(1990), V.H.Həsənov (2004, 2007), R.H.Aslanova (2005), Q.Ş.Məmmədov, H.M.Hacıyev, A.B.
Cəfərov (1983) və b. əsərlərində dağlıq ərazilərdə torpaq örtüyünün struktu-ralarının (TÖS)
formalaşmasına və torpaq profilinin morfogenetik diaqnostika-sına relyefin hündürlüyü ilə
bərabər xüsusən kölgəli və günəşli baxarlı yasmacların böyük təsirə malik olduğu göstərilir.
Lakin, bu mühüm göstəricilər dağlıq və dağətəyi ərazilərin torpaqlarının diaq-nostik
göstəricilərinin müəyyən edilməsində, torpaq xəritələrinin tərtib olun-masında və torpaqların
obyektiv qiymətləndirilməsində lazımınca nəzərə alınmır.
Dağlıq relyefin kölgəli (şimal-qərb) baxarlı yamaclarına nisbətən günəşli (cənub-şərq)
baxarlı yamaclarda günəş şüalarının daha çox düşməsi nəticəsində torpaqlarda temperatur
rejiminin xeyli üstün olması, əksinə buxarlanmanın artması və nəmliyin isə azalması,
torpaqəmələgəlmə prosesinə, torpaqların morfogenetik diaqnostikasına, eroziya prosesinə,
xüsusən TÖS-nın formalaşmasına köklü təsir göstərir.
Kiçik Qafqazın dağ-çəmən və dağ-meşə zonası əlverişli relyef şəraiti və bioiqlim
xüsusiyyətlərinə malik olduğu üçün burada təbii-antropogen amillərin təsiri çox qədimlərə gedib
çıxır. Ərazidə torpaq örtüyünün ilkin dəyişikliklərə məruz qalması ərazidə maldarlığın inkişafı
və meşələrin məhv edilərək torpaqların k/t cəlb olunması ilə başlamışdır. Müasir dövrdə də
intensiv davam edən neqativ proseslər nəticəsində torpaq örtüyü ciddi dəyişikliklərə məruz qalır
ki, bu da torpaq ehtiyatlarının və münbitliyinin itirilməsi, xüsusən torpaqların morfogenetik
göstəricilərinin dəyişməsində öz əksini tapır.
Yuxarıda deyilənləri nəzərə alaraq tədqiqat obyekti kimi Göygöl Milli Parkı seçilmişdir.
Məlumdur ki, ərazi son 100 ildə təbii qoruq kimi istifadə edildiyinə görə, antropogen təsirlər
nisbətən zəif nəzərə çarpır.
Göygöl MP Kiçik Qafqazın şimal-şərq yamacında yerləşməklə geomor-foloji
quruluşuna və relyef xüsusiyyətlərinə görə alp-subalp (2000-3700m) və orta-dağlıq
(1100-2000m) zonalara ayrılır. Yüksək dağlıq alp–subalp qurşağı Murov-dağ suayırıcı
və Kəpəz dağ sistemində Yura və Təbaşir dövrlərinin ellüvial süxurlarından ibarət dik
yamaclı çılpaq qayalıqları ilə səciyyələnir. Ortadağlıq zona ərazinin Kürəkçay
hövzəsinə aid olan çayların (Ağsuçay, Qarabulaqçay və Buzluqçay) dərələri ilə relyef
müxtəlif dərəcədə parçalanmışdır. MP-da Göygöl və Maral gölündən əlavə xırda göllər
(Zəli-gölü, Ağ-göl, Qara-göl, Şamlı-göl) mövcuddur.
Dağ-meşə zonası qışı quraq keçən mülayim isti iqlim üstünlük təşkil edir. Havanın
orta illik temperaturu 6,0
0
C, yağıntılar 700mm təşkil edir. Yüksəkdağlıq zona üçün
soyuq iqlim tipi xarakterikdir. Göygöl MP-nin təbii bitki örtüyü ortadağlıq zonada
fısdıq-vələs və palıd-vələs meşələri, yüksək dağlıq zonada isə alp-subalp çəmən bitkiləri
hakimdir.
