Azərbaycan Respublikası Təhsil Nazirliyi Azərbaycan Müəllimlər İnstitutu Mingəçevir filialı
Yüklə 0,7 Mb. Pdf görüntüsü
|
- Bu səhifədəki naviqasiya:
- IV.Təcrübəçi tələbələrin vəzifələri
- VI.Adi və orta ixtisas təhsilli məktəbləri üzrə pedaqoji təcrübə rəhbərlərinin vəzifələri
43
-sinif rəhbərinin iş planını köçürmək və sinfin şagirdləri ilə tanış olmaq. Sinfin şəxsi işləri ilə tanışlıq. -valideyn komitəsi və şagird təşkilatlarının işi ilə tanış olmaq. Sinfin şəxsi işləri ilə tanışlıq. -ilk dərslərin icmallarını və bu dərslərə lazım olan əyani və texniki vəsaitləri müəyyənləşdirmək. -məktəbdəki fənlərə uyğun dərnəklərin və fənn komissiyalarının işləri ilə tanış olmaq. 3.4. Birinci təcrübə zamanı hər tələbə 6/qoşa ixtisaslıdırsa 3-3 və ya 4-2/. İkinci təcrübədə isə 8 (iki ixtisaslıdırsa 4-4 və ya 5-3) nümunə dərsi deməlidir. Ali məktəblərin «İbtidai təhsilin pedaqogika və metodikası» və orta ixtisas təhsili müəssisələrinin «İbtidai təhsil» ixtisasları üzrə birinci təcrübə müddətində «Ana dili» və «Riyaziyyat» fənlərinin hər birindən –2, «Əmək təlimi» və «Təbiətşünaslıq» fənlərinin hər birindən-1, ikinci təcrübə zamanı isə«Ana dili» və «Riyaziyyat» fənlərinin hər birindən –3, «Musiqi» və «Bədən tərbiyəsi» fənlərinin hər birindən –1 dərs deyilməlidir 1 . Defektologiya ixtisası üzrə I təcrübə əlahiddə məktəblərdə, II təcrübə isə kütləvi məktəblərdə keçirilmişdir. Burada ana dilindən 3-4, riyaziyyatdan 3, əmək təlimindən 1, rəsmdən 1 dərs deyilməlidir. 3.5.Tələbələr sinif rəhbərinin müavini kimi onun bütün funksiyalarını yerinə yetirməlidirlər. Təcrübə işlərini yerinə yetirmək üçün hər sinfə iki tələbədən artıq təhkim olunmamalıdır.
_______________________ 1Ali məktəblərdə «İbtidai təhsilin pedaqogikası və metodikası» ixtisası üzrə eksperiment aparılan qruplarda pedaqoji təcrübənin müddəti 18 həft (III kursda 3 həftə, IV kursda 15 həftə) olduğundan III kursda ana dili və riyaziyyat fənlərinin hər birindən-3, bədən tərbiyəsindən-2, IV kursda isə ana dili və riyaziyyat fənlərinin hər birindən –4, təbiətşünaslıq, əmək təlimi, musiqi, təsviri sənət fənlərinin hərəsindən 2 dərs deyilməlidir. 3.6.Tələbələr təcrübə zamanı məktəb gigiyenası üzrə tapşırıqları, bədən tərbiyəsi ixtisasının tələbələri isə bununla yanaşı fiziki çalışmaları da icra etməlidirlər. 3.7.Təcrübəçi tələbələrə ilk növbədə təhsil aldıqları tədris müəssisəsinin müvafiq fənlərdən dərs aparan müəllimləri rəhbərlik etməlidirlər. 3.8. Tələbələr psixologiyadan üç növ tapşırıqdan birini yerinə yetirirlər: -Şagirdin xarakteristikasını hazırlamaq; -Sinif kollektivinin xarakeristikasını tərtib etmək; -Dərsin psixoloji xarakteristikasını yazmaq.
