41
AZƏRBAYCAN RESPUBLKİASI TƏHSİL NAZİRİNİN
Ə M R İ
İndeks: 370008, Bakı şəhəri Xətail prospekti 49. Tel: 93-70-83
№ 395 01.05.2002-ci il
Müvəqqəti qaydaların təsdiqi barədə
1. Ali və orta ixtisas təhsili məktəbləri tələbələrinin müəllimlik fəaliyyətinə hazırlanması işini
tənzimləmək məqsədilə
Ə M R E D İ R Ə M:
1. «Ali və orta ixtisas təhsili məktəbləri tələbələrinin pedaqoji təcrübəsinin təşkili və keçirilməsinə dair
müvəqqəti qaydalar» təsdiq edilsin (əlavə olunur)
2. Pedaqoji kadr hazırlığı aparılan ali və orta ixtisas təhsili müəssisələrinin rəhbərləri müvafiq qaydaları
əldə rəhbər tutsunlar.
3. Əmrin icrasına nəzarət Ali və orta ixtisas təhsili idarəsinə (İ.Mustafayev) tapşırılsın.
Misir Mərdanov
42
ALİ VƏ ORTA İXTİSAS TƏHSİLLİ MƏKTƏBLƏRİ TƏLƏBƏLƏRİNİN PEDAQOJİ
TƏCRÜBƏSİNİN TƏŞKİLİ VƏ KEÇİRİLMƏSİNƏ DAİR MÜVƏQQƏTİ
QAYDALAR
I.Ümumi vəzifələr
1.1.Tələbələrin ixtisasları üzrə qazandıqları nəzəri biliklərin məktəbəqədər tərbiyə, orta ümumtəhsil,
texniki peşə və orta ixtisas təhsilli müəssisələrində tətbiqində pedaqoji kadr hazırlığı aparılan ali və orta ixtisas
təhsilli məktəblərinin keçirdiyi pedaqoji təcrübə xüsusi əhəmiyyət kəsb edir. Bütün tələbələr pedaqoji təcrübəni
bu və ya digər formada keçirməlidirlər.
1.2.Pedaqoji təcrübənin vəzifələri aşağıdakılardır.
a) Tələbələrin ali və orta ixtisas təhsili müəssisə-lərində aldıqları nəzəri bilikləri möhkəmləndirmək,
dərinləşdirmək, habelə təcrübə zamanı aparılan təlim-tərbiyə işlərində bunlardan yaradıcılıqla istifadə etmək.
b) Tələbələrdə uşaqlar və yeniyetmələrlə aparılan təlim-tərbiyə işlərini müşahidə və təhlil etmək bacarığı
aşılamaq.
v) Psixologiya, pedaqogika, ixtisas metodikaları, uşaq və yeniyetmələrin fiziologiyasına aid biliklərə
istinad etməklə və şagirdlərin yaş və fərdi xüsusiyyətlərini nəzərə almaqla tələbələrə təlim-tərbiyə işi aparmağı
öyrənmək.
q) Pedaqoji üsulları yaradıcılıqla tətbiq etmək və tələbələri ixtisas üzrə dərs deməyə hazırlamaq.
d) Tələbələrə sinif rəhbərinin vəzifəsini yerinə yetirmək, şagirdlərlə tərbiyə işlərini təşkil etmək
bacarıqlarını aşılamaq.
e) Tələbələri təlim-tərbiyə işlərini yaradıcılıqla həyata keçirmək bacarığına yiyələndirmək.
ə) Tələbələrdə şagirdlərin fiziki və mənəvi sağlamlığına qayğıkeş münasibət yaratmaq.
II. Pedaqoji təcrübənin növləri və müddəti
2.1.Pedaqoji təcrübə müəyyən sistem üzrə, kursdan-kursa mürəkkəbləşdirmək prinsipi ilə aparılır. bir
qayda olaraq tələbələr fənlərin tədrisi metodikası, pedaqogikası kurslarını mənimsədikdən sonra pedaqoji
təcrübəyə getməlidirlər.
2.2. Pedaqoji təcrübə ali (orta ixtisas) məktəb rektorunun (direktorunun) əmri əsasında bağlan-malıdır.
Bunun üçün əvvəlcədən baza təlim-tərbiyə müəssisələri müəyyənləşdirilməli və onlarla müqavilələr
bağlanmalıdır.
2.3. Pedaqoji təcrübələrin (bundan sonra III (IV) kursda keçirilən təcrübə şərti olaraq 1-ci, IV (V) kursda
keçirilən təcrübə 2-ci təcrübə adlandırılacağı) növlri və müddəti tədris planları ilə müəyyənləşdirilir.
2.4. Qoşa ixtisaslı fakültələrdə bir yarımqrupun tələbəsi «a» ixtisası ilə məşğul olarsa, digər yarımqrupun
tələbələri «b» ixtisas ilə məşğul olur. sonra yerlərini dəyişirlər. Bu zaman təcrübə qruplarında tələbələrin sayı
10-14 nəfər müəyyən olunur. Bəzi ixtisaslarda (musiqi, incəsənət, bədən tərbiyəsi və s.) müstəsnalıq ola bilər.
III. Pedaqoji təcrübənin təşkili və keçirilməsi
3.1. Ali məktəblər üzrə I pedaqoji təcrübə ümum-təhsil məktəblərinin I-IV (ibtidai sinif müəllimləri üçün)
və V-IX siniflərdə, II pedaqoji təcrübə isə I-IV və V-XI siniflərdə, habelə pedaqoji texnikumlarda və digər
təlim-tərbiyə müəssisələrində keçirilə bilər.
Orta ixtisas təhsili məktəblərində «İbtidai təhsil», «Ailə-ev təhsil» ixtisasları üzrə I və II pedaqoji
təcrübələr I-IV siniflərdə, digər ixtisaslardan («Əmək təlimi», «Təsviri incəsənət və rəsmxət», «Musiqi təhsili»
və s.) isə I-IX siniflərdə keçirilir. Ali və orta ixtisas təhsili müəssisələrinin «Məktəbəqədər təhslin pedaqogika
və metodikaçı» ixtisas üzrə pedaqoji təcrübə məktəbəqədər tərbiyə müəssisələrində keçirilir.
Qiyabi şöbənin tələbələri ikinci təcrübəni yaşadıqları rayon məktəblərində də keçə bilərlər.
3.2. İxtisasa uyğun laborator məşğələlərdə bütün tapşırıqları yerinə yetirmiş, ixtisas fənlərinin metodikası
kursundan müvəffəqiyyətlə imtahan vermiş tələbələr başlanğıc konfransında iştirak edir və təcrübəyə
başlayırlar.
3.3.Pedaqoji təcrübənin ilk həftəsində aşağıdakı işlər görülməlidir:
-məktəblə hərtərəfli tanış olmaq.
-təhkim olunduğu kimi sinfin fənn müəllimlərinin təqvim-tematik planlarını köçürmək.
-məktəbin kabinetləri və texniki imkanları ilə tanış olmaq.
-təhkim olunduğu sinfin jurnalı ilə tanış olmaq.
-fənnin proqramı, dərslik, dərs vəsaiti və didaktik materialları ilə tanış olmaq.
-şagirdlərin yoxlama yazı dəftəri ilə tanış olmaq.
-pedaqoji təcrübə müddətində deyiləcək dərslərin cədvəlini köçürmək.