60
dramaturq “Hara gedir bu dünya?” pyesində daha rasional
mövqedən narahat bir ürəklə insanlığın gələcəyindən söhbət
açırdı.
Pyesə rejissor Bəhram Osmanov quruluş vermiş, müasir və
təsirli estetik prinsiplər əsasında, maraqlı aktyor kollektivinə
güvənib, ifadəli vasitələrdən bacarıqla istifadə edərək əsərin
ideyasını açmağa nail olmuşdu.
Quruluşçu rejissor Bəhram Osmanov “Hara gedir bu dünya?”
üçün tapdığı forma və üslubu əvvəldən axıra qoruyub-saxlayaraq
tamaşada bütövlüyə nail ola bilir, həm bədii tərtibatı, həm
musiqisini, həm də aktyor ifasını bir tonda kökləyərək, hadisələrin
ritmik və dinamik inkişafını, ahəngdarlığını təmin edirdi. Rejissor
tamaşanın bütün yaradıcılarının - bədii tərtibatını hazırlamış
rəssam Arif Əbdürrəhmanovun, musiqisini bəstələmiş Adil
Bəbirovun, rollarda çıxış edən aktyorların – Ramiz Novruzovun
(Laçın), Yaşar Nurinin (Şahbaz), Zenfira Əliyevanın (Nərgiz),
Laləzar Mustafayevanın (Ayla), Kamal Xudaverdiyevin (Ulu
Əcdad), Hacı İsmayılovun (katib-robot), Əsgər Məmmədoğlunun
(Vəlizadə), Məzahir Cəlilovun (qoca), Elxan Quliyevin (birinci
kişi), Elxan Ağahüseynovun (ikinci kişi) və Fikrət Vəliyevin
(üçüncü kişi) fikir və fəaliyyətlərini, yeni estetik prinsiplərə
əsaslanan forma və üslub vəhdətində cəmləşdirir, tamaşanın
faciəvi yükünü dinamiklik və dramatizm hesabına daha da
qüvvətləndirərək, baxımlı və təsirli olmasına nail olurdu.
Nə ilə, nədən, haraya gedir bu dünya? Nə verir insanlara?
Nəyi alır onlardan? Bu gedişlə sonda nə gözləyir bizi? Bütün bu
suallar B.Vahabzadənin “Hara gedir bu dünya?” əsərinin
tamaşasında adamları dərindən düşündürür, ayrı-ayrı məqamlarda
gah qorxu, gah nifrət, gah ümid dolur qəlblərə. Axı dünya nədir?
Dünya sənsən, dünya mənəm, dünya odur, dünya bizik. Dünyanı
dəyişən, onu gözəllik aləminə çevirən də insandır, eybəcərlik
yuvasına çevirən də. Mənəvi cəhətdən yoxsul, eybəcər, təbiəti
etibarilə riyakar, qorxaq, həm də yırtıcı olan üzdəniraq insanların
dünyası heç kəsə xoşbəxtlik gətirə, aydın bir sabaha istiqamət
götürə bilməz. Dünyanın istiqaməti cəmiyyətin ictimai, iqtisadi,
siyasi problemləri ilə bağlıdır. Mənəvi-əxlaqi cəhətdən yıpranmış,
61
“dağıt, məhv et, parçala” prinsipi ilə yaşayan, “mən tox olum
cümlə-cahan batsa da batsın” deyən, hamını özündən asılı etmək
istəyən, istedadlara quyu qazan, yaxşını məhv edən yırtıcı təbiətli
adamcıqlar dünyanı xoş günə apara bilməz.
Bütün bu fikirlər aydın bir süjet boyunca cərəyan edən
hadisələrin təbii axarında, xarakterlərin iş və hərəkətlərində,
danışıq və rəftarında özünü biruzə verirdi. Vahid ideya ətrafında,
böyük şövq və həvəslə çalışaraq kollektiv təsirli və ibrətamiz bir
tamaşa ortaya qoymuşdu. Tərəf-müqabil olan bütün personajlar
arasında anlaşıqlıq, güclü duyum tamaşanı bütöv qavramağa sövq
edirdi. Tamaşaya baxdıqdan sonra Azərbaycan prezidenti Heydər
Əliyev əsərin ideya əhəmiyyətini müsbət qiymətləndirmişdi:
“Bilirsiniz, adətən, tamaşaya gəlirlər ki, əsərdə bir münaqişə
olsun, yaxud da oynamaq, çalmaq, - şənlik olsun. Bəlkə də, belə
bir əsər hər bir tamaşaçının diqqətini cəlb edə bilməz. Belə bir
əsərin öz tamaşaçısı lazımdır. Ancaq eyni zamanda, hesab edirəm
ki, hər bir insan - yaşlı da, cavan da, gənc də, qadın da, kişi də bu
tamaşaya diqqətlə baxdıqca onların hamısında böyük maraq
oyadacaq. Çünki bu tamaşa həyatı əks etdirir. Bəxtiyar müəllim
belə bir əsər yazmaqla insan yaranandan indiyədək adamların
arasında, onların həyatında gedən psixoloji prosesi əks etdirmək
istəyib. Hesab edirəm ki, o, buna nail olubdur” (84).
