30
rəngarəngliyə müvəffəq olmuşdu. Tənqidçi Aydın Məmmədov
“Vicdanın səsi” adlı məqaləsində yazırdı: “Kimdir haqlı?”
tamaşasının müvəffəqiyyətli alınmasını təmin edən əsas
amillərdən
biri
də
aktyor
oyunudur.
Xarakterlərin
psixologiyasında gedən mübarizə, lirik və tragik çalarların bir-
birini əvəz etməsi və tamamlaması, toxunulan problemlərin
müasirliyi və doğmalığı aktyorlara bacarıqlarını üzə çıxartmaq
üçün geniş imkan verir. Qeyd etmək lazımdır ki, tamaşa üçün
ümumən uğurlu, xarakterlərin ruhuna uyğun aktyor heyəti
seçilmişdir” (74).
Teatrşünas İlham Rəhimli “Ədəbiyyat və incəsənət”
qəzetində dərc etdirdiyi “Vicdan və hissin poetikası” məqaləsində
əsas obrazlardan Arzunun təcəssümünü “polifonik musiqi”yə
bənzədir. “Arzunun xarakterindəki ikili cəhət aktrisa Vəfa
Fətullayevanın
oyununda təcəssüm tapıb. Vəfa Arzunun
xarakterindəki
psixoloji
dəyişmələri,
daxili
aləmindəki
romantikanı – realist, həzin, dramatik, fəci keçidlərlə ali məqsədlə
birləşdirir” (103). O, eyni zamanda aktrisanın ifasında “müdriklik,
insanpərvərliy”in, çılğınlıq, “cazibədar və emosional”lıqla üzvi
birləşdiyini
vurğulayırdı.
Arzunun
xəstəxanada
Həyatla
rastlaşandan sonra “mənəvi aləmində gedən haçalaşma, başqasının
həyatı, xoşbəxtliyi qarşısında məsuliyyətin dərki və bu
məsuliyyətin yalnız öz şəxsi faciəsi hesabına icra olunmasının
mümkünlüyündən doğan psixoloji sarsıntılar aktrisa Vəfa
Fətullayevanın ifasında təbii və canlı çıxmışdı” (74).
Fərqli olaraq, rolun digər ifaçısı Zemfira Nərimanovanın
oyununda emosionallıq daha qabarıq seçilirdi. İ.Rəhimlinin
fikrincə, “Zemfira öz ifasında şairanəliyi, poetikliyi əsas götürür.
Zemfira Arzunun ən gərgin məqamlarını da emosional oynayır və
obrazın ovqatının dönüşlərini lirik psixologizmlə bağlayır” (103).
Tamaşada ən mürəkkəb psixoloji yükün daşıyıcısı Rəşad
obrazıdır. Bu rolu ifa edən Əlabbas Qədirovun oyunu bütövlükdə
razılıq doğursa da, qarşısında duran vəzifənin mürəkkəbliyi də
özünü hiss etdirirdi. Tamaşadan alınan təəssüratlara görə, “aktyor
ciddilik məqamlarında nə qədər təbiidirsə, sarsıntılı anlarda bir o
qədər çətinlik çəkir”di (28), tərəf-müqabillərinin emosional
31
oyununa aktyor lazımınca “özgələşmə” bacarığı ilə cavab verə
bilmirdi (74). “Bəzən obrazın daxili gərginliyi aktyorun oyununa
keçir və tamaşaçını hadisələrin əsas, bilavasitə Rəşadın psixoloji
mahiyyətindən yayındırır” (103). Amma əsas publisistik qayəyə
aktyor tamaşa boyu sadiq idi. “Tamaşanın finalı – təskinliyini qızı
İradənin varlığında tapan Rəşadın son qərarı vicdan səsinin
əbədiliyini, onun sərt və amansız, lakin müqəddəs olduğunu bir
daha təsdiq edir”di (74).
“Kimdir haqlı?” tamaşasının ideya planına münasibətdə əsas
ağırlıq Həyat obrazının üzərinə düşürdü. Və resenzentlərin
qənaətinə görə, Səfurə İbrahimovanın ifası bu məqamı aydın hiss
etməyə imkan verirdi. Tamaşa boyu Həyat obrazı salondakı
tamaşaçıların fikir və hiss aləminə müdaxilə edir, onları psixoloji
gərginliyin mərkəzində saxlaya bilirdi. Rəşadın ezamiyyətə
getməsi, ürək xəstəliyinə tutulduğuna görə Həyatın xəstəxanaya
düşməsi, Arzunun xəstəsi olması ürəkləri təzədən qoralandırırdı.
