdən ke-
çirdikdə Sosurukun doğulması zamanı Satanayın hərəkətləri
özünəməxsus şəkildə izah olunur. Belə ki, Sosuruku Daş arasın-
dan çıxara-çıxara və onun göbəyini kəsə-kəsə, Satanay ritual ye-
rinə yetirə-yetirə Göy Tanrısına, Yer Tanrısına, Su Tanrısına, Od
Tanrısına müraciət edərək deyir: «Onu əsl nart edin, qoy ona nə
qılınc, nə də ox toxunmasın! Qoy o daim düşmənlərinə qalib gəl-
sin!».
Sonra Satanay yeddi dağın bulağından su götürüb onunla
körpənin ağzını yaxalayır və deyir: «Bu yeddi dağ sənin anandır,
mən onların südü ilə sənin ağzını yaxaladım». Sadaladığımız bu
motivlər də yalnız malkar-Qaraçay dastanları üçün xarakterikdir.
Sosuruk siklinin (malkar-Qaraçay versiyası) digər xüsusiyyə-
ti Sosurukun batır qüvvəsinin geniş təsviridir ki, bu onda özünü
uşaqlıqdan göstərməklə başlayır.
Nartların müxtəlif versiyalarında qəhrəmanların müxtəlif tipli
emosiya və hissləri ifadə olunur. Onlar poetik dilin sabit şifahi xalq
elementləri kimi nəzərdən keçirilir. Bu obrazlı ifadələr xüsusi məna
çalarları daşıyır və daim epik kontekstlə orqanik əlaqədə olur.
Türk xalqlarının epik dastanları, məlum olduğu kimi, nəzm-
Dostları ilə paylaş: |