4.1.Təcrübəçi tələbə «Qaydalar»da göstərilən bütün işləri yerinə yetirməli, hər dərsə və sinifdənkənar tədbirlərin keçirilməsinə ciddi hazırlaşmalıdır. 4.2. Təcrübəçi məktəbin daxili intizam qaydalarına tabe olmalı, müəssisə və təcrübə rəhbərlərinin tapşırıqlarına əməl etməlidirlər. 4.3. Təcrübə müddətində tələbələrdən biri metodist tərəfindən yarım qrupun nümayəndəsi seçilir və onun tapşırıqlarını yerinə yetirir. 4.4.Məktəbin şəraitindən asılı olaraq tələbələr həm birinci, həm də ikinci növbədə təcrübə keçə bilərlər. İş rejimi isə təhsil müəssisəsinin qrafikinə əsasən müəyyənləşdirilir vç 6 saatdan çox olmamalıdır. 4.5. Sınaq dərslərinin icmalları azı bir gün əvvəldən hazırlanmalı və ixtisas metodistinə təqdim edilməlidir. İxtisas metodisti razılıq verdikdə I təcrübədə azı 2, II təcrübədə azı 1 dərs icmalla, qalanları planla deyilə bilər. 4.6. Hər bir tələbə öz dediyi dərsdən əlavə gündə azı bir dərsin müşahidə və müzakirəsində iştirak etməlidir. V.Tələbələrin pedaqoji təcrübələrinin hesabatı, sənədləşdirilməsi və qiymətləndirilməsi 5.1. Tələbə pedaqoji təcrübə müddətində məktəbdə olduğu 6 saat ərzində gördüyü işləri gündəlikdə qeyd etməlidir. 5.2.Pedaqoji təcrübənin sonunda tələbələr aşağıdakı sənədləri təqdim etməlidirlər: -birinci təcrübənin sonunda –görüdlmüş işlərə dair hesabat, psixoloji xasiyyətnamə (yaxud bir dərsin psixoloji təhlili), iki dərsin nümunəvi icmalı, hər fəndən bir dərsin təhlilinin protokolu və əyani vəsait, bir dərsin planı, keçirilmiş əxlaqi söhbətin mətni; -ikinci təcrübənin sonunda –görülmüş işlərə dair hesabat, psixologiya və gigiyenaya aid tapşırıq mətni, bir dərsin icmalı və bir dərsin planı (iki ixtisaslarına 2 dərsin icmalı və planı), keçirilmiş tərbiyəvi tədbirin planı; -ikinci təcrübəni yaşadığı rayonda keçmiş qiyabiçi tələbələr sessiyaya azı iki gün tez getməli və özləri ilə aşağıdakı sənədləri gətirməlidirlər;
44
-təsdiq edilmiş 4 ədəd geniş dərs icmalı və 4 ədəd dərs planı (bir ixtisaslıdırsa cəmi 6 ədəd), yaxud bir sinifdə dediyi dərslərin bir aylıq dərs planları; -keçilmiş dərslərə aid 2 ədəd əyani vəsait; -şagirdin və sinfin psixoloji xarakteristikası; -əxlaqi söhbətin yazılı mətni və görülmüş işlərə dair yazılı hesabat; -məktəb rəhbərinin verdiyi «Arayış-xasiyyətnamə». Hər iki təcrübənin sənədləri fakültə (şöbə) üzrə təcrübə rəhbərinə təhvil verilməlidir. 5.3.Sınaq dərsləri deyilən gün müzakirə olunmalı, verilmiş qiymət isə dərhal jurnala köçürülməlidir. 5.4.Pedaqoji təcrübə qiymətləri bütün rəhbər metodistlərin, fənn müəllimlərinin iştirakı və razılığı ilə verilməlidir. Qiymətləndirmə meyarları ali və orta ixtisas təhsili müəssisəsi tərəfindən müəyyənləşdirilir. Hər bir tələbənin fəaliyyəti bütün növlərdən görülmüş işlərin nəticələrinə görə və sənədlər əsasında «əla», «yaxşı», «kafi», «qeyri-kafi» qiymətləndiril-məlidir. 5.5.Üzürlü səbəbdən pedaqoji təcrübədə iştirak etməyən tələbələr mövcud qaydaya uyğun olaraq təkrar kursda saxlanılır. Pedaqoji təcrübədən qeyri-müvəffəq qiymət alan və ya üzürsüz səbəbdən təcrübədə iştirak etməyən tələbələr ali məktəbdən xaric olunur.
VI.Adi və orta ixtisas təhsilli məktəbləri üzrə pedaqoji təcrübə rəhbərlərinin vəzifələri 6.1.Tələbələrin pedaqoji təcrübəsinə ümumi rəhbərliyi və əlaqələndirmə işlərinin ali və ya orta xtisas təhsili müəssisələri üzrə pedaqoji təcrübə rəhbəri həyata keçirir.
Yüklə 0,7 Mb. Dostları ilə paylaş:
|