Professor İnqilab Kərimov “Hara gedir bu dünya?” tamaşası
barədə
“Azərbaycan peşəkar teatrının tarixi və inkişaf
mərhələləri”
kitabında yazır: Quruluşçu rejissor Bəhram
Osmanov, rəssam Arif Əbdürrəhmanov, bəstəkar Adil Bəbirov və
əsas rollarda çıxış edən Ramiz Novruzov (Laçın), Zenfira Əliyeva
(Nərgiz), Yaşar Nuri (Şahbaz), Kamal Xudaverdiyev (Ulu əcdad),
Hacı İsmayılov (katib-robort), Əsgər Məmmədoğlu (Vəlizadə)
müəllif fikrinin tamaşaçıya dəqiq, aydın şəkildə çatması üçün
ciddi yaradıcılıq işi aparmış və qarşıya qoyduqları məqsədə nail
olmuşdurlar” (57, 557).
Əsərin əsas qəhrəmanı olan Laçın obrazı aktyor Ramiz
Novruzov
tərəfindən
olduqca maraqlı səpkidə yaradılıb.
Tamaşadakı bütün hadisələr Laçın obrazı ətrafında cəmlənib.
Laçının faciəsi nədir? Laçın gənc, istedadlı, bacarıqlı, gecəni
62
gündüzə qatıb çalışan bir elm adamıdır. Onun elmi axtarışı “Qorxu
formulu” adlanan formulun kəşfi ilə nəticələnmişdir. Həmin
formulun əsasında nə isə yeni bir maddə yaratmaq mümkündür.
İnsanın şüuruna tətbiq edilən həmin maddə onu idarə etməyə və
bununla da onun üzərində hakimiyyət qazanmağa imkan
verəcəkdir. Laçın öz kəşfinin bəşəriyyət üçün nə kimi nəticə
verəcəyini dərk etdiyi vaxt dəhşətə gəlir və öz ixtirasını məhv
etmək qərarına gəlir. Lakin ən yaxın adamları arvadı Ayla, bacısı
Nərgiz, qaynatası Şahbaz da onu müdafiə etmirlər. Axı Laçın
tanınmağa başlamışdır, onu şöhrət, maddi firavanlıq gözləyir.
Yeni ixtirası ilə əlaqədar olaraq daim fikirli görünən Laçın kasıb
yaşamasına baxmayaraq, heç kəsə boyun əymir. Tək bircə bacısı
Nərgizin köməyindən boyun qaçırmır. Lakin məlum olur ki, onun
doğma bacısı da ətraf mühitin bir parçasıdır. Dövlət əmlakını
mənimsədiyinə görə Nərgiz Laçını məcbur edir ki, Şahbazın
yanına minnətə getsin. Beləliklə, təmizlik çirkabın, yaxşılıq
pisliyin, gözəllik eybəcərliyin, həqiqət yalanın, savad nadanlığın
ayağına gedir. Bu dərdi çəkə bilməyən Laçın məhv olur. Ramiz
Novruzov Laçının daxili üzüntülərini, fikir dünyasını, istək və
arzularını duyaraq, yaşayaraq ifa edirdi.
Xalq artisti Yaşar Nuri Şahbazı xaricən sakit, təmkinli,
mədəni, hətta səmimi bir adam kimi təqdim edirdi. Onun xarici
hərəkətləri sanki daxili varlığının əks tərəfini işıqlandırırdı.
K.S.Stanislavski yazıb ki, “məsələ fiziki hərəkətlərin özündə
deyil, həqiqətdə və hərəkətdə olan inamdadır ki, bu hərəkətlər
onları doğurmaq və hiss etmək üçün bizə kömək edir” (152, 177).
K.S.Stanislavski bunu da təsdiqləyib ki, “Hər bir fiziki hərəkətdə
daxili iş, hərəkət, yaşantı gizlənir» (151, 630). Bütün məqamlarda
aktyor səsi, mimikası, hərəkətləri ilə Şahbazın çirkin daxili
aləmini, yırtıcı təbiətini, mənəvi yoxsulluğunu üzə çıxarırdı. Qızı
Aylanı körpə uşağı ilə əri Laçından ayıran, istedadlı, lakin kasıb
alimə və onun bacısına həqarətlə baxan Şahbaz adi bir narazılığa
görə güclü intiqam almaqdan çəkinmir. Laçının əhəmiyyətli bir
ixtira etdiyini eşitdikdə qızını məcbur edir ki, Laçının bacısı
Nərgizə zəng edib ondan hal-əhval tutsun. Nərgizin onun qızını
Dostları ilə paylaş: |