Tədqiqat işində V.R.Volobuyevin (1948) təklif etdiyi “relyefin plasti-kası”
metodundan və sonralar V.A.Kovda, İ.N.Stepanov (1984,1987), Q.Ş. Məmmədov,
H.M.Hacıyev, A.B.Cəfərov (1993) tərəfindən hazırlanmış me-todiki tövsiyyələrdən
istifadə edilmişdir. Eksperimental tədqiqatlar; çöl-tor-paq və kameral-laboratoriya
şəraitində 2009-2013-cü illərdə aparılmışdır.
TÖS-nın elementar-torpaq areallarını dəqiq xəritələşdirmək, dağ-çəmən və dağ-
meşə torpaq tip və yarımtiplərinin morfogenetik əlamətlərini müəy-yən etmək məqsədi
ilə “etalon tədqiqat sahəsi (klyuçevaya ploşadka)” me-todundan istifadə edilmişdir.
Göygöl MP-nin geomorfoloji quruluşu, TÖS-nın xarakteri nəzərə almaqla 2 tədqiqat
obyekti: “1.Dağ-çəmən; 2. Dağ-meşə etalon-tədqiqat sahəsi” seçilmişdir. Tədqiqat
sahələrində iri miqyaslı (1:25000) torpaq tədqiqatı aparılmış, kölgəli (şimal-qərb) və
günəşli (cə-nub-şərq) baxarlı yamaclar nəzərə alınmaqla 1,0-1,5m dərinlikdə qoyulmuş
torpaq kəsimlərinin genetik horizontlarından torpaq nümunələri götürülmüş və müasir
metodlarla fiziki-kimyəvi analizlər aparılmışdır.
Göstərilən metodiki tövsiyyələrə əsasən Göygöl Milli Parkında yayılmış dağ-çəmən və
dağ-meşə torpaqların diaqnostik göstəricilərinə kölgəli və günəşli baxarlı yamacların təsiri
araşdırılmışdır. Bu məqsədlə ərazinin “etalon tədqiqat sahələrində” apardığımız çöl-torpaq və
kameral-laboratoriya tədqiqatının nəticələrindən və həmçinin mövcud ədəbiyyat mənbələrindən
istifadə olunmuşdur. Toplanmış materialların E.A.Dmitriyev (2009) metodu üzrə riyazi-statistik
təhlili əsasında ərazinin dağ-çəmən və dağ-meşə torpaqlarının diaqnostik göstəricilərinə, kölgəli
və günəşli baxarlı yamacların təsiri müəyyən edilmişdir (cədvə 1,2).
M.E.Salayev (1966,1991) geyd edir ki, dağ-çəmən torpaqəmələgəlmə prosesində başlica
rol oynayan bitki örtüyünün formalaşmasına relyefin müxtəlif baxarlı yamacları və nəmlənmə
şəraiti köklü təsir göstərir. Əlverişli nəmlənmə şəraitinə malik olan kölgəli (şimal-qərb) baxarlı
yamaclarda yaxşı inkişaf etmiş zəngin ot-çəmən bitkiləri inkişaf edir. Subalp çəmən bitki
örtüyündə ümumi bitki kütləsinin miqdarı 285-350 s/ha qədər yüksəlir və çox hissəsini (250-290
s/ha) kök kütləsi təşkil edir. Nəticədə dağ-çəmən torpaqların profilində qalın çimli-akkumlyativ
humus qatı formalaşır. Nisbətən quraq torpaq-ekolji şəraiti ilə seçilən günəşli cə-nub və cənub-
şərq baxarlı yamaclarda bitki kütləsinin və çimli-akkumlyativ qatın xeyli azalması göstərilir.
Dostları ilə paylaş: |