33
televiziya tamaşalarının quruluşçu rejissoru kimi tanınan xalq artisti
Lütfi Məmmədbəyov 1993-cü ilin martında “İkinci səs” pyesinə bir
daha müraciət etdi, amma bu dəfə televiziyada, “Sevənlərin taleyi və
ya Kimdir haqlı?” adı ilə ona ekran həyatı verdi.
Ciddi ictimai silkinmə baş verdiyi, sabiq sovet imperiyasının
çöküb, yerində çətinliklə də olsa, milli müstəqillik həyatının
qurulmağa başladığı bir zamanda, pyesin teletamaşaya çevrilməsinin,
görəsən, məntiqi var idimi? Bu sualın meydana çıxması nə qədər
doğru olsa da, cavabı da vardı. Tamaşaya yazılan resenziyada
oxuyuruq: “Əlbəttə, buna müxtəlif cür cavablar tapılsa da, bizim
qənaətimizcə, rejissor burada vaxt prosesində dəyişən həyatın,
ictimai-psixoloji mühitin, ən nəhayət isə dəyişən insan – cəmiyyət
münasibətlərinin bədii mənzərəsini yaratmaq qayəsini izləmişdir”
(18).
Digər tərəfdən, rejissorun bir zamanlar səhnələşdirdiyi pyesə
müraciət edərək onu ekranlaşdırması əsərin ideya-məzmunundakı
“Kimdir haqlı?” sualına teatrdan sayca daha çox olan televiziya
tamaşaçılarından cavab almaq niyyətilə izah olunurdu: “Kimdir
haqlı?” tamaşasının televiziyamızdakı nümayişi bir də ona görə
aktualdır ki, burada məhəbbət, ailə münasibətləri məhdud
çərçivəsindən çıxıb içtimailəşir, müasir ailə cəmiyyət, ziyalı-mühit
probleminin dialektik yöndə qurulmasına bir növ güzgü tutur” (18).
Tamaşaçı düşünürdü ki, görəsən on iki yaşlı qız atası, sədaqətli
ömür yoldaşından pünhanda başqasını sevən Rəşad haqlıdır, yoxsa
bu gizli sevgini açıb ağartmayan, ana qəlbinin hökmü ilə uzun
müddət susmağı üstün tutan Həyat? Yaxud çoxdan Arzunu sevib,
lakin bu haqda heç kimə bir söz deməyən baş həkim Fikrət haqlıdır,
yoxsa ailəsi olduğunu billə-bilə Rəşadı tanımadan sevən həkim
Arzu? Təbii ki, tamaşaçıları bu cür suallar qarşısında qoyan rejissor
düzgün yol seçmişdi. Tamaşadakı Rəşad və Arzunun məhəbbəti
qurmaq, yaşatmaq, xoşbəxt etmək qüdrətindən daha çox dağıtmaq,
məhv etmək, bədbəxtlik, talesizlik ümumiləşdirici xətti ön plana
çəkilsə də, bu saf sevgi onların heç birini şəxsiyyət kimi
tamaşaçıların gözündən salmırdı.
Bizcə, burda daha bir məqamı vurğulamaq lazımdır. Ətrafda
hər şeyin dağıldığı bir zamanda tamaşada “dağıdıcı” başlanğıca
34
müraciət etməklə, bəlkə də müəlliflər birləşdirməli olan “sevgi” və
“ailə” kimi dəyərlərin niyə əks mövqeyə yuvarlanmasının səbəbləri
üzərində düşündürməyə çalışırdılar.
Rəşad rolunun ifasında aktyor Füzuli Hüseynov peşəkar oyunu
ilə bu səbəblərdən başlıcasına – həyatda ikili standartlara diqqət cəlb
edirdi. Rəşadın həm ailəsi, həyat yoldaşı və qızı qarşısında, həm də
sevgisi önündə bəraətə çalışması onun tərəddüdlərində, çarpaşıq
duyğularında, son olaraq qərarsızlığında gözəl əksini tapırdı. Onu
işdə də, ailədə də yaxşı dərk etmirlər. Ömür-gün yoldaşı Həyat da
Rəşadın daxili aləminə biganədir. Buna görə də həyəcanlar, təlaşlar,
düşüncələr onu sıxır, ürəyini qovurur. Ağıl, iradə tələb olunan yerdə
Rəşad – F.Hüseynov əksinə məhəbbətindən əl çəkə bilmir.
F.Hüseynovun oyununda təbii aktyor şövqü qeyd olunduğu kimi,
ifasında “çox vaxt zahiri çizgilərə” uyması, “hərəkət vəziyyətlərini
bir qədər mexanikləşdirməsi” də nəzərdən yayınmırdı.
