Vüsalə Musalı. Azərbaycan təzkirəçilik tarixi
327
“Lətaifül-xəyal”, “Məcalisün-nəfais”, “Məcməül-xəvas” və s. kimi
təzkirələrin, “Əhsənüt-təvarix”, “Tarixi-aləmarayi-Abbasi”, “Ca-
hangüşayi-Cüveyni”, “Həbibüs-siyər”, “Silsilətün-nəsəbi-Səfəviy-
yə”, “Səfvətüs-səfa”, “Zəfərnameyi-Nizaməddin Şami”, “Mücmə-
lüt-təvarix”, “Müntəxəbüt-təvarix” və s. kimi tarixi məxəzlərin ad-
larını çəkə bilərik. Təzkirədə Azərbaycan Respublikasında çap
edilmiş tədqiqat əsərləri, şeir kitabları və ədəbiyyat müntəxəbatla-
rına da müraciət edilmişdir.
Məsələn, Nişat Şirvanidən bəhs edən təzkirəçi yazır: “XVIII
əsr Azərbaycan ədəbiyyatı tarixində Füzuli ənənələrini davam etdi-
rən, anadilli şeir dünyasında özünəməxsus dəsti-xətti olan istedadlı
sənətkarlarımızdan biri də Nişat Şirvanidir. Həyatı və yaradıcılığı
haqqında məlumatımız azdır. Əsərlərindən məlum olur ki, şair Şa-
maxı şəhərində anadan olmuş, sonralar nə səbəbdənsə oranı tərk
edərək Salyan şəhərinə köçmüşdür. Akademik H.Araslının fikrin-
cə, Nişat Şirvani XVIII əsrin I yarısında yaşayıb-yaradan Azərbay-
can şairləri içərisində ən şöhrətlisidir. İndi iki qəzəl Azərbaycan
klassik ədəbiyyatı kitabında 268-ci səhifədə çap olubdur, birlikdə
oxuyuruq”
448
:
Sağın ey qönçə dəhən, gül kimi xəndan gəzmə,
Dağıdıb zülfi pərişanu-pərişan gəzmə.
Gəzmə, qurbanın olum, qədrini bilməzlər elə,
Qorxuram hüsnünə nagəh yetə nöqsan gəzmə.
Əzizim, istərisən şöhreyi-şəhr olmayasan,
Seyri-bazar edib əğyar ilə meydan gəzmə.
El yaman - yaxşıdır, gəzmə bu kafirlər ilə,
Sənə yüz kərrə dedim gəzmə müsəlman, gəzmə.
448
Dəyhim M. Təzkireyi-şüərayi-Azərbaycan. Təbriz, 1371, V c., s. 448-450.
Vüsalə Musalı. Azərbaycan təzkirəçilik tarixi
328
Ey Nişat, sən səri-kuyində müqim ol yarın,
Gəşti-bağ eyləmə gəl, bağ ilə bostan gəzmə.
Təzkirədə Nişat Şirvaninin başqa bir qəzəlinə də yer veril-
mişdir.
Təzkiəçi XX əsr Azərbaycan şairlərindən Ə.Cəmil, B.Vahab-
zadə, S.Rüstəm, Ş.Dəlidağ, Ə.Cavad, Ə.Qəşəmoğlu, Qabil, İ.Tap-
dıq, P.Qəlbinur, A.Mirzə, M.Araz, N.Həsənzadə, N.Xəzri, M.İs-
mayıl, M.Aslan, B.Azəroğlu, N.Gün və b. haqqında məlumat ver-
miş, əsərlərindən nümunələr təqdim etmişdir. O, XX əsrin 90-cı il-
lərinin əvvəllərində Bakıda olmuş, buradan müasir şairlərin çap
olunmuş kitablarını əldə etmiş və təzkirəsini hazırlayarkən bu
əsərlərdən geniş şəkildə faydalanmışdır.
M.Dəyhimin qələmindən Hacı Ələmdar Mahirin bioqrafiya-
sına nəzər salaq: “Quliyev Ələmdar Əbdürrəhim oğlu Bakı şəhə-
rində balıqçı ailəsində 1950-ci ildə anadan olub. 15 yaşından şeir,
qəzəl yazmağa başlayıb. 18 yaşından Mahir təxəllüsü ilə münacat
və s. şeirləri vardır. İlk təhsilini yaşadığı Nardaran kəndində alıb.
