Bu poemada çoban Dumuzi İnannanın evinə gəlir və
hündürdən tələb edir ki, onu içəri buraxsınlar. Onun əllərindən və
yanlarından süd və xama axır. İnanna anasından məsləhət istəyir,
sonra yuyunur, ətirlənir, şahanə paltarlar və qiymətli daşlardan
bəzəklər geyinir və gələcək nişanlısına qapını açır.
Onlar
qucaqlaşırlar. Görünür, Dumuzi elə burada İnannanın bakirəliyinə
sahib olur və onu “öz allahının şəhərinə” aparır.
Ancaq Dumuzi ehtirasla gözlədiyi bu evliliyin onu məhvə,
cəhənnəmə qovuşmasına gətirib çıxaracağını ağlına da gətirmir.
Və bütün bunlar ona görə baş verir ki, o, ifrat qadın
şöhrətpərəstliyini hesaba almamışdır! Bu barədə “İnannanın yeraltı
səltənətə enməsi” poemasında danışılır. Bu poemada biz ilk dəfə
ölümdən dirilmə ideyası ilə qarşılaşırıq. Poemanın məzmunu
aşağıdakı kimidir.
Öz adının mənasından göründüyü kimi1, İnanna artıq göylərin
- “Böyük yuxarının” çariçasıdır. Buna baxmayaraq nəyin bahasına
olur olsun qüdrətini gücləndirməyə və eyni zamanda yeraltı
səltənətin - “Böyük aşağının” da hakimi olmağa çalışır. O, öz
məqsədinə yerində daha yaxşı çatmaq istəyilə yeraltı aləmə düşməyi
qərara alır. Hər ehtimala qarşı özü ilə allah qanunları götürür, şahanə
paltarlar və qiymətli bər-bəzək geyinir və “gedərgəlməz ölkəsinə”
getməyə hazır olur.
Yeraltı aləmin hökmdarı, Şumerin ölüm və zülmət ilahəsi
Ereşkiqal İnannanın böyük bacısı və onun qəddar düşmənidir. İnanna
ehtiyat edir ki, (və bu da əsassız deyil,) cəhənnəm mülkünə çatan
kimi bacısı onu öldürəcək. Ona görə İnanna özünün sadiq vəziri
Ninşubura67 , əgər üç gün müddətinə qayıtmasa, onun nə etməli
olduğu barədə qabaqcadan tapşırıqlar verir. Ninşubur əvvəlcə öz
ilahəsinin ölümünü allahlar məclisinin salonunda ağlamalıdır. Sonra
o, Nippura, Enlilin şəhərinə gedib bu qüdrətli allaha yalvarmalıdır ki,
İnannanı xilas etsin, onu ölməyə qoymasın. Ogər Enlil imtina etsə
Ninşubur Ura, ay allahı Nannanın şəhərinə gedib öz xahişini təkrar
etməlidir. Əgər Nanna da rədd etsə, onda Eriduya, müdriklik allahı
'İnanna adı şumcrco ‘göylərin hakimi” monası veroıı Niıı-anna söziindon
yaranmışdır. - Qeyd. tore.
186
Enkinin şəhərinə getmək lazımdır. O, “həyat qidasını” və “həyat
içkisini” tanıyır, yəqin ki, İnannaya köməyə gələr.
Sonra İnanna yeraltı aləmə düşür və Ereşkiqalın lazuritdən
tikilmiş sarayına yaxınlaşır. Girəcəkdə onu baş qapıçı Neti qarşılayır.
0 soruşur ki, kimdir və nə üçün gəlmişdir. İnanna nəsə bir bəhanə
fikirləşir. Ereşkiqalın əmri ilə qapıçı İnannanı buraxır və onu yeddi
qapıdan keçirərək yeraltı dünyaya aparır. İnannanın etirazlarına
baxmayaraq hər qapıdan keçdikcə onun hansısa paltarını, yaxud
bəzək şeyini soyundururlar, axırıncı qapını keçəndə o, çılpaq qalır.
İnannanı Ereşkiqalın qarşısında diz çökməyə məcbur edirlər.
Anunnakilər, yeraltı səltənətin yeddi dəhşətli hakimi ona “ölüm
baxışı” ilə nəzər yetirirlər və o, həmin anda ölür. Onun meyidini
çarmıxdan asırlar.
Uç gün, üç gecə keçir. Dördüncü gün öz ilahəsinin
qayıtmadığını görən Ninşubur onun əmrlərinə uyğun olaraq
allahlardan kömək etməyi xahiş edir. İnannanın əvvəlcədən gördüyü
kimi, Enlil və Nanna onu xilas etməkdən imtina edirlər. Əksinə, Enki
ilahəni həyata qaytarmaq üçün bütöv bir plan hazırlayır
O, cinsi olmayan “Kurqarrıı” və “Kalaturru” adlı iki məxluq
yaradır. Enki onlara “həyat qidası” və “həyat suyu” verərək tapşırır
ki, yeraltı aləmə düşsünlər, bu “qida” və bu “suyu” İnannanın
bədəninə səpsinlər. Onlar Enkinin göstərişini yerinə yetirirlər və
İnanna dirilir.
Həyata qayıtmaq hələ azdır, əsas iş cəhənnəmdən çıxmaqdır.
“Gedər gəlməzin” dəyişməz qanunu var. cəhənnəm qapılarından
keçmiş adam canlılar dünyasına o halda qayıda bilər ki, o özünə əvəz
tapsın Və burda hətta ilahə İnanna da heç nə edə bilməz. Ona Yerə
qayıtmağa icazə verirlər, lakin tək yox, qəddar iblislərin müşaiyəti
ilə. Onlara əmr olunmuşdur ki, əgər o, özünü əvəz edəcək başqa bir
allahın razılığını ala bilməsə onu cəhənnəmə qaytarsınlar.