Arzu rolunu teletamaşada gənc aktrisa Məleykə Əsədova
oynayırdı. Onun oyununu ikili standartlara qarşı əsl üsyan hesab
etmək olardı. Hadisələrə, insanlara münasibətdə, xüsusən Həyatla
görüşdüyü anda Arzu real vəziyyəti yaxşı başa düşsə də, məhəbbətin
gözü kor, qulağı kardır. “M.Əsədova Arzu obrazını bütün daxili və
zahiri incəliklərinə qədər yüksək səviyyədə ifa edir. Bu da gənc
aktrisanın
mürəkkəb
psixoloji-dramatik
obrazlar
yaratmaq
qabiliyyətindən xəbər verir”di (18).
Bütün tamaşa boyu həyatda haqlı olub-olmadığımız anları
təcəssüm etdirən surət Həyatdır. Bu rolu aktrisa Laləzar Mustafayeva
oynayır, “obrazın psixoloji qayəsini, qadın-ana xarakterini
özünəməxsus dramatik ustalıqla təqdim edirdi. Aktrisa Həyatın
qəlbindəki gizli sarsıntıları, əri Rəşadın çoxdan bəri ona olan
biganəliyini qadın-ana xislətilə yaşaya bilirdi” (18). Həyat
(L.Mustafayeva) sonda başa düşürdü ki, onun faciə səviyyəsinə
yüksələn müsibəti əri Rəşadın istəklərinin, duyğularının poetik
vüsətini illər boyu hiss edə bilməməsidir.
Beləliklə,
tamaşa mənəvi saxtakarlığa aparan insan
münasibətlərini cəsarətlə ifşa edir, saf əxlaqi qayənin qələbəsinə
xidmət edirdi. Tamaşanın musiqi tərtibatını verən Sabir Əliyev
35
musiqi parçalarını hadisələrin gedişinə uyğun seçə bilmiş, daxili
dramatizmin açılmasında musiqinin iştirakını təmin etmişdi.
Qapalı bir cəmiyyətdə insan duyğularının, əməl və fəaliyyətinin
azadlığına çağıran “İkinci səs” pyesinin müasir dövrdə daha qüvvətlə
səslənməsi əsərin ideya mündəricəsinin heç də köhnəlmədiyinə
dəlalət edir. Yuxarıda qeyd etdiyimiz kimi, pyesin sonuncu səhnə
həlli 2000-ci ildə rejissor Ağakişi Kazımov tərəfindən Almaniyada
fəaliyyyət göstərən Türk Dövlət Teatrında baş tutmuşdur. Bu barədə
geniş informasiya əldə etmək bir qədər çətin olsa da, quruluşçu
rejissorun açıqlamaları tamaşadan doğan təəssürat və pyesin önəmi
haqqında lazımınca təsəvvür yaradır: “Avropada Bəxtiyar
Vahabzadənin yaradıcılığını sevir və izləyirlər. “İkinci səs” əsərində
qaldırılan ailə-məişət problemi, məhəbbət və yaxud ailə borcu
məsələləri Avropada yaşayan türklərə çox doğma bir mövzu oldu.
Avropanın demokratiya və sərbəstlik atmosferində gənclər, eləcə də
türk gəncləri ailə qayğısına qapılmaq istəmirlər. “İkinci səs” əsərinin
qəhrəmanı Rəşad axırda öz ailəsinə qayıtmaq üçün tamaşaçı
salonundan məsləhət istəyəndə salonun 1200 tamaşaçısı hamısı bir
səslə “hə” dedi. Bu, müəllifin qaldırdığı problemin müasirliyinin ən
gözəl təzahürüdür” (15).
1.2. Mənəviyyatın ekologiyası mövzusunun səhnə həlli
“İkinci
səs”
pyesinin
tamaşasından
sonra
Bəxtiyar
Vahabzadənin teatrla əlaqəsi xeyli güclənir. Bunun nəticəsidir ki,
dramaturqun 1971-ci ildə yazdığı “Yağışdan sonra” pyesi elə həmin
ildə Tofiq Kazımovun quruluşunda milli dram teatrında tamaşaçıların
ixtiyarına verilir.
Bəxtiyar Vahabzadəni düşündürən vacib ictimai, mənəvi-əxlaqi
problemlərin psixoloji teatrın tələbləri ilə uzlaşdırılması gərgin
konfliktli maraqlı bir dram əsərinin meydana çıxmasına səbəb
olmuşdu. Pyesə yetkin və özünəxas üsluba malik rejissorun səhnə
təfsiri verməsi, müəyyən kəsirlərin də aradan qalxmasına səbəb
olmuş, müasirləri düşündürən təsirli bir tamaşanın yaranmasına
gətirib çıxarmışdı. İlk tamaşası 1971-ci il mayın 8-də Azərbaycan
Akademik Milli Dram Teatrında göstərilən “Yağışdan sonra” pyesi
Dostları ilə paylaş: |