Şairin yazdığı şeirlər çox ehsaslı və ehtivalı olan halda qəzəllərin-
də irfan və müsəlmanlıq ətiri vardır. Və öz ölkəsinin bir görkəmli
və qüdrətli şairi ünvanında tanınıbdır və xəlqlərara bir hörmətdən
bəhrələnir”.
M.Dəyhim təzkirədə Hacı Ələmdarın “Qoyma, ya Rəbb,
küfri salsın kölgə iman üstünə” və “Bu nə ətri-gülistandır, bu nə
ətri-sənubərdir” misraları ilə başlayan şeirlərini nümunə kimi təq-
dim etmişdir
449
.
Beləliklə, Ə.Dövlətabadidən və Y.Şeydadan fərqli olaraq,
M.Dəyhim öz təzkirəsinə həm güneyli, həm də quzeyli Azərbay-
can şairlərini daxil etmiş və təzkirəsini iki dildə qələmə almışdır.
449
Yenə orada, s. 487-491.
Vüsalə Musalı. Azərbaycan təzkirəçilik tarixi
329
XXI əsr
Şahin Fazil
Vüsalə Musalı. Azərbaycan təzkirəçilik tarixi
330
Vüsalə Musalı. Azərbaycan təzkirəçilik tarixi
331
ġAHĠN FAZĠL
Şahin Fazil (Fərzəliyev) 1940-cı ildə anadan olmuşdur. 1959-
1963-cü illərdə Bakı Dövlət Universitetinin Şərqşünaslıq fakültəsi-
nin fars bölməsində təhsil almışdır. Müxtəlif illərdə Əfqanıstanda
tərcüməçi işləmişdir. Tarix elmləri doktoru, professordur. Hal-ha-
zırda AMEA A.Bakıxanov adına Tarix İnstitutunda çalışır.
Keçən əsrin 50-ci illərindən başlayaraq ədəbi fəaliyyətlə
məşğuldur. İndiyədək 22 kitabı nəşr olunmuşdur. Üç qüzdən artıq
məqalənin və üç divanın müəllifidir. Azərbaycan Yazıçılar Birliyi-
nin üzvüdür. 1998-ci ildən “Məcməüş-şüəra” ədəbi məclisinə sədr-
lik edir
450
.
XXI əsrdə ilk təzkirəni Şahin Fazil qələmə almışdır
451
. Təz-
kirədə XIX əsrin 80-ci illərində yaradılmış, 43 il fəaliyyət göstər-
miş, 1980-ci ildə yenidən bərpa olunmuş “Məcməüş-şüəra” və
onun üzvlərindən bəhs olunur. Təzkirə dibaçə, “Ədəbi məclisin ta-
rixi seyri”, əsas hissə və xatimədən ibarətdir. Təzkirədə ilk olaraq
“Məcməüş-şüəra”nın yaranışından bərpasınadək bu məclisin yığın-
caqlarında iştirak etmiş söz sahiblərinin bəziləri haqqında məlumat
verilmiş və əsərlərindən nümunələr təqdim olunmuşdur. Daha
sonra məclisin bərpasından sonrakı məclis üzvlərinin həyatı və ya-
radıcılığı haqqında məlumat verilmişdir. Şairlər haqqında bilgi ve-
rilərkən heç bir prinsip əsas götürülməmişdir.
Şahin Fazil təzkirənin “Dibaçə”sində yazır:
“Təzkirə” bəhrinə baş vurmağa tab lazımdır,
Nə böyük işdi bu, ya Rəbb, bu nə qüvvət, tabdır?
Birini Seyyid Əzim yazdı ki, min rəhmət ola,
Birinin sahibi Mir Möhsün ağa Nəvvabdır.
450
Şahin Fazil. Təzkireyi-Şahin. Bakı, 2006, s. 757.
451
Şahin Fazil. Təzkireyi-Şahin. Bakı, 2006, 818 s.
Dostları ilə paylaş: |