Nikpur Cabbarlı
104
təmizdir» – deyə təqdim edən Fərdin hürr olmaq istəyi-
nin qətiliyinə təminat aldıqdan sonra ilk növbədə ona
«Sərbəst insanlar ölkəsinin əsas yasası» ilə tanış olmağı
məsləhət görürlər. Ümumbəşəri dəyərlərə söykənən bu
yasa söz, fikir, vicdan azadlığını, sadəlik və təvazökar-
lığı, həqiqətsevərliyi, əməksevərliyi, millət və dövlət
qarşısında vəzifələrin hər bir vətəndaşın dərk etməsini,
vətənpərvərliyi ehtiva edir.
Sərbəst insanlar ölkəsinin yasası ilə tanışlıqdan son-
ra Fərdi tərəddüdlər bürüyür. Bu ölkənin yaşam tərzinə
alışa biləcəyinə şübhələri yaranır. Hətta bir an xəyalına
buradan qaçmaq gəlir. Lakin qüruru, izzəti-nəfsi buna
imkan vermir. Sərbəst insanlar ölkəsinin vətəndaşlığını
bir şərəf məsələsi qəbul edərək, hər əziyyətə qatlaşmağa
qərar verir.
«Sərbəst insanlar ölkəsinin tarixçəsi» kitabı ilə tanış
olan Fərd öyrənir ki, hazırda yaşadığı bu məmləkət hür-
riyyət uğrunda əsrlərlə mübarizə aparmışdır. Bu gün çox
rahat və sakit olan küçələrdə insan qanından kanallar
axmış, əhali gah bir-biri ilə vuruşmuş, gah da birlikdə
müstəbidlərə qarşı mücadilə etmiş, gah yenilmiş, gah
yenmişdir! Nəhayət, hürriyyət tamamilə bərqərar olmuş
və bu məsud ölkə iki əsrdən bəridir ki, əmin-amanlıq
içində yaşamaqdadır (52, s. 12-13).
Kitabı başa vuran Fərd hürriyyət yolunun çox əzablı
olduğunu dərk edir.
İki gün sonra Fərdi imtahana çəkən Pirlər onun yasa
ilə bağlı bilgilərini yoxlayır, qanunlar toplusunun hik-
mətini, fəlsəfəsini şərh edirlər. Əslində Pirlərin Fərdə
söylədikləri Ə. Ağaoğlunun öz düşüncələridir. Başqa
Azərbaycan mühacirət nəsri
105
sözlə, müəllif bu obrazlar vasitəsilə özünün siyasi, so-
sial-fəlsəfi, etik və estetik görüşlərini bədii şəkildə ifadə
etmişdir. Hürriyyəti haqlı olaraq bir kültür məsələsi ki-
mi səciyyələndirən Ə. Ağaoğlunun qənaətincə, uzun
müddət istibdad altında əzilmiş mühitlərin hürriyyətlə
aşılanması heç də asan bir iş deyildir. Çünki istibdadın
hökm sürdüyü yer insanın ruh və qəlbidir. İstibdad öz
taxtını məhz burada qurur, tacını burada taxır. Bəzən in-
sanlar zahiri əlamətlərə görə istibdadı yıxılmış zənn etsə-
lər də, həqiqətdə onun hər tərəfdə və hər kəsdə yaşadığını
görürük. Məsələn, ağızları köpük dolusu hürriyyətdən da-
nışanlar qonşularının hürriyyətinə qarşı dözümsüz olurlar.
Çünki istibdadın taxtı qırılmamış, ruhlardan, könüllərdən
sökülüb atılmamışdır (52, s. 14).
Ə. Ağaoğlunun hürriyyətə dair bu fikirlərini mütaliə
etdikcə M.Ə. Sabirin məşhur «Fisincan» şeiri yada dü-
şür:
Kim ki, insanı sevər, - aşiqi-hürriyyət olur,
Bəli, hürriyyət olan yerdə də insanlıq olur!
Müəllifin fikrincə, istibdadın ruh və qəlblərdən
silinməsi üçün ilk növbədə yalan, riyakarlıq və məddah-
lıq yasaq edilməlidir. Çünki bunlar zəiflərin, zəlillərin,
qorxaqların işidir, ruhun miskinliyinin əlamətidir. Hal-
buki hürr ola bilmək üçün insan qüvvətli, cəsur, əzmkar
olmalıdır. Cəmiyyətdə yalanın aradan qalxması bir tər-
biyə məsələsidir ki, ailədən və məktəbdən başlar, cə-
maətlə bitər. Ailə və məktəb uşaqların ilk ruhi təməlləri-
ni atarlar. Uşaq ana və atasını, müəllimini təqlid edən
Nikpur Cabbarlı
106
bir məxluqdur. Yalançı ana, ata və müəllimin yetişdir-
dikləri uşaqlar da mütləq yalançı olurlar. Yalan isə riya
və məddahlıq doğurur.
