45
Təhsil müəssisəsi üzrə pedaqoji təcrübə rəhbəri:
Ali (orta ixtisas) məktəbdəki pedaqoji təcrübə işlərini təşkil edir. Pedaqoji təcrübənin planlaşdırılması və
yekunlaşdırılması işlərinə rəhbərlik edir. Pedaqoji təcrübənin təşkili və keçirilməsi üçün plan-cədvəl hazırlayır.
Təhsil orqanlarının razılığı ilə pedaqoji təcrübənin keçiriləcəyi baza məktəblərini müəyyənləşdirib
müqavilələr bağlanmasını təşkil edir.
Pedaqoji təcrübədə iştirak edən işçilərin müqaviləsini təşkil edir və onları təlimatlandırır.
Fakültələrdə (şöbələrdə) pedaqoji təcrübəyə rəhbərlik edən qrup rəhbərlərinin, metodistlərin və məktəb
müəllimlərinin təcrübə ilə bağlı işlərinə nəzarət edir, pedaqoji təcrübənin təşkili və gedişindəki nöqsanları üzə
çıxarıb, aradan qaldırmaq üçün tədbirlər görür.
Pedaqoji təcrübənin təşkili və gedişinə dair hesabatları toplayıb ümumiləşdirir və təhsil müəssisəsinin
rəhbərinə təqdim edir.
Pedaqoji təcrübə ilə əlaqədar əldə edilmiş göstəriciləri ümumiləşdirir, onun səmərəliliyini artırmaq üçün
təkliflər verir.
Tələbələrin pedaqoji təcrübəyə ümumi rəhbərlik fakültə üzrə pedaqoji təcrübə rəhbəri tərəfindən həyata
keçirilir.
6.2. Fakültədə pedaqoji təcrübəyə ümumi rəhbərlik fakültə üzrə pedaqoji təcrübə rəhbəri tərəfindən həyata
keçirilir.
46
Fakültə üzrə pedaqoji təcrübə rəhbəri:
Fakültədə (şöbədə) pedaqoji təcrübənin başlanğıc və yekun konfranslarını təşkil edir, təcrübənin
nəticələrinin ümumiləşdirilməsində iştirak edir.
Tələbələrin siniflərə təhkim olunmalarına və işlərinin düzgün təşkilinə nəzarət edir; seçmə yolu ilə onların
dərslərinin təhlilində iştirak edir.
Fənn üzrə rəhbər metodistlərin hesabatlarını nəzərdən keçirir, bütün metodistlərin iştirakı ilə tələbələrin
pedaqoji təcrübə işlərinin qiymətlən-dirilməsini təşkil edir.
Pedaqoji təcrübədə iştirak edəcək fakültə (şöbə) metodistlərini təlimatlandırır.
Fakültədəki (şöbədəki) pedaqoji təcrübə işlərinin yekununa dair hesabat hazırlayıb təhsil müəssisəsi üzrə
rəhbərə təhvil verir.
6.3.İxtisas üzrə metodist (ixtisas fənninin tədrisi metodikası müəllimi):
-başlanğıc və yekun konfranslarında, habelə son qiymətləndirmə məşvərətində iştirak edir.
-təcrübəçilərin ixtisasa aid dərsləri demələrini, ixtisas üzrə sinifdənxaric tədbirlər keçirilməsini və onların
təhlilini təşkil edir.
Məktəbin fənn müəllimləri ilə birlikdə deyiləcək dərslərin mövzularını tələbələrə paylayır və onların
ixtisasa aid sinifdənxaric tədbirlərinin mövzularını müəyyənləşdirir.
Şagirdlərin fəallığını təmin edə biləcək metodlardan istifadə etməklə, tələbələrə müxtəlif tipli dərslər
aparmasını təmin edir, tələbələrə bütün işlərində dəyərli məsləhətlər verir, onların icmal və planlarını yoxlayıb
təsdiq edir, dərsləri təhlil edib qiymətləndirir və qiymətləri həmin gün jurnala köçürür.