Axı Həyat öz həkimini tanımır, onun Rəşadı evdən soyudan qız
olduğunu bilmir. “Aktrisanın emosional, səmimi oyunu təbii və
psixoloji dolğunluğu ilə tamaşaçını obrazın daxili təlatümlərinin
həyatiliyinə inandırırdı” (74). O, Arzunun timsalında bir qadın
kimi öz qüsurlarını yavaş-yavaş dərk etməyə başlayırdı. Xüsusilə,
Rəşadın sevdiyi qadının kim olduğunu biləndə Həyatın sinəsindən
od-alov kimi püskürən qadınlıq qüruru və bu qürur ağrısından
süzülən göz yaşları Səfurə İbrahimovanın oyununun rəmzinə
çevrilirdi. Tənqidin fikrincə, “Səfurə İbrahimovanın obraza lirik-
psixoloji münasibəti, sifət ifadələri, emosional oyun tərzi Həyatın
bütöv xarakterini yaradır”dı(103), başqa sözlə, “artist Həyat
obrazını oynamır, sözün əsl mənasında yaradır”dı (28).
Tamaşanın yeni quruluşunda vurğu düşən məqamlardan biri
ifşa hədəfləridir və bu baxımdan Zeynəb rolunun ifası məxsusi
diqqətə gəlirdi. Fiziki cəhətdən olduqca sağlam, daxilən isə puç,
mənəviyyatsız, şəxsi karyerası üçün hər kəsi alçaldan, vicdanı
qarşısında məsuliyyət hiss etməyən Zeynəb obrazı Zərnigar
Ağakişiyevanın səhnə təfsirində həyati və yaddaqalan idi.
İ.Rəhimli göstərirdi ki, “aktrisa rolunu qrimindən tutmuş ən xırda
detallararadək daha çox satirik planda oynayaraq”, “obrazın
32
konfliktlə bağlı funksiyasını açır”, tamaşaçıda ona qarşı nifrət
oyada bilirdi. “Bəsti Cəfərova isə xarakterin ifşasında dramatik
boyalara üstünlük verir”di (103).
Digər aktyorların ifası da tamaşanın publisist kəsərində
önəmli rol oynayırdı. Lakin teatr tənqidi ümumi atmosferdə daha
böyük potensialın mövcudluğunu da xüsusi nəzərə çarpdırırdı.
Ümumən ədəbi tənqidin fikrincə: Rəfael Dadaşov (Fikrət),
Hamlet Qurbanov (Şükürbəy) və Sevil Xəlilova (Məlahət)
obrazların mənəvi dünyasının xarakterik cizgilərinə və
xüsusiyyətlərinə uyğun oyun üslubu seçə bilmişdilər (74),
“Məlahət bir obraz kimi tamaşaçının gözündə səhnədən-səhnəyə
ucalır, bir ailəni uçurumdan qurtaran xilaskara çevrilirdi” (28).
Bununla belə, “Fikrət və Məlahət obrazlarının dramaturji yükü
az", bircə psixoloji qatda olduğundan arzu olunurdu ki: “Zeynəbə
tamaşaçı nifrətinin müqabilində Fikrətə (R.Dadaşov), Məlahətə
(S.Xəlilova) məhəbbət daha artıq, ifaçıların oyunu daha cazibədar
və mənalı olsun, tamaşanın konsepsiyası ilə daha sıx bağlansın",
həmçinin:
“Şükürbəyin
xarakterindəki
biganəliyin
ifşası
H.Qurbanovun diqqət mərkəzində durmalı, əsas məqsədinə
çevrilməli idi” (103).
Bütün tənqidi qeyd və kəsirlərə baxmayaraq, “Kimdir
haqlı?” tamaşasının quruluşu əvvəlki tamaşadan (“İkinci səs”dən)
səhnə
həlli
baxımından daha təbiiliyi, dolğunluğu və
konseptuallığı ilə fərqlənmiş, bu təkcə müəllifin və rejissorun
uğuru deyil, bütövlükdə teatr kollektivinin uğuru kimi
qiymətləndirilmişdi.
Tamaşaya baxdıqca dramaturqun yaradıcılığını tamaşaçılara
sevdirən ən ümdə cəhət - lirik “mən”in özünü dərk etməyə can
atması, bütün qüsurları, günahları kənarda deyil, özündə
axtarması, “ikinci səs”i - vicdanın səsini araması başlıca qayəyə
nail olunduğunu göstərirdi. Vicdan kateqoriyası bu tamaşada hər
bir şəxsin ictimai məsuliyyətini artırır, mənəvi-əxlaqi mövqeyə
həssaslıq, başqalarının taleyinə yana bilmək qabiliyyəti tərbiyə
edirdi.
Hər bir pyesin səhnə həyatının uzunömürlülüyü ideya-bədii
xüsusiyyətlərinin yüksəkliyi ilə bağlıdır. Uzun illər silsilə teatr və
Dostları ilə paylaş: |