Şərq qəsidəxanlarını «bilməyərək və fərqinə varma-
yaraq öz millətlərinə ən çox fənalıq yapmış insanlar» ki-
mi səciyyələndirən Ə. Ağaoğlu bu qənaətdədir ki, onlar
yazdıqları mədhiyyələrin parlaqlığı nisbətində saxtakar-
lıq etmişlər. Burada o, Əziz Mirəhmədovun düzgün mü-
şahidə etdiyi kimi, XX əsrin əvvəllərində yazdığı ədəbi-
tənqidi məqalələrindəki fikirlərini təkrar edir (35, s. 26).
İngilis qanunvericiliyinin hələ XV əsrdə kralın
mədh edilməsini onun təhqir olunmasına bərabər tutaraq
yasaqladığını vurğulayan müəllif həqiqi hörmət və mə-
həbbətlə məddahlıq və yaltaqlığın fərqi üzərində xüsusi
dayanır. Belə ki, həqiqi hörmət və məhəbbət doğruluq
və səmimiyyətə bağlıdır. Səmimiyyət isə düşünülən fik-
ri, duyulan hissi olduğu kimi söyləməkdir. İnsan sevdiyi
bir adamın – oğlunun, qardaşının, əziz dostunun nöq-
sanlarını söyləməyi, səhvlərini düzəltməsi üçün öyüd
verməyi özünə bir vəzifə bilir. Millətin yetişdirdiyi bö-
yük insanlar oğuldan, qardaşdan daha əziz, daha qiy-
mətlidirlər. Çünki onlar ümumi və müştərək bəxtiyarlı-
ğın qaynağıdırlar. Buna görə də onlara qarşı daha səmi-
mi olmaq daha əsaslı bir borcdur. Halbuki riyakarlar,
yaltaqlar sırf şəxsi mənfəətləri üçün bunun tam əksini
edər, böyük adamlara daşımadıqları sifətləri və qabiliyyət-
ləri aid edər, qüsur və səhvlərini isə yüksək fəzilətlər kimi
qələmə verib, həqiqəti onlardan gizlərlər (52, s. 16-20).
Ə. Ağaoğlunun təsvir etdiyi sərbəst ölkədə hakimiy-
yət xalqa məxsusdur, yəni dövləti xalqın seçdiyi höku-
Azərbaycan mühacirət nəsri
107
mət idarə edir və o, xalq qarşısında hesabat verir. Hər
bir məmur da öz vəzifəsini qanuna müvafiq surətdə icra
edir. Dövlət idarəçiliyində nəzarətə xüsusi önəm verilir.
Hər hansı bir məmurun vəzifəsindən sui-istifadə etdiyini
bilib, ona qarşı tədbir görməyən vətəndaş da cəzalandı-
rılır. Bu nəzarəti qətiyyən xəbərçiliklə qarışdırmırlar.
Çünki birincidə ümumi, ikincidə isə şəxsi mənafe güdü-
lür.
Sərbəst ölkənin yasasına görə, qorxaqlıqla hürriyyət
bir araya sığmaz. Bu ölkədə insanın şərəf və heysiyyət
duyğusu, cəsarət qabiliyyəti əsasdır. Ailədə yumruq ye-
rinə şəfqət və anlaşma, məktəbdə falaqqa yerinə təlqin
və mühakimə, hökumətdə polis dəyənəyi yerinə qanun
və ədalət keçər və beləliklə də düşünməyə və mühaki-
məyə alışdırılan vətəndaşlar həyatda heç kimdən və heç
nədən qorxmazlar; əməyi bütün rifahın, sərvət və fira-
vanlığın yeganə mənbəyi kimi qəbul edərlər.
Ə. Ağaoğlu öz qəhrəmanını sərbəst ölkənin müxtə-
lif yerlərində gəzdirir, rəngarəng tədbirlərə qatır. Biz
Fərdi gah mitinq iştirakçıları arasında, gah sadə bir və-
təndaşın evindəki müsamirədə, gah da sinemada görü-
rük. Sonra o, sərbəst ölkənin akademiyasında ictimaiy-
yətçi bir alimin məruzəsini dinləyir, parlamentdə büdcə
müzakirəsində iştirak edir, universitetdə tədris prosesi
ilə tanışlıqdan məmnunluq duyur, müasir texnologiya
ilə işləyən maşınqayırma müəssisəsində gördüklərindən
heyrətə gəlir, təyyarə meydanında gənc pilot qızın uçu-
şunu seyr edərək heyran qalır, ibtidai məktəbdə və
kitabxanada gördüklərindən fərəhlənir. Bütün bunlar
Fərdin sərbəst insanlar ölkəsi, onun qayda-qanunları,
Dostları ilə paylaş: |