İnanna əvvəlcə öz əjdaha mühafizəçiləri ilə iki Şumer
şəhərində - Ummuda və Bad-Tibiruda olur. Bu şəhərlərin hami
allahları Şara və Lataraq o biri dünyadan gəlmişlərin görkəmindən
qorxub qıldan toxunmuş dərviş paltarı geyinərək İnannanın
qarşısında tozun içərisinə uzanırlar Onların mütiliyi, görünür,
187
İnannaya təsir edir və o, artıq bədbəxt allahları cəhənnəmə
aparmağa hazırlaşan iblisləri saxlayır.
Sonra İnanna və şeytanlar Şumer şəhəri Kullaba gəlirlər. Bu
şəhərin hami-allahı Dumuzidir. O, İnannanın əridir və təbii ki, öz
arvadım görüncə cındır paltar geyinib İnannanın qarşısında toz
içərisində sürünməyə hazırlaşmır. Əksinə, o, ən yaxşı paltarlarını
geyinib taxtına əyləşir. Bu, ilahəni qəzəbləndirir. O, öz ərini “ölüm
baxışı” ilə süzür və onu yeraltı dünyaya aparmaq üçün səbrsiz
şeytanlara verir. Dumuzi hönkürtü içərisində əllərini göyə qaldırır,
İnannanın qardaşı və öz qaynı günəş allahı Utunu çağırır. Dumuzi
Utuya yalvarır ki, onun əlini “ilan əlinə”, ayaqlarını isə “ilan
ayağına” çevirərək şeytanların caynağından qurtarsın.
Bədbəxtlikdən, elə burada Dumuzinin monoloqunun ortasında
yazı qurtarır. Amma çoxlu miqdarda başqa mənbələrdən bizə
məlumdur ki, Dumuzi yeraltı sələtənətin allahlarından biridir. Ona
görə güman etmək olar ki, Utu onun yalvarışlarına qulaq asmır və
iblislər Dumuzini ölülər dünyasına aparırlar.68
Qədim şair bu əfsanəni (bizim tərəfimizdən çoxsaylı təkrarların
buraxılması nəzərə alınmasa) belə qələmə almışdır:
Böyük Səmadan Böyük Yerə niyyətlə üz tutdu.
İlahə Böyük Səmadan Böyük Yerə niyyətlə üz tutdu.
İnanna Böyük Səmadan Böyük Yerə niyyətlə üz tutdu.
Mənim ilahəm səmanı tərk etdi, yeri tərk etdi, yerin təkinə
getdi.
İnanna səmanı tərk etdi, yeri tərk etdi, yerin təkinə getdi.
Kahin hakimiyyəti tərk etdi, kahinlər hakimiyyəti tərk etdi,
yerin təkinə getdi...
Özünün gizli qüvvələrini - onlar yeddidir - topladı.
Qüvvələri toplayıb, əlində sıxdı.
Özünün gizli qüvvələrini ayağına saldı.
Onun başında Edenin çələngi, “Şuqur” .
Onun alnında - alın lenti “Qəşəng alın”,
Onun əllərində - hakimliyin və məhkəmənin nişanları
Lazurit boyunbağı qucaqlayır boynunu,
İkiqat asılma bəzəyir sinəsini,
188
Qızıl bilərziklər dolanıb biləklərinə.
Sinəsi torla örtülüb “yanıma gəl, kişi, yanıma”.
Sarıqla örtülüb beli, şahzadə paltarında
“Gəl-gəl” sürməsilə çəkilib gözləri
İnanna yeraltı sələtənətə gedir.
Onun səfiri Nunşubur onunla yanaşı gedir.
İşıqlı İnanna Ninşubura deyir:
“Car elə ürək sözlərimi mənim,
Nə vaxt ki yeraltı dünyaya enəcəyəm mən.
Nə vaxt ki yeraltı dünyaya girəcəyəm mən,
Məzarlıq təpəsində ağla məni.
Məclis evində təbil çal.
Allahlar məbədini gəz-dolaş mənimçün,
Üzünü cırmaqla, ağzını cır.
Əndamını mənim xatirimə yarala.
F.vnilə kasıbtək yoxsul libas geyin!
Ekura, Enlilin məbədinə birinci get!
O zaman ki girdin Enlilin məbədinə,
Enlilin qarşısında hönkür:
“Failil ata, qoyma öz qızını yeraltı dünyada məhv olsun!
İşıqlı gümüşün sənin qoyma yeraltı dünyada toza qərq olsun
Lazurit gözəlini sənin taraşçı yeraltı dünyada parçalamasın!
Sənin şümşad ağacını dülgər yeraltı dünyada yarmasın!
Qız - hökmdarını qoyma yeraltı dünyada məhv olsun!”
Məhəl qoymasa sözlərə Enlil, Ura get!
lir şəhərində, Emudakalamda,
Ekişnuqalda N'annanın yanına gir.
Nannanın qarşısında ah-nalə elə:
“Nanna ata, qoyma öz qızını yeraltı dünyada məhv olsun!”
(uyğun dörd sətir təkrar olunur)
Məhəl qoymasa bu sözlərə Nanna, Ereduqa get!
O zamankı Ereduqa, Eııkinin məbədinə girdin,
Enkinin qarşısında ah-nalə elə:
Enki ata, qoyma öz qızını yeraltı dünyada məhv olsun!”
(uyğun dörd sətir təkrar olunur)
189
Dostları ilə paylaş: |