47
Dünyagörmüş, zirək və ağıllı baba hər şeylə şəxsən maraqlanır,
səbəbləri öyrənir, sevgililəri sınayır, həqiqəti üzə çıxarır, paklığın
çirkabda boğulmasının qarşısını alır.
Əli Zeynalovun Qədimbəy obrazını canlı-bədii koloritli
xarakter kimi yaratması tamaşaçılar tərəfindən xüsusi rəğbətlə
qarşılanırdı. O, səhnəyə daxil olduğu andan vəziyyətin tam hakiminə
çevrilir, özü ilə bərabər tamaşa salonuna canlanma gətirirdi.
Doğrudur, tənqid Qədimbəy obrazını birmənalı qarşılamamışdı.
Belə ki, Məsud Əlioğlunun fikrincə, “Qədimbəyin dünyagörüşündə
və xüsusilə kəndlə şəhəri qarşılaşdırmaq məsələsində bəzən yanlış
mülahizələri də nəzərə çarpır” (85). Amma unutmaq olmaz ki, pyesin
yazıldığı dövrdə bunun real həyatda kökləri vardı. Mənsub olduğu el-
obaya böyük məhəbbətlə yanaşan, xalqımızın ən gözəl sifətlərini, ana
təbiətin saflığını özündə əks etdirən bu qocada mənəvi qürur, təmkin
və əzəmət vardır. “Hərgah Qədimbəy az-çox şəhərə qarşı çıxan bir
adam təsiri bağışlayırsa, bunun günahını obrazda deyil, daha çox
rejissor traktovkasında və aktyor oyununda axtarmaq lazımdır. Əli
Zeynalovun oyunu bütünlüklə, yüksək səviyyədə keçsə də, onun
hərəkətlərində bəzi mübahisəli cəhətlər vardır. Bir çox hallarda
aktyor Qədimbəyi əsl təbii vəziyyətdən çıxardır, onun yaşını, fiziki
imkanlarını az nəzərə alır. Tamaşaçıda belə təsir oyadır ki, Qədimbəy
- Əli Zeynalov öz ağlı, təcrübəsi, üstünlüyü ilə oğulunun, nəvəsinin
və başqa personajların qarşısında qəsdən qürurlanır, öyünür. O,
bəzən yaşlı adamlara xas olmayan bir tonda, həddindən artıq rəsmi
və təmtəraqla danışır” (32).
Məryəm Əlizadə isə “Tofiq Kazımovun son quruluşları” adlı
məqaləsində yazır: “Düzdür, rejissor tamaşada Əli Zeynalovun yeni
keyfiyyətlərini üzə çıxarır və aktyor əsl mənada başqalaşır,
Qədimbəyləşir ki, bu da tamaşanın nailiyyətlərindən biridir. Ancaq
Qədimbəyin, Reyhanın daxilində olan kontrast rənglər o qədər də
sezilmir, xarakter örtüyü o qədər də açılmır. Onun ifasında bəzən
ansambldan ayrılma meyli özünü göstərir. İfaçı bəzən Qədimbəydəki
milli keyfiyyətləri onun zahirində axtarır, halbuki biz onda yeni
şüurun formalaşmasının şahidi olmalıyıq” (35). Ə.Zeynalovun
yaratdığı Qədimbəy obrazının belə rəngarəng fikirlər doğurması
48
əslində, aktyorun böyük məharətindən xəbər verir, yaradıcılıq
imkanlarının nə qədər geniş olduğunu ortaya qoyurdu.
“Yağışdan sonra” tamaşaya qoyulduqdan sonra ictimai rəy
doğurmuş, Əkbər Ağayev, Cəlal Məmmədov, Məsud Əlioğlu, Xalid
Əlimirzəyev kimi nüfuzlu filoloq alimlər əsərin və tamaşanın
məziyyətlərini göstərməklə yanaşı, onun ünvanına bəzi iradlar da
söyləmişdilər. Əkbər Ağayev yazırdı ki, «tamaşadakı prorab
(Məcnun Hacıbəyov), Qərənfil (Rəhilə Mirzəyeva və Svetlana
Vahidova), şofer (Hafiz Fətullayev) surətləri ifaçıların bütün
səylərinə baxmayaraq yaddaqalan bir səviyyəyə qalxmır, bunun üçün
əsərdə onlara verilən dramatik mövqeyin özü də çox məhduddur”
(6). Ə.Ağayevin bu fikri Məsud Əlioğlunun fikirləri ilə üst-üstə
düşürdü: “Əsərdə prorab və şofer surətləri və onlarla əlaqədar xətlər
əsas ideya ilə üzvi surətdə bağlanmır. Kənardan pyesə daxil
edildildiyindən yamaq kimi görünür” (85). Cəlal Məmmədov da bu
fikirləri dəstəkləyir, “Prorab, Qərənfil, şofer surətləri aktyorların
səyindən asılı olmayaraq kölgədə qalırlar. Şoferin bir personaj kimi,
epizodik də olsa, əsərə nə üçün daxil edildiyi aydın deyil” (76).