Pedaqoji təcrübəyə rəhbərlik edən metodistlər jurnalda mövzuları və dərs saatlarını, jurnalın əvvəlində
təcrübəçi tələbələrin soyadlarını və adlarını, dedikləri dərslərin mövzularını və dərslərdən aldıqları qiymətləri
qeyd etməlidirlər.
İxtisas üzrə metodist yarımqrupun işinə xidmət edir. Qoşa ixtisaslı fakültələrdə fəaliyyətdə olan iki
yarımqrupun hərəsinə bir ixtisasın metodisti rəhbərlik edir.
Təcrübəçi tələbələrlə iş aparan məktəb müəllimlərinə elmi-metodiki yardım edir.
Məktəbdə pedaqoji təcrübə işləri başa çatan kimi təcrübə prosesində iştirak edən məktəb işçilərinin yerinə
yetirdikləri dərs yükü barədə məlumatı təhsil müəssisəsinin müəyyən etdiyi qaydada fakültə (şöbə) pedaqoji
təcrübə rəhbərinə təqdim edir.
6.4. Pedaqogika üzrə metodist (pedaqogika müəllimi):
-başlanğıc və yekun konfranslarında iştirak edir;
-sinifdənkənar tərbiyə işlərinin keçirilməsini təşkil edir və onların təhlilini aparır. Şagidlərin fərdi
keyfiyyətlərini öyrənməkdə tələbələrə kömək edir.
-ixtisas metodisti ilə hər tələbənin azı bir dərsində və onun təhlilində iştirak edir.
-tələbələrin apardıqları tərbiyə işləri barədə fakültə üzrə pedaqoji təcrübə rəhbərinə məlumat verir.
6.5.Psixologiya üzrə metodist (psixologiya müəllimi):
-başlanğıc və yekun konfranslarında iştirak edir.
-hər tələbənin bir dərsində və sinifdənkənar tədbirində iştirak edir.
-tələbənin psixologiya üzrə tapşırıqlarına bilavasitə rəhbərlik edir.
-digər metodistlərlə birlikdə tələbələrin pedaqoji təcrübə işlərinin qiymətləndirilməsində iştirak edir.
6.6.Məktəb gigiyenası üzrə metodist (məktəb gigiyenası üzrə mütəxəssis):
-başlanğıc konfransında iştirak edir.
-ilk gündən müxtəlif məktəblərdə təcrübə keçən bir neçə qrupun tələbələrinə konkret tapşırıqların icrasına,
başa çatmasına nəzarət edir.
-tələbələrin işinin qiymətləndirilməsində iştirak edir.
6.7.Məktəb direktoru və onun müavini:
-pedaqoji təcrübənin gedişi üçün məktəbdə lazımi şərait yaradır. Bu məqsədlə məktəbin müəllim və digər
işçiləri ilə lazımi işlər aparır.
-tələbələri, məktəblə, burada aparılan təlim-tərbiyə işlərinin xüsusiyyətləri, məktəbin müvafiq sənədləri,
məktəbin tədris-təchizat bazası (kabinetləri, emalatxanaları, kitabxanası, idman zalı və s.) pedaqoji şura,
metodbirləşmə və fənn komissiyalarının, valideyn komitəsinin işi ilə tanış edir.
-ixtisas metodisti ilə birlikdə tələbələri siniflərə təhkim edir.
-təcrübəçilərin bəzi dərslərində və onların müzakirəsində iştirak edir.
7.2.Pedaqoji təcrübəyə rəhbərlik edən metodistin təcrübə müddətində eyni növbədə auditoriya məşğələsi
olmamalıdır.
7.3.Ali və orta ixtisas təhsili məktəblərində bir tələbənin pedaqoji təcrübə işinə rəhbərlik üçün dərs yükü
aşağıdakı kimi verilir (1 nəfərə-saat hesabı ilə):