Əlbəttə, bu fikirlərdə müəyyən həqiqət olsa da, mübahisəyə də
yer var. Həyatda olduğu kimi, səhnədə də epizodik surətlərə ehtiyac
var. Tamaşada Qərənfilin, şoferin Nihal və Aslan qədər, yaxud
Cığatay və Reyhan qədər, elə deyək ki, Qədimbəy yaxud Əmin qədər
dramatik mövqeyi yoxdursa da, ümumi cəmiyyət atmosferini
duymaq üçün əhəmiyyətləri vardır. Ümumən heç klassik əsərlər də
köməkçi mövqe tutan belə surətlərdən yan keçə bilməmişdir.
Pyesdə nəzəri cəlb edən gənc obrazlardan biri də mühəndis
Rüstəmdir. O, Aslanın rəhbərlik etdiyi zavodda işləyir. Tamaşadan-
tamaşaya dəyişən, professional səhnəmizdə uğurlu ifaları ilə
möhkəm yer tutmuş Səməndər Rzayev Rüstəm obrazını da
müvəffəqiyyətlə oynayırdı. Ədəbi tənqidin sezdiyinə əsasən, bəzən
obrazın əsərdəki yeri, mövqeyi ilə aktyorun rolu təfsiri arasında
müəyyən uyğunsuzluqlar da vardı. İclasda, ictimai yerdə zavod
direktorunu açıq, kəskin tənqid edən Rüstəm (S.Rzayev) onu
gördükdə dərhal dəyişir, həddindən artıq əzilib-büzülür, müti bir
vəziyyət alırdı. Adamların arasında cəsarətlə, uca səslə, Aslanın
49
yanında isə alçaqdan, qorxa-qorxa danışırdı ki, bu da obrazı
birmənalı olaraq müsbət planda qiymətləndirməyə yol vermirdi.
Bütövlükdə, müvəffəqiyyətli bir tamaşa olan, “Yağışdan sonra”
teatrın yaradıcılıq həyatında müsbət iz saxlamış, müasir
tamaşaçıların, xüsusilə gənclərin ideya, bədii, estetik, həm də
mənəvi-əxlaqi tərbiyəsində mühüm rol oynamışdı. Azərbaycan teatr
tarixində özünəməxsus yer tutan əsər, Akademik Milli Teatrdan
başqa, rayon teatrlarında da müvəffəqiyyətlə səhnəyə qoyularaq, teatr
sənətimizin inkişafına təsir göstərmişdir.
1.3. Məhəbbət və mənəvi paklıq, atalar və oğullar problemi
vətəndaĢlıq kontekstində
Bəxtiyar
Vahabzadə
müasir Azərbaycan tamaşaçısının
yaddaşında daim yeniliyə can atan dramaturq kimi yaşayır. Onun hər
səhnəyə qoyulan pyesində mənəviyyat problemləri, insanın daxili
dünyasına bağlı dramaturji konflikt qorunub-saxlansa da, motivlər
dəyişir, zamanın tələbləri səviyyəsində aktual məsələlər ön plana
çıxır. Hər dəfə yeni ibrətli variasiyalarda təkrarlanan süjet əsasları
şair-dramaturqun zəmanə barəsində prinsipial mövqeyini ifadə edir.
B.Vahabzadənin teatrla növbəti ünsiyyətinin bəhrəsi olan “Yollara iz
düşür” pyesi bir daha bunu təsdiq etdi. 1977-ci ilin oktyabr ayının
30-da Əşrəf Quliyevin rejissorluğu ilə ilk tamaşası göstərilən
“Yollara iz düşür” pyesi geniş tamaşaçı kütləsi arasında, eləcə də
teatr ictimaiyyətində böyük maraq oyatdı.
İlham Rəhimli tamaşa barədə yazırdı: “Şəxsiyyət və cəmiyyət
mövzusu “Yollara iz düşür” pyesində sevgi və tale, məhəbbət və
mənəvi paklıq probleminə daxil olur. “Yağışdan sonra” pyesindəki
atalar və oğullar problemi “Yollara iz düşür” əsərində ictimai borcun
fonunda deyil, “Vətən” kateqoriyasının fonunda səhnəyə gətirilir,
başqa estetik qayə kəsb edir” (95, 59).
B.Vahabzadənin əsərlərində insan quran, yaradan, həyatı
dəyişən, yeniləşdirən, gözəlləşdirən bir varlıqdır. Lakin bu quruculuq
prosesində insan öz əməllərinə nə qədər hesabat verir. Başqalarını
xoşbəxt edən insan özü də xoşbəxt olurmu? Öz fərdi xudbunliyinə
qapılan insanmı xoşbəxtdir, yoxsa cəmiyyətdə, xalqla birgə olub
Dostları ilə paylaş: |